InfoHub Logo

ساباقتىڭ تاقىرىبى: ەرلىك – ەلگە مۇرا، ۇرپاققا ۇران
ساباقتىڭ ماقساتى:
بىلىمدىلىگى: وقۋشىلارعا حالىق قاھارمانى ع. بايتاسوۆ ءومىرى مەن ونەگەلى ءىسىن جاس ۇرپاققا ناسيحاتتاۋ، ەلى ءۇشىن تۋعان ەسىل ەردىڭ ەرلىگىن ۇلىقتاۋ ارقىلى بەيبىت ءومىردىڭ ءمانىن ۇعىندىرۋ.
دامىتۋشىلىعى: جەكە تۇلعانىڭ زياتكەرلىك دامۋىن ءوز بەتىنشە ىزدەنۋ، وقۋ ارقىلى قالىپتاستىرۋ، جەكە تۇلعانىڭ زەرتتەۋشىلىك جانە شىعارماشىلىق قابىلەتىن دامىتۋ.
تاربيەلىگى: حالىق قاھارمانىنىڭ حالقىنا سىڭىرگەن ەڭبەگىن، ەرلىگىن ۇلگى ەتۋ، وقۋشىلار بويىنا حالقىمىزدىڭ قۇندىلىقتارىن ءسىڭىرىپ تاربيەلەۋ.
كورنەكىلىگى: ع. بايتاسوۆتىڭ پورترەتى، سلايدتار، ەرلىك پەن ەلدىك تۋرالى قاناتتى سوزدەر.

ساباق بارىسى:
ءى. ۇيىمداستىرۋ كەزەڭى
ءىى. ءمۇعالىم ءسوزى:
- بۇل كۇنى ەلدى ۇرەيگە بولەگەن جيھادشى م. ك. قارييەۆ قارۋ - جاراق دۇكەندەرىنىڭ بىرىنە قاراقشىلىق شابۋىل جاساپ، اقىر سوڭىندا ءوزىن - ءوزى جارىپ جىبەردى. سول كەزدە جول پوليسياسىنىڭ ۆزۆود كومانديرى، كاپيتان عازيز بايتاسوۆ قىلمىسكەردى ءوز دەنەسىمەن جاۋىپ، ەرلىكپەن قازا بولدى.
ەستەرىڭىزدە بولسا، م. قارييەۆ، ەڭ ءبىرىنشى، مازدا - 626 كولىگىنىڭ يەسى زاكيروۆقا قاراقشىلىق شابۋىل جاساپ، قورقىتىپ، كولىگىن تارتىپ الادى. وسىدان كەيىن قارۋ - جاراق دۇكەنىنە شابۋىل جاساپ، كۇزەتشى ۆ. فەدورچەنكونى ءولتىرىپ، ن. ە. ورازباسوۆتى اۋىر جاراقاتتادى. سوسىن جارتىلاي اۆتومات جانە «سايگا» قارۋىن يەمدەنىپ، تايىپ تۇردى. ءوزىن اڭدىپ جۇرگەن ەكى پوليسيا سەرجانتى پ. ك. ايامقۇلوۆ پەن ن. ا. بايسەيىتوۆتى ءولتىرىپ، ولاردىڭ تابەلدىك قارۋىن العاننان كەيىن قارييەۆ ءوزىنىڭ تۇرعىلىقتى جەرىنە بارىپ، رپگ - 26 گرانوتومەتىن الىپ شىعادى. ودان كەيىن ۇلتتىق قاۋىپسىزدىك كوميتەتىنىڭ وبلىستىق دەپارتامەنتى عيماراتىنىڭ قابىرعالارى مەن تەرەزەلەرىنە اتادى. بۇل جەردە ادام ءولىمى ورىن الماسا دا، عيمارات ءبىرشاما قيرادى. ال ساعات 12: 45 - ءتىڭ شاماسىندا قارييەۆ پوليسيا ءپاترۋلىنىڭ ەكى قىزمەتكەرىن جاراقاتتاپ قاشادى. ءوز كەزەگىندە جول پوليسياسى قىزمەتكەرلەرى ونى جارالاپ، قولعا تۇسىرۋگە ۇمتىلعان كەزدە، قارييەۆ گراناتانى الىپ شىعادى دا، ىسكە قوسادى. ونى كورگەن كاپيتان گ. بايتاسوۆ قىلمىسكەردى ءوز دەنەسىمەن جاۋىپ، ەرلىكپەن قازا بولدى. پوليسيا سەرجانتى س. س. الاشوۆ بولسا، قاتتى جاراقاتتاندى.
بۇگىندە تارازداعى تەراكتى كەزىندە قازا بولعان قۇقىق قورعاۋشىلاردىڭ قۇرمەتىنە ەستەلىك تاقتالار ورناتىلدى. ال كاپيتان عازيز بايتاسوۆتىڭ قۇرمەتىنە بيۋست قويىلىپ، قالا كوشەلەرىنىڭ ءبىرى باتىردىڭ ەسىمىمەن اتالدى. سونداي - اق ەلباسى نۇرسۇلتان نازاربايەۆتىڭ جارلىعىمەن ماڭگىلىك ۇيقىدا جاتقان كاپيتان ع. بايتاسوۆقا «حالىق قاھارمانى» اتاعى بەرىلدى.
ءىىى. سلايدپەن جۇمىس «عازيز بايتاسوۆ - ەل ءۇشىن تۋعان ەسىل ەر»

1 - وقۋشى:
- عازيز بايتاسوۆ 1971 جىلى 3 ساۋىردە جامبىل وبلىسى بايزاق اۋدانى تۇيمەكەنت اۋىلىندا دۇنيەگە كەلگەن. اتپال ازامات كوزى ءتىرى بولعاندا 43 جاسىن اعايىن - تۋىس، دوستارىمەن اتاپ وتەر ەدى. كوزى تىرىسىندە ءوز ىسىنە دەگەن ادالدىق، قىزمەتىنە دەگەن جاۋاپكەرشىلىك ۇلگىسىن تانىتقان عازيز قۇزىرلى ورىن سالاسىندا ەڭبەك ەتە ءجۇرىپ 28 رەت ماراپاتقا ۇسىنىلىپتى. كۇنى - ءتۇنى تاڭداعان كاسىبىنىڭ اۋىرتپالىعىن اسا ۇقىپتىلىقپەن سەزىنىپ، وتباسى مەن باۋىرلارىنا دەگەن قامقورلىعىن استە ەش تومەندەتپەگەن ءعازيزدىڭ ازاماتتىق تۇلعاسى بۇگىنگى ۇرپاققا ۇلاعات.

ەرلىك – ەلگە مۇرا، ۇرپاققا ۇران. جۇكتەۋ