InfoHub Logo

ماقساتى: ەرتەگىنى بالالارعا وقىپ بەرىپ، ەرتەگى كەيىپكەرلەرىمەن تانىستىرۋ. جاعىمدى جانە جاعىمسىز كەيىپكەرلەردى اجىراتا بىلۋگە ۇيرەتۋ. رولدەرگە ءبولىپ ويناي بىلۋگە داعدىلاندىرۋ. سوزدىك قورىن مولايتىپ، ءتىلىن، ەستە ساقتاۋ جانە ويلاۋ قابىلەتتەرىن دامىتۋ. بالالاردى ۇيىمشىلدىققا، ادالدىققا تاربيەلەۋ.
كورنەكىلىگى: تالدار، شىرشا، ساڭىراۋقۇلاق، گۇلدەر، سيىر، بۇزاۋ، ءۇي اۋلاسى، ەرتەگى كەيىپكەرلەرى.

ءى. ۇيىمداستىرۋ كەزەڭى:
قۇرمەتتى قوناقتار، بالالار!
ءبىزدىڭ «ەرتەگىلەر ەلىنە» اتتى ەرتەڭگىلىگىمىزگە قوش كەلدىڭىزدەر.
ەرتە، ەرتە ەرتەدە،
ەشكى ءجۇنى بورتەدە.
قىرعاۋىلى قىزىل ەكەن،
قۇيرىق ءجۇنى ۇزىن ەكەن - دەپ ءبىز نەنى باستايمىز؟
اۆتور: بار ەكەن دە، جوق ەكەن باياعىدا بودەنە مەن تۇلكى دوس بولعان ەكەن. ءبىر كۇنى تۇلكى بودەنەگە ايتادى:
تۇلكى:
- دوسىم، سەن مەنى ءبىر ولەردەي كۇلدىرتشى.
اۆتور: - دەيدى.
بودەنە:
- جارايدى، سوڭىما ەر،
اۆتور: - دەيدى. سويتەدى دە، بودەنە بىتپىدىق، بىتپىندىق دەپ، ۇشىپ كەتە بەرەدى، تۇلكى ونىڭ سوڭىنان ەرىپ وتىرادى. الدەنە ۋاقىتتا بودەنە ءبىر اۋىلدىڭ سىرتىنا كەلىپ قونىپ، تۇلكىگە:
بودەنە:
- دوسىم سەن وسى جەردە قاراپ وتىر، مەن سەنى ءقازىر كۇلدىرەمىن.
اۆتور: - دەيدى. وسىلاي دەپ بودەنە ۇشىپ بارىپ، سيىر ساۋىپ وتىرعان ءبىر ايەلدىڭ باسىنا بارىپ قونادى. مۇنى ءۇيدىڭ جانىندا اعاش جونىپ جاتقان ونىڭ كۇيەۋى كورىپ:
كۇيەۋى:
- قاتىن باسىڭا بودەنە قوندى، قوزعالما، ونى مەن ۇرىپ الايىن.
اۆتور: - دەيدى. دەيدى دە قولاعاشتى الىپ، بودەنەگە جىبەرىپ قالادى. بودەنە ۇشىپ كەتەدى. ايەل سۇلاپ قالادى. تۇلكى ىشەك – سىلەسى قاتىپ كۇلەدى. تۇلكى الدەنە ۋاقىتتا كۇلكىسىن ارەڭ تىيىپ:

تۇلكى:
- دوسىم، ريزامىن، ولەردەي كۇلدىردىڭ. ەندى سەن مەنى ءبىر ولەردەي قورقىتشى.
اۆتور: - دەيدى.
بودەنە:
- جارايدى. مەن بىتپىلدىڭ، بىتپىلدىڭ دەپ ۇشىپ وتىرامىن، سەن كوزىڭدى تارس جۇمىپ، مەنىڭ سوڭىمنان ەرىپ وتىر. مەن كوزىڭدى اش دەگەندە عانا اش
اۆتور: - دەيدى. وسىلاي بودەنە بىتپىلداپ ۇشىپ وتىرادى، تۇلكى كوزىن جۇمىپ، ونىڭ سوڭىنان جورتىپ وتىرادى. ءبىر كەزدە بودەنە تۇلكىگە:
بودەنە:
- كوزىڭدى اش
اۆتور: - دەيدى. تۇلكى كوزىن اشىپ جىبەرسە توڭىرەگى تولا يت جۇگىرتىپ، قۇس سالعان اڭشى ەكەن. تۇلكى جۇرەگى تاس توبەسىنە شىعادى.
- ءولدى دەگەن وسى ەكەن، - دەپ ول بار پارمەنىمەن قاشا جونەلەدى. يت، قۇس سوڭىنا ءتۇسىپ قۋادى.
تۇلكى ءبىر ۋاقىتتا قاشىپ قۇتىلىپ، ءبىر بۇتاقتىڭ تۇبىنە كەلىپ دەمالىپ وتىرادى.
الدەنە ۋاقىتتا بودەنە كەلەدى، وعان تۇلكى اشۋلانىپ:
تۇلكى:
- قورقىت دەگەندە وسىلاي قورقىت دەپ پە، ەم. سەن مەنى قورقىتپاقشى ەمەس، ولتىرمەكشى بولعان ەكەنسىڭ. مەن سەنى جەيمىن.
اۆتور: - دەپ، بودەنەگە دۇرسە ۇمتىلادى. بودەنە پىر ەتىپ، ۇشىپ كەتەدى. تۇلكى ونىڭ قۇيرىعىن جۇلىپ الىپ قالادى.
قانە ەندى ورتاعا كەيىپكەرلەرىمىزدى شاقىرايىق.
بودەنە ءرولىن ويناعان –
تۇلكى ءرولىن ويناعان –
كۇيەۋىنىڭ ءرولىن ويناعان –
ايەلىنىڭ ءرولىن ويناعان -
اڭشىلار ءرولىن ويناعاندار –
بالالار سەندەر وتە تاماشا كەيىپكەر رولىندە وينادىڭدار. سەندەرگە كوپ راحمەت ايتامىز. وسىلاي بارلىق جەردە وزدەرىڭدى بەلسەندى، تاپقىر، ءارتىس رەتىندە كورسەتە بىلدىڭدەر.
ەرتەڭگىلىگىمىز اياقتالدى كەلگەن قوناقتارعا كوپ راحمەت.