ەسسە جانە ولەڭ جىر-بايقاۋى: اپتانىڭ ۇزدىك اۆتورى انىقتالدى!
اعىمداعى جىلدىڭ 30 تامىزىنان باستاۋ العان ەسسە جانە ولەڭ-جىر بايقاۋىنىڭ كەزەكتى اپتا سايىنعى ۇزدىك اۆتورى انىقتالدى!
شىعارمالاردىڭ ءبىرى بىرىنەن ءوتىپ، سۇبەلى ءسوزدىڭ سانسىز سالماعىن ساراپتاي الاتىن سانالى جاستاردىڭ شىعارمالارى كوڭىل قۋانتادى. ءتۇرلى تاقىرىپتا قالام تەربەگەن قاتىسۋشىلارىمىز قوعامنىڭ وزەكتى ماسەلەلەرىن ساپالى كوتەرۋدە.
جاريالانعان شىعارمالار ىشىنەن جۇزدەن جۇيرىك اتالعان تۋىندىعا «اقيقاتى، ولەڭ - مەنىڭ ءومىرىم... » دەگەن ايدار تاعىلىپتى. راسىمەن، قارا ءتۇندى قاق جاراتىن كوڭىلى، بويىندا ءبورىنىڭ قايراتى بار، اق قاعازعا اسەم ورنەك قالدىرار، ءومىرىن ولەڭمەن بايلانىستىرعان ارايلىم ەرۋباي ەسىمدى اۆتوردىڭ تۋىندىسى جۇرەگىمىزدىڭ تورىنەن ورىن الا ءبىلدى.
ەكىنشى اپتا قورىتىندىسى بويىنشا ۇزدىك دەپ تانىلعان تۋىندىنى نازارلارىڭىزعا ۇسىنامىز:
اقيقاتى، ولەڭ - مەنىڭ ءومىرىم...
بايقاساڭىز، وزگەلەردىڭ ءومىرىن،
باعى جانعان كوبى كەيدە، كوبى مۇڭ.
تاعدىرىنا تاريح ءجىبىن ساباقتار،
اقيقاتى، ولەڭ- مەنىڭ ءومىرىم...
ارتقا تاستاپ زامانانىڭ كولىگىن،
قارا ءتۇندى قاق جارادى كوڭىلىم.
ۇيقاس، تارماق، بۋىنداردان قۇرالعان،
اقيقاتى، ولەڭ- مەنىڭ ءومىرىم...
ەسكەرمەيتىن ەسەبىنە جوعىنىڭ،
سىر تۇنعانداي كۇمبەزدەنگەن كوگىنىڭ.
اسقاق رۋح پەن اسىل سەزىم جاستانعان،
اقيقاتى، ولەڭ- مەنىڭ ءومىرىم...
جارق ەتەتىن جۇلدىزداردىڭ شوعىرىن،
اسپانعا اتار الا سالىپ بورىگىن.
قاراپ تۇرىپ، قۇبىلىسقا تاڭ قالار،
اقيقاتى، ولەڭ- مەنىڭ ءومىرىم...
بەكەم بايلاپ بايراعىنا تۇعىرىن،
سارپ ەتەتىن ساقتاۋ ءۇشىن عۇمىرىن.
ار-نامىس پەن كۇش-جىگەردى تاقىمدار،
اقيقاتى، ولەڭ- مەنىڭ ءومىرىم...
سىن-سيپاتى جىلىكتەيتىن سوعىمىن،
تۇلا بويدا قايراتى بار ءبورىنىڭ.
اق قاعازدا اسەم ورنەك قالدىرار،
اقيقاتى، ولەڭ- مەنىڭ ءومىرىم...
(اۆتوردىڭ ورفوگرافياسى مەن پۋنكتۋاسياسى ساقتالعان)
كەزەكتى جەڭىمپازدى قۇتتىقتايمىز!
سىيلىقتى الۋ ءۇشىن bilimland.kz سايتىمەن بايلانىسۋىڭىزدى سۇرايمىز!
ەسكە سالايىق، bilim-all.kz جانە bilimland.kz سايتتارى جاس قالامگەرلەر اراسىندا سايىس جاريالاعان بولاتىن. بارلىق تالاپتارمەن قالامگەرلەر سايىسى سىلتەمەسى ارقىلى تانىسا الاسىز.
You Might Also Like
-
ەرتەدە ءبىر بەس اعايىندى جىگىت بار ەكەن. بەسەۋى ءبىر بايتەرەكتىڭ قاسىنا جارتى جەر سالعان ەكەن. ەگىنى پىسكەن سوڭ، تۇندە كەلىپ بىرەۋ جەپ كەتەدى ەكەن. سونان سوڭ ولار ەگىنىن كۇزەتىپتى. اۋەلى ۇلكەن اعاسى ...
-
سولتۇستىك قازاقستان وبلىسىندا جاس ۇستاز يۆان بۋركوۆسكييدىڭ «كەدەرگىسىز روبوتوتەحنيكا» جوباسى «قازاقستاننىڭ ۇزدىك الەۋمەتتىك جوبالارى» رەسپۋبليكالىق بايقاۋىنىڭ وبلىستىق كەزەڭ...
