قاتەرلى ىسىكتىڭ الدىن الۋشى — ءجۇزىم
ەلىمىزدە دە كوپتەپ وسەتىن ءجۇزىم مەن جۇزىمنەن جاسالاتىن مەيىز جاستار ءۇشىن دە، ەگدە جاستاعىلار ءۇشىن دە تاۋسىلماس دارۋمەن جانە قۋات قورى بولىپ تابىلادى. ءجۇزىمنىڭ قۇرامىنداعى امينوقىشقىلدار، ۆ توبىنىڭ دارۋمەندەرى يممۋنيتەت جۇيەسىن قۋاتتاندىرادى. فەرۋم، ماگنيي، كالسيي جانە كاليي مينەرالدارى سۇيەكتىڭ جۇيەلى تۇردە دامۋىنا ىقپال ەتۋمەن قاتار ادامعا كۇش-قۋات بەرەدى.
ءجۇزىمنىڭ ءتاتتى بولۋىمەن بىرگە قان ازدىقتىڭ، السىزدىكتىڭ جانە ءىش ءوتۋدىڭ الدىن الاتىن قاسيەتتەرى دە بار. اسىرەسە قىزىل جانە قارا ءتۇستى جۇزىمدەردىڭ قابىق بولىگىندەگى فيتوالەكسين توبىنا جاتاتىن راسۆەراترول انتيوكسيدانتى جاسۋشالارداعى وزگەرىس ناتيجەسىندە ىسىك قالىپتاسۋىنا ىقپال ەتەتىن دەربەس راديكالدارعا بوگەت جاساپ، قاتەرلى ىسىكتىڭ قالىپتاسۋىنا جول بەرمەيدى. ءدال وسى زات كاپيليارلاردا ماي بىرىگۋىنىڭ الدىن الاتىندىقتان جۇرەك قان تامىرلارى اۋرۋلارىنا قارسى دا وتە پايدالى. سونداي-اق تىندەردىڭ قالىپتاسۋى، تەرى مەن شاش ساۋلىعى تۇرعىسىنان جانە بۇيرەك پەن باۋىر ساۋلىعىنا دا پايداسى وراسان زور.
تالشىق تۇرعىسىنان قانىق كەلەتىندىكتەن اس قورىتۋ جۇيەسىنىڭ جۇمىسىن جاقسارتادى. قان ازدىققا قارسى مەيىز، ياعني كەپتىرىلگەن قارا ءجۇزىم تەمىردىڭ ەڭ تابيعي قاينارى بولىپ سانالادى. دۇنيە جۇزىندە جىل سايىن 100 مىڭداعان ادامدا توق ىشەك قاتەرلى ىسىگى انىقتالۋدا. اقش-تا جاسالعان سوڭعى زەرتتەۋلەر مەيىزدە توق ىشەكتەردىڭ ساۋلىعىنا پايدالى ينۋلين اتتى پوليفرۋكتوزان بار ەكەندىگى انىقتالعان. 40-50 گر مەيىزدە 1،5 گر ينۋلين بولادى ەكەن. كۇندىك مازىرگە مەيىز قوسۋ ارقىلى ءارى توق ىشەككە پايدالى ازىق، ءارى جەمىس پەن تالشىقتى ازىق قاجەتتىلىگىن قامتاماسىز ەتكەن بولامىز.
وقۋعا كەڭەس بەرەمىز:
قاتەرلى ىسىك ءقاۋىپىن ازايتۋ ءۇشىن
You Might Also Like
-
دۇنيەدەن بەزىپ، تاسقا شىعىپ كەتكەن، ءبىر اق جۇرەك شال قالىڭ نۋ ورماندى مەكەندەيدى. ورمانداعى اڭ مۇنان قورىقپايدى. اڭمەن سويلەسىپ ۇعىساتىن بولادى.
-
قازاق - قوناقجاي حالىق. وسى سويلەمدى ەستىگەن سايىن مەنىڭ كوز الدىما قارشاداي كۇنىم، داستارحانى جيىلمايتىن ءبىزدىڭ اقشاڭقاي كيىز ءۇيىمىز كەلەدى. تورىنەن قوناق ۇزىلمەيتىن، وشاعىنان قازان تۇسپەيتىن ءۇيدى...
