InfoHub Logo

ساباقتىڭ تاقىرىبى: ف دىبىسى مەن ءارپى

ساباقتىڭ ماقساتى: 1. ف دىبىسى مەن ءارپىن تانىتۋ، وقۋعا جاتتىقتىرۋ.
2. وي بەلسەندىلىگىن ارتتىرىپ سوزدىك قورىن مولايتۋ. وقۋعا دەگەن بەلسەندىلىگىن ارتتىرۋ.
3. ۇيىمشىلدىققا، ادەمى، ساۋاتتى جازۋعا ماشىقتاندىرۋ.

ساباقتىڭ كورنەكىلىگى: «ۇيشىك» ەرتەگىسى ينتەراكتيۆتى تاقتا، سۋرەتتەر، كەسپە ارىپتەر، بۋىندار.
ساباقتىڭ ءادىس - تاسىلدەرى: ءتۇسىندىرۋ، سۇراق - جاۋاپ، ماداقتاۋ.
جاڭا تەحنولوگيا: ويىن تۇرىندە وقىتۋ.
ساباقتىڭ ءتۇرى: ەرتەگى ساباق.
ساباقتىڭ ءجۇرىسى:
ۇيىمداستىرۋ ءبولىمى.

1. وقۋشى زەيىنىن ساباققا اۋدارۋ.
پسيحولوگيالىق دايىندىق.
بار كىتاپقا باس بولعان،
الىپپە عىلىم اناسى.
الىپپەدەن باستالعان،
دانالىقتىڭ داناسى.
- بالالار، بۇگىنگى ساباعىمىز كۇندەگىدەن وزگەشە. ويتكەنى بۇگىنگى
ساباعىمىزعا قوناقتار كەلىپ وتىر. ولار سەندەردىڭ بىلىمدەرىڭىزدى كورگىسى كەلەدى. بالالار، ەرتەگى تىڭداعىلارىڭ كەلە مە؟
- ءيا
- ولاي بولسا، بۇگىنگى ساباعىمىز باسىنان اياعىنا دەيىن «ۇيشىك» ەرتەگىسىنە ارنالادى
- ەرتە، ەرتە. ەرتەدە ەشكى ءجۇنى بورتە دە ورماندا ءبىر ۇيشىك تۇرىپتى. ءبىر كۇنى سول ۇيشىكتى جەرتەسەر تىشقان كورىپتى.
- نەتكەن ۇيشىك! كىمدىكى بۇل ۇيشىك؟ دەپ قاسىنا كەلسە، ەسىگىندە حات ءىلۋلى تۇر ەكەن. ول حاتتى اشىپ وقىسا «مىنا تاپسىرمالاردى ورىنداعاندار وسى ۇيشىكتە تاتۋ ءومىر سۇرەدى» دەلىنگەن ەكەن.
بالالار تىشقانعا كومەكتەسىپ تاپسىرمانى ورىندايىق.
1 - تاپسىرما. ۇيگە تاپسىرمانى ورىندا.
1. الىپپە باعانىنداعى سوزدەردى وقىڭدار.
2.«ۆوكزال» ءماتىنىنىڭ مازمۇنىن ايت.
3.«ءسوز ويلا، تەز ويلا» ويىنىن وينا.
بىردە سەكىرىپ باقىلداۋىق باقا كەلدى.
- نەتكەن ۇيشىك! ۇيشىكتە كىم تۇرادى؟
- مەن جەرتەسەر تىشقانمىن.
- ەكەۋمىز بىرگە تۇرايىق.
- ول ءۇشىن مىنا تاپسىرمانى ورىندا، دەيدى.

2. تاپسىرما. جاڭا ساباقتى تۇسىنىڭدەر.
- بالالار، مەن سەندەرگە جۇمباق ايتايىن.
سۋدان شاشاق شاشىلار،
سۋ توقتاسا باسىلار.
- فونتان.
- دۇرىس ايتاسىڭدار، فونتان ءسوزى قاي دىبىستان باستالىپ تۇر؟
- ف. ولاي بولسا، بۇگىنگى تانىساتىن ءارپىمىز «ف» ەكەن.( بىرنەشە رەت قايتالاتۋ) ف ءارپىنىڭ باسپا، جازبا ءتۇرىن كورسەتۋ.
ف داۋىسسىز دىبىس. «ف» دىبىسىنان باستالاتىن سوزدەر ويلاتۋ. «فونتان»، «فوتو»، «تەلەفون»، «تەلەگراف» سوزدەرىن بۋىنداتىپ «ف» دىبىسىنىڭ ورنالاسقان جەرىن انىقتاتۋ.
- ءبىر كۇنى سەكەكتەپ قويان كەلەدى. نەتكەن ۇيشىك! بۇل ۇيشىكتە كىم تۇرادى؟ دەيدى
- مەن جەرتەسەر تىشقانمىن. - مەن باقىلداۋىق باقامىن. ال سەن كىمسىڭ؟ دەيدى.
- مەن قورقاق قويانمىن، دەيدى.
ۇشەۋمىز بىرگە تۇرايىق دەيدى قويان.
- ول ءۇشىن مىنا تاپسىرمانى ورىندا دەيدى ولار.
3 - تاپسىرما. وقۋلىقپەن جۇمىس.
سەرگىتۋ ءساتى. «سۇر قويانعا» قيمىلدار جاساتۋ
ۇيشىككە جىلمىڭ تۇلكى كەلەدى. - نەتكەن ۇيشىك! - بۇل ۇيشىكتە كىم تۇرادى؟
- ءبىز جەرتەسەر تىشقان، باقىلداۋىق باقا، سەكەك قويانبىز. ال سەن كىمسىڭ؟
- مەن جىلمىڭ تۇلكىمىن، بىرگە تۇرايىق دەيدى.

4 - تاپسىرما. «اداسقان ارىپتەر» ويىنى.
ت و ف و، ب و ف ۋ ل ت، ف و ل ە ن ە ت
ۇيشىككە ايۋ كەلىپ ەسىك قاقتى.
- نەتكەن ۇيشىك! بۇل ۇيشىكتە كىم تۇرادى؟
- ءبىز تۇرامىز، دەدى ولار.
- مەندە بىرگە تۇرايىنشى، دەدى ايۋ.
- وندا مىنا تاپسىرمانى ورىندا، - دەيدى ولار.

5 - تاپسىرما. شىعارماشىلىق تاپسىرما. «فۋتبول» تاقىرىبىنا اڭگىمە قۇراتۋ.
ايۋ ۇيشىككە سۇيەنگەندە ۇيشىك قيراپ قالادى. قورقىپ كەتكەن اڭدار قاشا جونەلەدى. سول كەزدە ايۋ ولارعا؛ - «قورىقپاڭدار، ءبارىمىز بىرىگىپ ادەمى ۇيشىك جاساپ الامىز، دەپ شاقىردى.
ولاي بولسا، بىزدەردە اڭدارعا كومەكتەسەيىك. ول ءۇشىن «فۋتبول» ويىنىن وينايىق.

6 - تاپسىرما. «فۋتبول» ويىنى. نە ۇيرەندىك، نە بىلدىك؟
1.«ف» قانداي دىبىس.
2. ول ءسوزدىڭ قاي جەرىندە كەلەدى؟
3. جۇمباق شەشۋ.
وسىلايشا بىرلىكتىڭ، دوستىقتىڭ ارقاسىندا اڭدار ادەمى ۇيشىك جاساسا، بىزدەر تەرەڭ ءبىلىم الدىق.
ماداقتاۋ، باعالاۋ.
ۇيگە: الىپپە باعانىنداعى سوزدەردى وقۋ، «فۋتبول»، «ءال فارابي» ولەڭدەرىن جاتتاۋ.

ماڭعىستاۋ وبلىسى، قاراقيا اۋدانى، سەنەك اۋىلى،
قاشاعان كۇرجىمان ۇلى اتىنداعى ورتا مەكتەبى
باستاۋىش سىنىپ ءمۇعالىمى: وتەبايەۆا قالدىگۇل كوشەن قىزى