Facebook AR كوزىلدىرىگىن باسقارۋعا ارنالعان گادجەت جاساپ جاتىر
Facebook كورپوراسياسى ءوزىنىڭ AR كوزىلدىرىگىن باسقارۋعا ارنالعان بىلەزىك جاساپ جاتىر. ول جۇيكە يمپۋلستارى مەن قول قيمىلدارىنا جاۋاپ بەرەدى. كومپانيا بۇل كوزىلدىرىكتى وسى جىلى شىعارادى دەپ Reuters اگەنتتىگى مالىمدەدى.
AR بىلەزىگى ساۋساقتى قيمىلداتۋ ارقىلى ۆيرتۋالدى فۋنكسيالاردى ىسكە اسىرۋعا مۇمكىندىك بەرەدى. قۇرىلعى قولدىڭ قيمىلدارى مەن كۇردەلى ميميكالاردىڭ تۇسىندىرمەسىن جۇيكە سيگنالدارى ارقىلى انىقتاي الادى.
Facebook-تىڭ اR بىلەزىك شىعارۋ جايلى مالىمدەمەسى اقىلدى كوزىلدىرىكتەر جاساۋ سالاسىنداعى Apple، Amazon جانە Google Alphabet كورپاراسيالارى اراسىنداعى باسەكەلەستىكتى ودان ءارى كۇشەيتتى دەپ مالىمدەدى اگەنتتىك.
2014 جىلى مامىردا Google كومپانياسى Google Glass اقىلدى كوزىلدىرىگىن ساتىلىمعا شىعارعان. باعاسى 1500 دوللار.
2018 جىلدان باستاپ Apple كورپاراسياسى دا AR اقىلدى كوزىلدىرىكتەرىمەن اينالىسا باستادى. بۇل جوبانى ازىرلەۋشىلەردىڭ سوزىنشە، AR سمارت كوزىلدىرىگىندە گرافيكالىق اقپاراتتار لينزالاردا كورىنىپ تۇراتىن بولادى.
2020 جىلدىڭ 1 شىلدەسىندە Facebook VR ديسپلەيلەرىمەن گارنيتۋرا تانىستىرعان ەدى. ديزاينى ادەتتەگى كۇننەن قورعايتىن كوزىلدىرىككە ۇقسايدى.
2020 جىلى 17 قىركۇيەكتە Facebook CEO مارك سۋكەربەرگ Ray-Ban دەپ اتالاتىن سمارت كوزىلدىرىكتەر جاساپ جاتقاندىعىن حابارلاعان.
قانيا تابىس
You Might Also Like
-
دوڭگەلەك ۇستەل قايراتكەردىڭ ومىردەن وتكەنىنە 20 جىل، «مۇزعا جانعان الاۋ» جەلتوقسان كوتەرىلىسىنە 35 جىل تولۋىنا وراي ۇيىمداستىرىلدى.
-
اۋەزوۆ اۋدانى كمم №173 مەكتەپ-ليسەي بەيىندى پاندەر جونىندەگى وقۋ ءىسى مەڭگەرۋشىسى دارمەنبەكوۆا گۋلميرا يساگالييەۆنا
