مەن ارمانداعان قازۇۋ!!!
بەلگىلى شىعىس عۇلاماسى ءال-فارابيدىڭ اتىمەن اتالاتىن قاسيەتتى قارا شاڭىراق قازاق ۇلتتىق ۋنيۆەرسيتەتى – قازىرگى تاڭدا ەلىمىزدەگى ەڭ جەتەكشى جوعارعى وقۋ ورىندارىنىڭ ءبىرى بولىپ تابىلادى. مەن ءدال وسى ۋنيۆەرسيتەتتىڭ ستۋدەنتى ەكەنىمدى ماقتانىشپەن ايتا الامىن. وسىدان 5-6 جىل بۇرىن بۇل ۋنيۆەرسيتەت مەن ءۇشىن تەك الىستاعى ارمان بولاتىن. مەكتەپتى ءبىتىرىپ، العاش قازۇۋ-دىڭ تابالدىرىعىن اتتاعان كەزىم ءالى كۇنگە دەيىن ەسىمدە. شەكسىز قۋانىش، اتا-انامنىڭ اقتالعان ءۇمىتى، ارمانعا جاقىنداعان ءبىر قادام…
كەزىندە قازاق ادەبيەتىنىڭ مايتالماندارى، ۇلت زيالىلارى زەينوللا قابدولوۆ، مۇحتار اۋەزوۆ ءدارىس وتكىزگەن اۋديتوريالاردا ءقازىر مەن ءبىلىم الىپ جاتىرمىن. مەن ءۇشىن بۇل ۇلكەن مارتەبە.
1934 جىلى ىرگەسى قالانعان قازۇۋ قۇرامىندا ءقازىر 16 فاكۋلتەت، 98 كافەدرا، 20 عىلىمي-زەرتتەۋ ينستيتۋتتارى مەن ورتالىقتار، 2000-نان استام پروفەسسورلار، دوكتورلار، عىلىم كانديداتتارى ۋنيۆەرسيتەتتە قىزمەت اتقارادى. سونىمەن قاتار، ۋنيۆەرسيتەتتە كوپسالالى جوعارى كاسىبي ءبىلىم جۇيەسى بويىنشا 32000 داي ستۋدەنت ءبىلىم الۋدا. قازۇۋ-دى ەلىمىزدىڭ بارلىق جوعارى ءبىلىم بەرۋ جۇيەسىنىڭ تىرەگى، بىلىكتى ماماندار ورداسى دەۋگە بولادى. وعان دالەل قازىرگى تاڭدا ۋنيۆەرسيتەتىمىزدىڭ مىڭداعان تۇلەكتەرى قازاقستاننىڭ جانە ونىڭ اۋماعىنان تىس جەرلەردەگى ءوندىرىستىڭ بارلىق سالالارىندا تابىستى ەڭبەك ەتۋدە.
2020 جىلى World University Rankings QS (ۇلى بريتانيا) بەدەلدى رەيتينگتىك اگەنتتىگىنىڭ زەرتتەۋ قورىتىندىلارى بويىنشا قازۇۋ 165-ورىننان كورىنىپ، الەمنىڭ ەڭ ۇزدىك ۋنيۆەرسيتەتى قاتارىنا ەندى. وسىلايشا، ءبىزدىڭ ۋنيۆەرسيتەت ورتالىق ازيا مەن تمد-داعى تەڭدەسسىز كوشباسشىلىعىن تاعى دا دالەلدەدى. كولەمى 100 گەكتارعا جۋىق، كوركىنە كوز تويمايتىن قازۇۋ قالاشىعىنىڭ مۇندا وقيتىن مەن سياقتى ستۋدەنتتەر ءۇشىن ورنى بولەك دەپ ويلايمىن. قازۇۋ قالاشىعىنىڭ تاعى ءبىر ەرەكشەلىگى، مۇندا - ءو.ا. جولداسبەكوۆ اتىنداعى ستۋدەنتتەر سارايى، قازاق ۇلتتىق اسپاپتار وركەسترى، كوركەمونەر ۇيىرمەلەرى مەن ءارتۇرلى ستۋدەنتتىك ۇيىمدار جۇمىس ىستەيدى.
جالپى، قازۇۋ — بۇل مۇمكىندىكتەر مەكەنى، ستۋدەنتتەرگە وتە ۇلكەن مۇمكىندىك بەرەدى. ءوز باسىم بۇل جەردە ءجۇرىپ 5 جىل، ياعني 4 جىل باكالاۆريات- اۆتوماتتاندىرۋ جانە باسقارۋ ماماندىعىن ءتامامداپ، ءدال قازىرگى ساتتە 1 كۋرس ماگيسترانتى اتانىپ، وتە ۇلكەن تاجىريبە جيناپ كەلەمىن. ۋنيۆەرسيتەت كولەمىندە جۇرەتىن قوعامدىق، عىلىمي، مادەني شارالارعا ءوز ۇلەسىمدى قوسىپ، جۇكتەلگەن ءار ىسكە جاۋاپكەرشىلىكپەن قاراۋعا تىرىسامىن. اتاپ ايتقاندا، 2017- 2018 جىلدارى اقپاراتتىق تەحنولوگيالار فاكۋلتەتىنىڭ «سۇڭقار» ستۋدەنتتەر مەن ماگيسترانتتار كاسىپوداعىنىڭ ۇيىمىنىڭ ءتوراعا ورىنباسارى قىزىمەتىن اتقاردىم، سونىمەن قاتار 2018 – 2020 جىلدار ارالىعىندا اقپاراتتىق تەحنولوگيالار فاكۋلتەتىنىڭ ستۋدەنتتىك دەكانى قىزمەتىن اتقاردىم. الداعى ۋاقىتتا وسى العان ءبىلىمىم مەن ۇيرەنگەن تاجىريبەم ۇلكەن كومەك بولاتىنىنا كۇمانىم جوق. وسى جولدا ءوز تاجىريبەلەرىمەن ءبولىسىپ جۇرگەن ۇستازدارىما جانە دە جەتەكشىلەرىم ۋرازگالييەۆا سۆەتلانا امانجولوۆنا اپايىما العىسىمدى بىلدىرەمىن.
ءال - فارابي اتىنداعى قازاق ۇلتتىق ۋنيۆەرسيتەتىنىڭ ستۋدەنتى اتانۋ – اسقاق ارمان، زور مارتەبە. سوندىقتان، مەن ءۇشىن وسى وقۋ ورنىندا ءبىلىم الۋ – ۇلكەن ماقتانىش. ماڭگىلىككە جاساي بەر، وركەندەي بەر، گۇلدەنە بەر، قازۇۋ – ىم!
ءال-فارابي اتىنداعى قازۇۋ، ماشينالىق وقىتۋ ماماندىعىنىڭ
1 كۋرس ماگيسترانتى: ءابدىحالىق ە.ءۇ.
جەتەكشىسى: ۋرازگالييەۆا س. ا.
You Might Also Like
-
قۇراقبايەۆ ماقسات، ءال-فارابي اتىنداعى قازۇۋ، 7م02207-ارحەولوگيا جانە ەتنولوگيا ماماندىعىنىڭ 2 كۋرس ماگيسترانتى عىلىمي جەتەكشىسى: ت.ع.د.، پروفەسسور تولەۋبايەۆ ءا.ت.
-
Telegram Android جانە iOS جۇيەلەرىنە ارنالعان 7.6 نۇسقاسىن شىعاردى. مۇنداعى باستى جاڭارتۋ داۋىستىق چاتتارعا جاسالىنعان.
