InfoHub Logo

تۇسىنىك حات
“فۋنكسيالار جانە گرافيكتەر” ماتەماتيكانىڭ ەڭ ماڭىزدى تاقىرىپتارىنىڭ ءبىرى. مەكتەپ ماتەماتيكا كۋرسىنداعى فۋنكسيا جانە ونىڭ قاسيەتتەرى، تۋىندى جانە ينتەگرال گەومەتريادا (جانامانى تابۋدا، اۋدان مەن كولەمدى ەسەپتەگەندە) جانە فيزيكادا (جىلۋ وتكىزگىشتىكتە، اينىمالى كۇشتىڭ جۇمىسى، ەلەكتر توگى جانە ت. ب.)، مەحانيكادا (جىلدامدىق، ۇدەۋ، قيسىق سىزىقتى قوزعالىس ت. ب.) كەڭىنەن قولدانىلادى.

بۇل اۆتورلىق باعدارلاما“فۋنكسيالار. فۋنكسيالاردىڭ قاسيەتتەرى. فۋنكسيالاردىڭ گرافيكتەرى” تاقىرىبى بويىنشا وقۋشىلاردىڭ ءبىلىمىن جۇيەلەۋ، ءبىلىم، بىلىك داعدىسىن تەكسەرۋ ماقساتىندا قۇراستىرىلعان. اتالمىش باعدارلاما وقۋشىلارعا دەڭگەيلىك تاپسىرمالارمەن جۇمىس ىستەۋدە،
ۇبت-گە دايىندالۋدا كومەگىن تيگىزەدى.
كۋرس 34 وقۋ ساعاتىنا ەسەپتەلگەن.

كۋرستىڭ ماقساتتارى مەن مىندەتتەرى:
– فۋنكسيانىڭ جالپى قاسيەتتەرىن تەرەڭدەتىپ وقىتۋ؛
– ەلەمەنتار فۋنكسيالاردىڭ گرافيكتەرىن سالۋعا ۇيرەتۋ (سىزىقتىق، كۆادراتتىق، كەرى پروپورسيونالدىق، دارەجەلىك، تريگونومەتريالىق، كورسەتكىشتىك، لوگاريفمدىك)؛
– تەڭدەۋلەر مەن تەڭسىزدىكتەردى شەشۋدىڭ گرافيكتىك ءتاسىلىن قايتالاۋ جانە جۇيەلەۋ؛
– تۋىندىنىڭ كومەگىمەن فۋنكسيانى زەرتتەي ءبىلۋ ىسكەرلىكتەرىن جەتىلدىرۋ؛

كۋرستىڭ مازمۇنى
I. فۋنكسيانىڭ جالپى قاسيەتتەرى – 3 ساعات
فۋنكسيا، فۋنكسيانىڭ گرافيكتەرى، فۋنكسيانىڭ بەرىلۋ تاسىلدەرى. انىقتالۋ وبىلىسى، فۋنكسيانىڭ ماندەرىنىڭ جيىنى. كەرى فۋنكسيا.
II. فۋنكسيالاردى زەرتتەۋ – 5 ساعات
فۋنكسيانىڭ ۇزىلىسسىزدىگى. ءوسۋ جانە كەمۋ ارالىقتارى. فۋنكسيانىڭ جۇپتىعى جانە تاقتىعى. فۋنكسيانىڭ پەريودتىعى، ەكسترەمۋم نۇكتەلەرى، ەڭ ۇلكەن جانە ەڭ كىشى ءمانى. قوسىمشا زەرتتەۋلەر ارقىلى فۋنكسيا گرافيگىن سالۋ

III. گرافيكتەردى تۇرلەندىرۋ – 4 ساعات
ورديناتا ءوسى بويىمەن پاراللەل كوشىرۋ. ابسيسسا ءوسى بويىمەن پاراللەل كوشىرۋ. ورديناتا ءوسى بويىمەن سوزۋ. ابسيسسا ءوسى بويىمەن سوزۋ.
“فۋنكسيانىڭ جالپى قاسيەتتەرى. فۋنكسيالاردى زەرتتەۋ. گرافيكتەردى تۇرلەندىرۋ” تاقىرىپتارى بويىنشا سىناق الۋ
IV نەگىزگى ەلەمەنتارفۋنكسيالار، ولاردىڭ گرافيكتەرى – 5 ساعات
سىزىقتىق فۋنكسيا. كەرى پروپورسيونالدىق. كۆادراتتىق فۋنكسيا. دارەجەلىك فۋنكسيا. تريگونومەتريالىق فۋنكسيا. كورسەتكىشتىك جانە لوگاريفمدىك فۋنكسيا.

V. تەڭدەۋلەر مەن تەڭسىزدىكتەردى گرافيكتىڭ كومەگىمەن شەشۋ - 5 ساعات
تەڭدەۋلەردى شەشۋدىڭ گرافيكتىك ءتاسىلى تەڭدەۋلەردى شەشۋدە فۋنكسيالاردىڭ قاسيەتتەرىن جانە گرافيكتەرىن پايدالانۋ. ەكى اينىمالىسى بار تەڭدەۋلەر مەن تەڭدەۋلەر جۇيەسىنىڭ شەشىمدەر جيىنىن كوورديناتالىق جازىقتىقتا كەسكىندەۋ. ەكى اينىمالىسى بار تەڭسىزدىكتەر مەن تەڭسىزدىكتەر جۇيەسىنىڭ شەشىمدەر جيىنىن كوورديناتالىق جازىقتىقتا كەسكىندەۋ.
VI. مودۋل تاڭباسىنىڭ استىنداعى ەلەمەنتار فۋنكسيالار - 4 ساعات
مودۋل تاڭباسىنىڭ استىنداعى سىزىقتىق فۋنكسيا، ونىڭ قاسيەتتەرى جانە گرافيگى. مودۋل تاڭباسىنىڭ استىنداعى سىزىقتىق تەڭدەۋلەردى گرافيكتىڭ كومەگىمەن شەشۋ. مودۋل تاڭباسىنىڭ استىنداعى كۆادراتتىق فۋنكسيا، ونىڭ قاسيەتتەرى جانە گرافيگى. مودۋل تاڭباسىنىڭ استىنداعى كۆادراتتىق تەڭدەۋلەردى گرافيكتىڭ كومەگىمەن شەشۋ.

“تەڭدەۋلەر مەن تەڭسىزدىكتەردى گرافيكتىڭ كومەگىمەن شەشۋ ” تاقىرىبى بويىنشا باقىلاۋ جۇمىسى
VII. تۋىندىنىڭ كومەگىمەن فۋنكسيانى زەرتتەۋ – 7ساعات
تۋىندىنىڭ گەومەتريالىق ماعىناسى. فۋنكسيانىڭ ەڭ ۇلكەن جانە ەڭ كىشى ءمانىن تابۋ. تۋىندىنىڭ گرافيگى بويىنشا جانامانىڭ بۇرىشتىق كوەففيسيەنتىن تابۋ. تۋىندىنىڭ جانە فۋنكسيانىڭ گرافيكتەرى بويىنشا ەكسترەمۋم نۇكتەلەرىن انىقتاۋ. تۋىندىنىڭ كومەگىمەن فۋنكسيانى زەرتتەۋ. اسيمپتوتالار. تۋىندىنىڭ كومەگىمەن فۋنكسيا گرافيكتەرىن سالۋ.

قورىتىندى باقىلاۋ جۇمىسى - 2 ساعات
وقۋشىلاردىڭ ءبىلىم، بىلىك، داعدىلارىنا قويىلاتىن تالاپتار
كۋرستى وقىپ - ۇيرەنۋ بارىسىندا وقۋشىلار ءبىلۋ كەرەك:
– فۋنكسيانىڭ ءارتۇرلى بەرىلۋ تاسىلدەرىندە ارگۋمەنتتىڭ ءمانى بويىنشا فۋنكسيانىڭ ءمانىن تابا ءبىلۋ؛
– فۋنكسيا گرافيكتەرىن سالا ءبىلۋ، ەلەمەنتار فۋنكسيالاردىڭ گرافيكتەرىن اجىراتا ءبىلۋ؛
– تەڭدەۋلەردى، تەڭسىزدىكتەردى فۋنكسيالاردىڭ قاسيەتتەرىن جانە گرافيكتەرىن پايدالانا وتىرىپ شەشە ءبىلۋ
– العان بىلىمدەرىن كۇندەلىكتى ومىردە قولدانا ءبىلۋ

پايدالانىلعان ادەبيەتتەر:
1. ا. ە. ءابىلقاسىموۆا جانە ت. ب. “الگەبرا جانە اناليز باستامالارى”. جالپى ءبىلىم بەرەتىن مەكتەپتىڭ جاراتىلىستانۋ - ماتەماتيكا باعىتىنداعى 10 - سىنىبىنا ارنالعان وقۋلىق، الماتى. “مەكتەپ”، 2010.
2. ا. ە. ءابىلقاسىموۆا جانە ت. ب. “الگەبرا جانە اناليز باستامالارى”. جالپى ءبىلىم بەرەتىن مەكتەپتىڭ جاراتىلىستانۋ - ماتەماتيكا باعىتىنداعى11 – سىنىبىنا ارنالعان وقۋلىق، الماتى. “مەكتەپ”، 2011.
3. سەمەنكو ە. ا. “وبوبششايۋششەە پوۆتورەنيە كۋرسا الگەبرى ي ناچال اناليزا”، كراسنودار، 2006.
4. سەمەنكو ە. ا. ي در. “تەحنولوگيا رازنوۋروۆنيەۆوگو وبوبششايۋششەگو پوۆتورەنيا پو ماتەماتيكە”، كراسنودار، “پروسۆەششەنيە - يۋگ”، 2008.