InfoHub Logo

ساباقتىڭ تاقىرىبى. گەومەتريا جانە مىنەز
ساباقتىڭ ماقساتى: گەومەتريالىق فيگۋرالار ارقىلى ادام مىنەزىن انىقتاۋ تۋرالى ءبىلىم بەرۋ. تانىمدىق پسيحيكالىق قاسيەتتەرىن دامىتۋ.
ادامگەرشىلىككە تاربيەلەۋ.

ساباق ءتۇرى: كىرىكتىرىلگەن.
ءپانارالىق بايلانىس: گەومەتريا
كورنەكىلىكتەر. سلايد، گەومەتريالىق فيگۋرالار، كارتوچكا، ا4 فورمات قاعاز، ستيكەر.
ساباقتىڭ بارىسى.
1 ۇيىمداستىرۋ
2. توپقا ءبولۋ
3. كونۆەرت سۇراق ءتاسىلى
4. گەومەتريالىق تەست
5«ءسىزدىڭ ويلارىڭىز قايدا باعىتتالعان» سۋرەتتى تەست
6سولەمدى تولىقتىرۋ
7. ەسەپ شىعارۋ
8. تىنىشتىق ءساتى
9 سەرگىتۋ ءيا جوق 4سۇراق
10. شىعارماشىلىق تاپسىرمالار: \ەرتەگىنى اياقتاۋ\
\ نەشە ءۇشبۇرىش بار ەكەنىن تابۋ\
\ارىپتەردەن ءسوز قۇراۋ\
11 فيگۋرالاردان ادام سالۋ.
12باعالاۋ
13 رەفلەكسيا

1. ۇيىمداستىرۋ
سالەمەتسىزدەر مە وقۋشىلار. بۇگىنگى وتكىزىلەتىن ساباعىمىزدا سەندەرمەن بىرىگىپ جوعارى جەتىستىككە جەتەمىز دەگەن ويدامىن. ساتتىلىك تىلەيمىن.
2. گەومەتريالىق فيگۋرالار ارقىلى توپقا ءبولۋ. ءار توپتان وزدەرى تاڭداعان فيگۋرانى نەگە تاڭداعانى تۋرالى سۇرالادى. وقۋشىلاردىڭ ويىن بىلگەننەن كەيىن ءمۇعالىم ءوزى تەستىڭ ماقساتىن تۇسىندىرەدى.
ءۇشبۇرىش - جىگەرلى، وزىنە سەنىمدى، تەز شەشىم قابىلدايدى، قاجىرلى تۇلعا، ليدەر. شىدىمدى، تاۋەكەلشىل.

ءتورتبۇرىش - باتىل، بارلىق قۇبىلىستارعا قىزىعۋشىلىق بىلدىرەدى. اۋەسقوي. سۋىق ءتيىپ اۋرۋعا جانە جاراقاتتانۋعا دەگەن بەتالىستارى باسىم.

شەڭبەر:
- تۇلعاارالىق قاتىناستاردا ۇيلەسىمدىلىككە تالپىنۋشى، بايلانىسقا ءتۇسۋشى، مەيىرىمدى، جاناشىرلىققا قابىلەتتى، جومارت؛
- تانىمال ەمەس شەشىم قابىلداۋعا تىرىسادى، باسشىلىقتا دەموكراتيالى باسشىلىق ءستيلىن ۇستانۋشى؛
- كۇن ءتارتىبى مايىسپالى، قوعامدىق جۇمىستارعا بەيىم؛
- تۋما پسيحولوگ.

«ءسىزدىڭ ويلارىڭىز قايدا باعىتتالعان» سۋرەتتى تەست.
سىزدەردىڭ الدىلارىڭىزدا تىكتورتبۇرىش، ورتاسى دوڭگەلەكشە دياگونالدارمەن بولىنگەن. ءسىز اعاشتىڭ سۋرەتىن سالىڭىز. ونى قاي جەرگە سالۋدى ءوزىڭىز قالايسىز

تەستىڭ كىلتى.
ەگەر ءسىز اعاشتى شەڭبەردىڭ ىشىنە سالساڭىز، وندا ءسىزدىڭ ويلارىڭىز وزىڭىزگە جانە ءوزىڭىزدىڭ ارماندارىڭىزبەن قاجەتتىلىكتەرىڭىزگە باعىتتالعان.
2. ەگەر ءسىز اعاشتى سول جاقتاعى 1 - 4 سەكتورعا سالساڭىز، وندا ءسىزدىڭ جاۋاپكەرشىلىگىڭ جانە تاربيەلىگىڭىز جوعارى ەكەنىن، جاقىن ادامدار ءۇشىن جانىپ كۇيەتىنىڭىزدى جانە دوستارىڭىزدى جولدا قالدىرمايتىنىڭىزدى كورسەتەدى.
3. ەگەر اعاشتى ءسىز جوعارعى سەكتورعا 1 - 2 سالساڭىز، وندا ءسىزدىڭ ويلارىڭىز بيىككە جانە ۇزاققا ءتۇرلى ارماندارعا باعىتتالعان.
4. ەگەر اعاشتى وڭ جاقتاعى 2 - 3 سەكتورعا سالساڭىز، ءسىز ءوزىڭىزدىڭ بولاشاعىڭىزدى ويلايسىز جانە قولدان كەلگەننىڭ ءبارىن جاسايسىز.
5. ەگەر اعاشتى تومەنگى 3 - 4 سەكتورعا سالساڭىز، وندا ءسىزدىڭ بارلىق ويلارىڭىز شىنايى، ءسىزدى قولمەن ۇستاپ، ءدامىن تاتىپ، ءتۇر - ءتۇسىن اشىپ كورمەگەن زاتتار قىزىقتىرمايدى. ءسىز جەردە نىق تۇرسىز. ارمانشىل ەمەس، پراكتيكسىز. 6. ەگەر اعاشتى شەڭبەر جاساي وتىرىپ بارلىق سەكتوردىڭ ىشىنە سالساڭىز، وندا ءسىز ەرتەڭگى كۇنىڭىزدى ويلايسىز، وتكەندى دە ۇمىتپايسىز.

تىنىشتىق ءساتى.
دەنەلەرىڭدى ءتۇزۋ ۇستاپ، باستارىڭدى جوعارى كوتەرىپ، ىڭعايلانىپ وتىرىڭدار. كوزدەرىڭدى جۇمساڭدار دا بولادى. اۋانى تەرەڭ جۇتىپ، ەركىن تىنىس الىڭدار. وزدەرىڭنىڭ تىنىس الۋلارىڭدى باقىلاپ، باقىتقا، ماحاببات پەن تىنىشتىققا تولى تازا، شيپالى، اۋانى تۇلا بويلارىڭا تولعانىن سەزىنەسىڭدەر. ءبىزدىڭ جۇرەگىمىز قايىرىمدىلىققا، ادامگەرشىلىك قۇندىلىقتارعا تولى ەكەنىن سەزىنەمىز. ەندى كوزىمىزدى اشۋىمىزعا بولادى. ەندەشە جۇرەگىمىزدىڭ جىلۋىن ءبىزدى قورشاپ وتىرعان ادامدارعا ارناپ كورەيىك.
سەرگىتۋ ءساتى
ادامنىڭ جەكە دارا ەرەكشەلىكتەرىنە مىنەز جاتا ما؟ ءيا.
2. مىنەز تۋا پايدا بولاتىن قاسيەت پە؟ جوق
3. ادام تابيعاتتىڭ ءبىر بولشەگى مە؟ ءيا
4. قورشاعان ورتانىڭ مىنەزگە اسەرى بارما؟ ءيا.
فيگۋرالاردان ادام سالۋ. «ءسىز جانە ءسىزدىڭ ءومىرىڭىز» تەست
ءتورتبۇرىش - اۋەستىكتى، بەيبىتشىلىكتى، قىزىعۋشىلىق پەن باتىلدىقتى ۇناتادى.
شەڭبەر وزگەنى تۇسىنۋگە قابىلەتتى، بايسالدى، جانە سەنگىش.
ءۇشبۇرىش – قابىلەتتى، جىگەرلى، نامىسقوي، بيلىككە ۇمتىلعاندى ۇناتادى، تاپقىر، سەزىمتال.