InfoHub Logo

1

گولف تاريحىنىڭ رەسمي دۇنيەگە كەلۋى شوتلانديادا وسى ويىن ءتۇرى تۋرالى العاشقى جازبالارمەن بايلانىستىرىلادى. دەگەنمەن بۇل سپورتتا وزگەلەر سەكىلدى تالاي قۇقايدى باستان كەشىردى. ءتىپتى، اسكەرلەردىڭ ساداق اتۋ جاتتىعۋلارىنا كەدەرگى كەلتىردى دەگەن سىلتاۋمەن 1457 جىلى كورول دجەيمس اتالعان ويىنعا تىيىم سالادى. ءبىراق كوپتى باۋراپ العان سپورت قايتا بويىن تىكتەپ، حVءىىى عاسىردىڭ باسىندا العاشقى گولف كلۋبتارى ءوز جۇمىستارىن باستادى. مۇنداي مەكەمەلەر نەگىزىنەن ماسونداردىڭ قىزىعۋشىلىعىنىڭ ارقاسىندا دامىدى. سەبەبى، ماسوندار ءوز جينالىستارىن گولف ويىنىمەن اياقتاۋدى ادەتكە اينالدىرعان. الگىندە ايتىلعان اقسۇيەكتەردىڭ سۇيىكتى ىسىنە اينالۋىنا گولفتىڭ ءتارتىپ پەن ادامنىڭ ءوز-وزىن دۇرىس ۇستاي ءبىلۋىن ەرەكشە تالاپ ەتكەندىگى اسەر ەتكەن بولار.

2

حح عاسىردا گولف بۇكىل الەمگە، ءتىپتى، عارىشقا دا جايىلىپ كەتتى: 1971 جىلى «اپوللون-14» ايعا گولف جابدىقتارىن جەتكىزىپ، سونىڭ ارقاسىندا اقش عارىشكەرى اۋاسىز كەڭىستىكتە سوققى جاساۋ باقىتىنا يە بولدى. بۇگىندە بۇل ويىن بۇقارالىق سيپات العان.

3

ءححى عاسىردىڭ باسىندا الەمدە 60 ملن گولفشى بار ەكەندىگى انىقتالدى. سپورتتىڭ اتالعان تۇرىنەن ەرلەر اراسىندا ۇلىبريتانيا، اقش، اۆستراليا مەن وار كوش باسىندا. جەتپىسىنشى جىلداردان بەرى گولفكە دەگەن سۇرانىس جاپونيا، سكانديناۆيا، باتىس ەۋروپانىڭ ءبىراز ەلىندە قاتار ارتتى. كەيىننەن قىزىعۋشىلار ازيا ەلدەرىندە دە پايدا بولدى. قازىرگى تاڭدا وڭتۇستىك كورەيانىڭ نازىكجاندارى گولفتە الدارىنا جان سالماي كەلەدى.

4

الەمدە گولف جارىستارىنىڭ بەدەلى جوعارى. جىلدا وتەتىن ەۋروپانىڭ اشىق چەمپيوناتى ون ايعا سوزىلىپ، وعان 15 ەلدە وتەتىن 40 تۋرنير كىرەدى. كاسىبي جارىستاردىڭ جۇلدە قورى دا وزگە سپورت تۇرلەرىنەن الدەقايدا قوماقتى. ماسەلەن، 2000 جىلى اقش بىرىنشىلىگىنىڭ قورى 6 ملن دوللار بولسا، ال جەڭىمپاز 1 ملن دوللار پايداعا كەنەلدى.

5

تۋريست-گولفشىلەر ءۇش توپقا بولىنەدى: ءبىرىنشى، ساياحاتقا گولف ويناۋ ءۇشىن ادەيى باراتىن تۋريستەر (شامامەن 6-10 ملن)؛ ەكىنشى، دەمالىس نەمەسە بيزنەس-جورىقتا قوسىمشا اۋەس رەتىندە گولف وينايتىن تۋريستەر؛ ءۇشىنشى، گولف-تۋرنيرلەرىنە كورەرمەن رەتىندە كەلەتىن تۋريستەر. سوڭعى ەكى توپقا كىرەتىن تۋريستەردىڭ ناقتى سانىن ەسەپتەۋ قيىنداۋ.

6

قازىرگى كەزدە الەمدە گولف ءوندىرىسى بار دەپ ايتۋعا بولادى. ونىڭ جىلدىق اينالىمى 20-60 ملرد دوللارعا جەتەدى. ءححى عاسىردا بۇل يندۋستريانىڭ دامۋى جىلىنا 5-15% بولىپ وتىر جانە بۇل كورسەتكىشتىڭ ارتا بەرەتىنى ءسوزسىز. اسىرەسە، جۇڭگو مەن ءۇندىستاندا قارقىن جوعارى (جىلىنا 25-30%).

7

2005 جىلى الەمدە 32 مىڭ گولف الاڭى بولدى. ەڭ تەرىسكەيدەگىسى – گرەنلانديادا، وڭتۇستىگى – ارگەنتينادا، شىعىسى – تونگادا، باتىسى – ساموا ارالىندا.

8

The Masters Tournament تۋرنيرىندە تايگەر ۆۋدس – ەڭ از سوققى جاساعان چەمپيون. ول ءبىر ءتۋرنيردىڭ ىشىندە بار-جوعى 270 سوققى جاساعان.

9

The Masters Tournament ءتۋرنيرىن ەڭ كوپ ۇتقان ويىنشى – دجەك نيكلاۋس. ول اتالعان تۋرنيردە التى رەت جەڭىمپاز اتانعان: 1963، 1965، 1966، 1972، 1975، 1986 جىلدارى.

10

گولفكە بولىنەتىن، ونىڭ اينالىمىنداعى قارجى قوماقتى. ونى «بايلار ويىنى» دەپ اتاۋ بەكەر ەمەس. سوندىقتان بۇل سپورتقا اقشا قۇياتىندار سانى دا ارتىپ كەلەدى. اسىرەسە، دامىعان جانە دامۋشى ەلدەردە گولفكە دەگەن سۇرانىس جوعارى.

بۇگىندە گولفتىڭ اشىق الاڭدا وتەتىن كلاسسيكالىق تۇرىمەن بىرگە ونىڭ باسقا دا نۇسقالارى بار: شاعىن گولف (رەسمي سپورت ءتۇرى جانە دەمالىس ءتۇرى)؛ كەڭسە گولفى؛ ۆيرتۋالدىق گولف-ستيمۋلياتور.

---