قازاقستاندا قوسىمشا ءبىلىم بەرۋ بويىنشا بالا باسىنا قانشا قارجى بولىنەدى
ەلىمىزدە وقۋشىلارعا مەكتەپ باعدارلاماسىنان تىس قوسىمشا ءبىلىم بەرۋ شاراسى مەملەكەتتىك تاپسىرىس اياسىندا جۇزەگە اسىرىلادى جانە ول ءۇشىن بيۋدجەتتەن ارنايى قاراجات بولىنەدى. وسى ورايدا ق ر ءبىلىم جانە عىلىم مينيسترلىگى وقۋشىسى باسىنا ورتاشا ەسەپپەن قانشا قارجى جۇمسالاتىنى تۋرالى ءمالىم ەتتى.
«قوسىمشا ءبىلىم بەرۋ تۋرالى مەملەكەتتىك تاپسىرىس اياسىندا 1 بالاعا بولىنەتىن قارجىنىڭ كولەمى ءار وڭىردەگى جەرگىلىكتى اتقارۋشى ورگانداردىڭ قاۋلىسىنا سايكەس ايقىندالىپ، بەكىتىلەدى. قولدا بار اقپارات بويىنشا قازىرگى ۋاقىتتا ءبىر بالاعا مەملەكەتتىك تاپسىرىستىڭ ايلىق ورتاشا قۇنى 16 مىڭ تەڭگەدەن اسىپ تۇسەدى. قابىلدانىپ جاتقان شارالار نەگىزىندە ەلىمىزدەگى بارلىق وقۋشىلاردىڭ 69،4% -ىن قوسىمشا ءبىلىم بەرۋمەن قامتۋ كوزدەلىپ وتىر»، - دەلىنگەن اقپاراتتا.
سونداي-اق، مەكتەپ وقۋشىلارىنىڭ سپورتتىڭ قاي تۇرىنە ءۇيىر ەكەنى بەلگىلى بولدى.
«قوسىمشا ءبىلىم بەرۋ اياسىندا بارلىق وقۋشىلاردى مەكتەپ بازاسىندا تەگىن سپورتپەن شۇعىلدانۋعا مۇمكىندىك بەرەتىن ءتيىستى شارالار قابىلدانىپ جاتىر. بۇگىندە 1 343 000 وقۋشى (بۇل ەلىمىزدەگى بارلىق وقۋشىلاردىڭ 39،5%) 42 525 سەكسيا بويىنشا ءتۇرلى سپورت تۇرىمەن شۇعىلدانىپ جاتىر. ونىڭ ىشىندە 40 مىڭعا جۋىق سپورتتىق سەكسيا تەگىن. اسىرەسە مەكتەپ وقۋشىلارى اراسىندا ۆولەيبولعا، (7268 سەكسيا)، شاحمات-دويبىعا (6618 سەكسيا)، فۋتبولعا (6509 سەكسيا)، ۇلتتىق سپورت تۇرلەرىنە (5478 سەكسيا)، باسكەتبولعا (5326 سەكسيا)، تەننيسكە (3175 سەكسيا) جانە كۇرەستىڭ بىرنەشە تۇرىنە (2055 سەكسيا) قىزىعۋشىلىقتارى باسىم»، - دەگەن جاۋاپ بەرىلدى ۆەدومستۆودان.
وسكەلەڭ ۇرپاق اراسىندا سپورتتى ناسيحاتتاۋ بارىسىندا اتالعان مينيسترلىك ەنگىزىپ وتىرعان تاعى ءبىر جاڭاشىلداق مەكتەپتە سپورتتىق سەكسيانى جۇرگىزەتىن دەنە شىنىقتىرۋ ءپان مۇعالىمدەرىنە جالاقىسىنان بولەك قوسىمشا وتەماقى تولەنەدى.
You Might Also Like
-
سارسەنگالييەۆا گۋلايىم باكىتجانوۆنا باتىس قازاقستان وبلىسى تەرەكتى اۋدانى اقجايىق اۋىلى اقجايىق جوببم جانىنداعى ينتەرنات تاربيەشىسى
-
گولف تاريحىنىڭ رەسمي دۇنيەگە كەلۋى شوتلانديادا وسى ويىن ءتۇرى تۋرالى العاشقى جازبالارمەن بايلانىستىرىلادى. دەگەنمەن بۇل سپورتتا وزگەلەر سەكىلدى تالاي قۇقايدى باستان كەشىردى. ءتىپتى، اسكەرلەردىڭ سادا...
