ءىنىم تۋعان كۇنىڭ قۇتتى بولسىن!
قۇرمەتتى اعايىن! مىنە، جەلىپ وتىرىپ، [جاسى] دەگەن بەلەسكە دە كەلىپ قالىپتى. مەن ءوزىم پايعامبار جاسى 63 جاسقا كەلسەم، ارتىمنان ەرگەن وكشەلەس ءىنىم بۇل دا [جاسى] شىعىپ وتىر. وتكەن ءومىر كوز الدىڭا كينو بولىپ ەلەستەيدى ەكەن. اۋىلدا بوزبالا بولىپ قاتار وستىك، وقىدىق، وتاۋ قۇردىق، وستىك-وندىك، تالاي ەلمەن دامدەس بولىپ، قىزمەت ەتتىك. اركىم ءوزىنىڭ پەشەنەسىنە جازىلعاندى كورىپ كەلەدى، اللاعا شۇكىر، جامان ەمەسپىز دەپ ويلايمىن. وسى ارالىقتا دۇنيە ەمەس، دوس جيناۋعا، اعايىنمەن ارالاس بولۋعا ۇمتىلدىق. مىنە، ءىنىم جيعان بايلىعىن كورسەتىپ وتىر. ول بايلىعى: ۇيىعان وتباسى – كەلىن، بالالار، وسىپ-ونگەن ۇرپاق، وسى تويعا جينالعان قاۋىم، اعايىن، دوس-جاران. سولاردىڭ ورتاسىنداعى ابىروي. بايلىق دەگەن وسى. باقىت دەگەن وسى. ءبىر كۇن دامدەسكە قىرىق كۇن سالەم دەگەن. تويعا الىستان – اتىراۋدان، استانادان جانە باسقا دا جەرلەردەن اعايىن-تۋىستار، قۇدا-جەكجاتتار، دوس-جاراندار، قىزمەتتەس جولداس-جورالار قاتىسىپ وتىر.
ۇلكەندەردىڭ باتاسىن العان، قۇدايدىڭ راحمەتىنە جولىعار دەگەن ۇلاعاتتى ءسوز بار. سىزدەردىڭ تىلەكتەرىڭىز ىنىمە، ونىڭ ۇرپاعىنا جۇعىستى بولسىن.
قۋانعانىڭ راس بولسا، شاقىرعان تويىنا بار دەگەن وسى. جەر قاشىق دەمەي، قىستىڭ كوزى قىراۋ دەمەي جينالىپ وتىرمىز.
ىنىمە، بالا-شاعاسىنا، بارشاڭىزعا دۇنيەنىڭ بار جاقسىلىعىن تىلەيمىز. ەڭبەك جەمىسىن، بالا-شاعالارىڭىزدىڭ راحاتىن كورىڭىزدەر. كورگەنىمىز توي بولسىن. باسىمىز تويدا قوسىلىپ ءجۇرسىن. راحمەت.
You Might Also Like
-
ءبىلىم گرانتتارىن ءبولۋ پروسەسىنە بوگدە ادامدار ارالاسا المايدى، دەپ حابارلايدى ءبىلىم جانە عىلىم مينيسترلىگىنىڭ باسپا ءسوز قىزمەتى.
-
ءبىر ۇيدە ءبىز نەشەۋمىز؟ كەل سانايىق ەكەۋمىز. باس بارماعىم — اتام، بالان ۇيرەك — اپام، ورتان تەرەك — اكەم، شىلدىر شۇمەك — انام، كىشكەنتاي بوبەك — مەن. ءبىز ۇيدە نە...
