InfoHub Logo

E-commerce ءۇشىن ءجۇز مىڭداعان الەۋەتتى تۇتىنۋشىلار، ۆيزۋالدى ماركەتينگتىڭ شەكسىز مۇمكىندىكتەرى – Instagram-نىڭ كومەگىمەن ساتىلىمدى ۇلعايتۋدىڭ ءمىنسىز شارتى بولىپ تابىلادى.

بۇل ماقالادا Instagram ارقىلى «كوتەرىلگەن» تابىستى 8 ينتەرنەت-دۇكەن جايلى قاراستىرامىز.

نە ءۇشىن Instagram؟

Facebook، ۆكونتاكتە نەمەسە ميلليونداعان باسقا دا ماركەتينگتىك كانالداردى زەرتتەپ، بوس اۋرەگە سالىنباڭىز. ساتىلىمدى قالاي ارتتىرۋعا بولادى دەپ باس قاتىرماساڭىز دا بولادى. جارناماعا كوپ اقشا جۇمساعانىڭىزبەن، ول ءوزىن اقتاماي جاتادى.

بارلىعى كەرەمەت سياقتى ما؟ مىناعان نازار سالىڭىز:

- Instagram قولدانۋشىلارىنىڭ 50%-ى كەم دەگەندە ءبىر برەندتىڭ جاڭالىقتارىن قاراپ وتىرادى؛

- ولاردىڭ 75%-ى جازباداعى CTA تەتىگىن (ارەكەتكە شاقىرۋ) باسادى؛

- بۇل الەۋمەتتىك جەلى باسقالارعا قاراعاندا 70%-عا كوپ كونۆەرسيا الىپ كەلەدى؛

- ادامداردىڭ Instagram-دى قولدانۋى Facebook-پەن سالىستىرعاندا 10 ەسە جوعارى.

Instagram-دا ميلليون دوللار تابىسقا كەنەلگەن ينتەرنەت-كاسىپكەرلەر نە ىستەيدى؟ الايدا، ولار اتالمىش الەۋمەتتىك جەلىدەگى جارناماعا اسا كوپ جۇگىنبەيدى)

شىندىعىنا كەلەر بولساق – Instagram-نىڭ بيزنەستىڭ قوزعالتقىشى ەتكەن قۋلىقتار مىنالار.

سىلتەمەسى بار پروفيل

قولدانۋشىلار كەز كەلگەن اككاۋنتتان ساتىپ الىپ نەمەسە تاپسىرىس بەرۋدى قالامايدى. العاشقى اسەر دە ءرول وينايتىنى بەلگىلى. ەگەر پروفيل قىزىقسىز بولسا، ولار ارى قاراي ءوتىپ كەتۋى ىقتيمال.

جارقىن تۇستەرمەن بەزەندىرۋ ارقىلى تۇتىنۋشىلار سانىن ارتتىرۋعا بولادى. ShopMatina سياقتى سمايليكتەر قولدانىڭىز، جەڭىلدىكتەر ۇسىنىڭىز، تەگىن جەتكىزىڭىز جانە باسقا دا ارتىقشىلاردى پايدالانىڭىز:

«فيليپپيندىك ديزاينەرلەردىڭ ۇسىنعان جوعارى قارقىنمەن دامىپ كەلە جاتقان كيىم ينتەرنەت-دۇكەنى. جازىلۋشىلارعا 10% جەڭىلدىك. اقش پەن كاناداعا جەتكىزۋ تەگىن».

پروفيلگە ءونىمىڭىزدىڭ پاراقشاسىنىڭ سىلتەمەسىن، ارەكەتكە شاقىراتىن لەندينگتەر جاريالاڭىز. اكسيالار مەن جاپپاي ساتىلىم وتكىزگەن كەزدە ونى جاڭارتىپ وتىرۋدى ۇمىتپاڭىز.

پرومو-جازبالار

كەيبىر اككاۋنت يەلەرى پروفيلگە ينتەرنەت-دۇكەننىڭ مەكەنجايىن قىستىرىپ، كۇتىپ وتىرادى... كەيىن نەگە جۇمىس ىستەمەيدى دەپ تاڭقالادى.

ماسەلە مىنادا: ادامدار پروفيلگە جازىلعان كەزدە جانە ودان كەيىن تەك 1-2 رەت قانا قاراپ قويا سالادى. ولار قالعان ۋاقىتتا تەك تاسپاداعى جاڭالىقتاردى وقىپ وتىرادى.

Instagram-داعى №1 قاتەلىك – ساتۋعا يتەرمەلەيتىن جازبالار جاريالاماۋ. ءدال وسىلار ماقساتتى ارەكەتكە شاقىرادى.

ءونىمىڭىزدىڭ سۋرەتىن جاريالاپ، ونى نە ءۇشىن ساتىپ الۋعا بولاتىنىن جازىپ قويىڭىز. ماڭىزدى ءسات – ءاربىر پرومو-جازبادا پروفيليدەگى سىلتەمە تۋرالى ەسكە سالىپ وتىرىڭىز.

ShopMatina ونى قالاي جاسايدى:

«ءبىز ءۇشىن ءار جول - پوديۋم. كيىمنىڭ بارلىق تۇستەرىن پروفيلدەگى سىلتەمەدەن قاراڭىز».

قولدانۋشىلاردى تارتاتىن كونتەنت

Instagram-داعى №2 قاتەلىك – تەك ساتاتىن جازبالاردى جاريالاۋ. ادامدار ينتەرنەت-دۇكەندەرگە بارا السا، الەۋمەتتىك جەلىدە نە ءۇشىن سىزگە جازىلۋى ءتيىس؟

اككاۋنت-ۆيترينا – بۇل، ارينە، كەرەمەت، ءبىراق جازىلۋشىلار كەيدە باسقا كونتەنتتى دە قالايدى.

برەند تۋرالى قىزىقتى وقيعا جازىىز، سۋرەت نەمەسە ۆيدەوماتەريال جاريالاڭىز. اۋديتوريانى قىزىقتىراتىن كەز كەلگەن دۇنيە سالىڭىز.

ءتىپتى بۇل تۋرالى الپاۋىت ريتەيلەرلەر دە حاباردار، مىسالى، Madewell ايەلدەر كيىمدەرىنىڭ دۇكەنى:

«جاڭالىقتار، وقيعالار وقىڭىز، سۋرەتتەردى باعالاپ، حەشتەگتەرگە ءوتىڭىز».

ەگەر ءسىزدىڭ جازىلۋشىلارىڭىز Madewell-دىكى ءتارىزدى كوپ بولماسا، پرومو-كونتەنتتىڭ 25%-ىنا جاريالاڭىز.

رەفەرالدارمەن دوستىق

Instagram-دا بۇل وتە از ۋاقىت ىشىندە جاپپاي ساتىلىم اكەلەدى.

ونداعان جانە جۇزدەگەن مىڭ الەۋەتتى كليەنتتەردى باقىلاپ وتىراتىن اككاۋنتتارمەن «دوستىق» جاساۋ اۋديتوريانىڭ ەڭ بەلسەندى سەگمەنتىنە جەتۋگە مۇمكىندىك بەرەدى.

سونداي اككاۋنتتاردى تاۋىپ، سولارمەن تىعىز جۇمىس ىستەڭىز:

- S4S (support for support، «سەن – ماعان، مەن – ساعان») – Instagram-نىڭ بەلسەندى قولدانۋشىلارى پايدالاناتىن ءوزارا پيار جاساۋ ءادىسى.

- رەفەرالعا ءسىزدىڭ جارناماڭىزدى ءوز اككاۋنتىندا جاريالاعانى ءۇشىن تولەم جاساۋ (بۇل ادەتتە 100 دوللاردان اسپايدى).

ال ەندى، بۇل ادىستەردى كىمنىڭ قالاي قولداناتىنىنا توقتالايىق. كەيبىر برەندتەرمەن تانىس بولۋىڭىز بەك مۇمكىن.

Portland Gear سپورتتىق كيىم برەندى

Instagram-داعى شىنايى تابىسقا جەتۋ وقيعاسىن بىلگىڭىز كەلە مە؟

Portland مەن PortlandGear برەندتەرىنىڭ يەسى ماركۋس حارۆي ءوز برەندىن جەتىلدىرۋ ءۇشىن الەۋمەتتىك جەلىنى قولدانعان. العاشقى كۇنى-اق 5 000 دوللارعا زات ساتقان. رەفەرالدارسىز، تاجىريبەسىز جانە جارناماعا ءبىر تيىن جۇمساي-اق!

ءقازىر ونىڭ جازىلۋشىلار سانى 300 مىڭنان اسادى، حالىقارالىق دەڭگەيدە تانىمال بولدى. ول ءۇشىن Instagram-عا راحمەت!

ونىڭ اككاۋنتىندا – ءومىر ءستيلى تۋرالى جازبالار، ونىمدەردى تۇتىنعان باقىتتى قولدانۋشىلاردىڭ سۋرەتتەرى، انونستار، پرومو-كونتەنت:

«فيرمالىق ساپتىاياقتان كوفە ىشە وتىرىپ، جەكسەنبىلىك تاڭنان ءلاززات الىڭىز. ونلاين تاپسىرىس بەرىڭىز. كۇندەرىڭىز جاقسى ءوتسىن!»

ەگەر ءسىز بىرەگەي تاۋارلارىڭىزدى نولدەن باستاپ العا جىلجىتقىڭىز كەلسە، ءسىز ءۇشىن تاپتىرماس كەڭەس بولماق.

Coconut Bowls ەكو-ىدىسىنىڭ ينتەرنەت-دۇكەنى

ينتەرنەت-دۇكەن اشقىڭىز كەلسە، ءبىراق ماركەتينگتى قالاي ۇيىمداستىرۋدى بىلمەيسىز بە؟ Coconut Bowls-تەن شابىت الىڭىز.

«كوكوس جاڭعاقتارىنىڭ قابىعىنان جاسالعان ەكو-ىدىستار. ءبىر رەت قانا قولدانۋعا ارنالعان. كوتەرمە ساتۋ. الەم بويىنشا جەتكىزۋ بار».

العاشقى 6 ايدا ولار تەك Instagram-دى قولدانعان.

سونىمەن، ناتيجەسى قانداي؟

- سايتتى بىرەگەي قولدانۋشىلار سانى 3 000؛

- ولاردىڭ 4% – 5%-ى سول ساتتە ساتىپ الادى؛

- تەك قانا Instagram-نان اپتاسىنا 100 تاپسىرىس تۇسەدى؛

- كىرىستىڭ 40%-ى الەۋمەتتىك جەلى قولدانۋشىلارىنان تۇسەدى؛

بلوگەرلەر مەن رەفەرالدارمەن ىنتىماقتاستىق جاساۋدان كۇنىنە 100 ادام كىرەدى. ءبىر تۇندە 60 تاپسىرىس جاساۋ – رەكوردتىق كورسەتكىش!

سەرىكتەستىك باعدارلاما بويىنشا، رەفەرالدار اۋديتورياعا برەندتى تانىستىرسا، ونىڭ ورنىنا ءونىمدى تەگىن جەتكىزۋگە يە بولدى.

Instagram-داعى №3 قاتەلىك: ساتىلىمدى تۇرلەندىرۋ ءۇشىن سۋرەتتەر مەن حەشتەگتەر جەتكىلىكتى. شىنتۋايتىندا، قولدانۋشىلار ۇيرەنۋ جانە دۇرىس اقپاراتتىڭ ارقاسىندا ماقساتتى ارەكەت جاسايدى.

بۇل مىسالى تاعى ءبىر رەت دالەلدەيتىن نارسە: جارناما «كەز كەلگەن بۇرىشتان» ايقايلاپ تۇرۋى مىندەتتى ەمەس. ءبىر عانا ماركەتينگتىك ارناعا فوكۋستالۋعا دا بولادى.

Kettle & Fire  سۇيەك قوسىلعان سورپا وندىرۋشىلەرى

سىزدەر Instagram-دا تەك كيىم-كەشەك پەن اشەكەيلەردى جارنامالاۋعا عانا بولادى دەپ ويلايسىزدار ما؟ ولاي ەمەس. Kettle & Fire كومپانياسى دا تۇراقتى ترافيك پەن ساتىلىمدى تۇرلەندىرۋدەن حاباردار.

ولار ونىمدەرىنىڭ سۋرەتتەرىن، ولاردىڭ سيپاتتامالارى مەن لەندينگكە سىلتەمەنى سالادى، پاراقشالارىن تانىمال ەتۋ ءۇشىن رەفەرالداردى تارتادى، ايىرباسقا ولار ونىمگە جەڭىلدىك الادى. 

مىسالى، Whole30 Approvedء-تىڭ جۇمىس ناتيجەسى: 374 رەت كىرگەن جانە 21 رەت ساتقان، ورتاشا چەك – شامامەن 95 دوللار:

بۇل اقىلى جارناماعا قاراعاندا، الدەقايدا ارزان جانە ءتيىمدى.

Prep Obsessed اكسەسسۋارلار مەن ءساندى اشەكەيلەردىڭ ينتەرنەت-دۇكەنى

Instagram-داعى №4 قاتەلىك: «ءبىزدىڭ جازىلۋشىلارىمىزدىڭ سانى از، سوندىقتان Instagram بىزگە پايداسىز».

ءبىراق Prep Obsessed ينتەرنەت-كاسىپكەرلەردىڭ قالىپتاسقان اتالمىش تاپتاۋرىندارىن جوققا شىعاردى. برەند Facebook-تەن باستاعان. الايدا، ولار Instagram-عا تىركەلگەندە تەك 1 700 فوللوۆەرلەرى بولدى.

كومپانيانىڭ Facebook-تە 25 مىڭ جانكۇيەرى بولسا دا، Instagram ولارعا Facebook سياقتى پايدا اكەلگەن – ايىرماشىلىعى تەك 10 دوللار بولدى.

«جارتى باعاسىنا ساتامىز. سىيلىققا سىرا بەرىلەدى. ناۋقان اياقتالماي تۇرىپ، اسىعىڭىزدار».

Prep Obsessed Soldsie-دى قولداندى – Facebook-تەگى برەندتەردىڭ پاراقشاسىن ەلەكتروندىق ۆيتريناعا اينالدىراتىن ەلەكتروندىق كوممەرسيا سەرۆيسى.

1 - ءسىز ءوز ءپروفيلىڭىزدى Soldsie-داعى اككاۋنتقا بايلانىستىرىپ، تىركەيسىز؛

2 - تايملايندقا تاۋارلاردىڭ سۋرەتتەرىن سيپاتتاماسىمەن بىرگە جۇكتەيسىز؛

3 - قولدانۋشىلاردىڭ بىرەۋى وسى جازبالاردىڭ ءبىرىنىڭ استىنا «ساتىلدى» دەگەن پىكىر قالدىرعانىن كۇتەسىز؛

4 - Soldsie تەتىگىينتەرنەت-دۇكەندە تاپسىرىس راسىمدەگەندەي، بارلىق ارەكەتتى ءوزى جاسايدى؛

5 - تولەمدى قابىلداپ، تاۋاردى ساتىپ الۋشىعا جىبەرەسىز.

ناتيجەسىندە قولدانۋشىلار جازباعا پىكىر قالدىرعانداي، وڭاي ساتىپ الادى.

Limelight Extensions شاشتاراز قىزمەتى

كەلەسى بيزنەس – قىزمەت كورسەتۋ سالاسىنان:

«شاشتى برازيليالىق كەراتين ادىسىمەن ساندەۋ. 40% جەڭىلدىك».

ولار ونىمدەرىن وزدەرىنىڭ كليەنتتەرىنىڭ «بۇعان دەيىنگى» جانە «كەسىنگى» سۋرەتتەرىن سالۋ ارقىلى جارنامالايدى، جاپپاي ساتۋ، جەڭىلدىكتەر تۋرالى حابارلايدى جانە قولدانۋشىلاردى سالونعا جازىلۋعا شاقىرادى. 2 مىڭ جازىلۋشىسى بار اككاۋنتتىڭ ءبىر جازىلىمى 10 000 دوللاردان استام پايدا اكەلەدى!

CIRCULR ساعاتتار برەندى

Instagram-داعى №5 قاتەلىك: «بۇل تەك ايەلدەرگە ارنالعان الەۋمەتتىك جەلى جانە ايەلدەرگە ارنالعان تاۋارلار ساتىلادى».

وسى اڭىزدىڭ تەرەڭىنە ۇڭىلەيىك. مىسالى - CIRCULR، ساعاتتار برەندى. ساتىپ الۋشىلار اراسىندا – ايەلدەر دە، ەرلەر دە بار.

ونىڭ يەسى CIRCULR بيزنەسىن اشپاي تۇرىپ، ەۋروپاداعى ءىرى ينتەرنەت-اگەنتتىگىندە جۇمىس ىستەگەن. ول تەك Instagram ارقىلى 10 ميلليون دوللار تابىس تابۋعا بولاتىنىنا كوز جەتكىزگەن! ونىڭ پايىمىنشا، ول برەندتى جاساۋ جانە ونى دامىتۋعا مۇمكىندىك بەرەتىن قۋاتتى كانال. ونى پايدالانباۋدىڭ ءوزى كۇنا.

CIRCULR جاڭا كوللەكسياسىن جارنامالاۋ ءۇشىن ءوزىنىڭ اككاۋنتىندا مىناداي كوزتارتارلىق روليكتەردى سالادى. ماقساتتى اۋديتورياعا دەم بەرۋ ءۇشىن دە)

«قابىل الىڭىزدار! ولەگ كريكەتپەن بىرلەسىپ تۇسىرىلگەن روليك (ورىس ەكسترەمال-پاركۋرشىسى، ول باتىستى ءوزىنىڭ قورقىنىشتى تريۋكتارىمەن تاڭقالدىرادى). تومەندەگى سىلتەمە بويىنشا كوللەكسياداعى زاتتاردى ساتىپ الىڭىز».

ونىڭ قۇپياسى – بەيجاي قارامايتىن جوعارى ساپالى كونتەنتىندە. ونى ءبولىسىپ، تالقىعا سالادى.

Beaufort Bonnet Company بالالار كيىمى مەن اكسەسسۋارلار برەندى

كاسىبي سۋرەتتەر ايفونمەن تۇسىرىلگەن ميلليون سەلفيگە قاراعاندا كوزدىڭ جاۋىن الىپ، وزگەشە كورىنەدى.

توي، ساياحات، تاماق، ءۇي جانۋارلارى مەن بالالار – Instagram ءۇشىن كەرەمەت تاقىرىپتار. سونىمەن قاتار، ولارمەن بايلانىستى ەموسيالار دا ەرەكشە!

Beaufort Bonnet Company اككاۋنتى – بالالاردىڭ ەڭ ادەمى سۋرەتتەرى جيناقتالعان پاراقشا:

«تالعامى بار بالالارعا ارنالعان ساپالى كيىمدەر».

ساتىلىمنىڭ 80%-ى Instagram ارقىلى جۇرگىزىلەدى. جامان كورسەتكىش ەمەس! ءسىز بۇدان دا كوپ كورسەتكىشكە قولجەتكىزە الاسىز با؟

TruWood ساعاتتار مەن كوزىلدىرىكتەر برەندى

ءبىر جىلدا ميلليون دوللار، ساتىلىم مەن ترافيكتىڭ 35%-ى الەۋمەتتىك جەلىدەن – مۇنى بارلىعى وسى برەند ءۇشىن Instagram-دى مەڭگەرۋدىڭ ناتيجەسى.

ولار Instagram-عا قالاي كەلدى؟

- باسقا برەندتەردىڭ تابىسقا جەتۋ وقيعاسى (ۆەلوسيپەدتى قايتا ويلاپ تابۋدىڭ قاجەتى نە؟)

- كاسىپتى باستاۋدىڭ ارزان جولى.

ءار پوستتا – پروفيلدەگى سىلتەمە تۋرالى ەسكە سالىپ وتىرۋ، سەبەبى ولاردىڭ ماقساتى – Instagram-داعى جازىلۋشىلاردى سايتقا شاقىرۋ.

ولار جازىلۋشىلاردى ساتىپ الۋشىلارعا اينالدىرۋ ءۇشىن ۋاقىت قاجەت ەكەندىگىن تۇسىنەدى. سوندىقتان سابىرمەن بازا جيناقتاپ، رەفەرالدارعا ارنايى جەڭىلدىكتەر بەرەدى.

«ونلاين TruWood! ءار تاپسىرىسقا 10 اعاش وسىرەمىز! پروفيلدەگى سىلتەمەنى باسىڭىز».

ارتىقشىلىعى – جاندى تابيعاتتى ساقتاپ قالۋ تاقىرىبىنا موتيۆاسيا بەرۋ. جاقسى ءتاسىل.

ولاردىڭ ەرەكشە سۋرەتتەرىن قاراڭىز:

«عاجايىپ ءسات – ادەمى قۇس TruWood ساعاتىن زەرتتەپ جاتىر. ءار تاپسىرىسقا 10 اعاش وسىرەمىز! پروفيلدەگى سىلتەمەنى باسىڭىز».

ر.S. كورىپ وتىرعاندارىڭىزداي، Instagram ءارتۇرلى ونىمدەرگە ساي كەلە بەرەدى. باستىسى – ولاردى «ادەمى» ەتىپ بەرۋ. تەك قانا حەشتەگ پەن سىلتەمەنى بەرۋ جەتكىلىكسىز. ءارتۇرلى وقيعالار ايتىڭىز، جازىلۋشىلاردى برەندپەن تانىستىرىڭىز، ۆيدەولار جاريالاڭىز.

ساپالى سۋرەتتەر تۋرالى ۇمىتپاڭىز – اتالمىش الەۋمەتتىك جەلىنى تەك قانا ءماندى ماتىنمەن «باعىندىرۋ» مۇمكىن ەمەس.

P.P.S: قىزىقتى ءارى پايدالى مالىمەتتەردى جىبەرىپ الماۋ ءۇشىن، ءبىزدىڭ Instagram پاراقشامىزعا دا جازىلىڭىزدار: @bilim.all

---