قىزىل يەكتىڭ قابىنۋى
ءتىسىڭىزدى تازالاۋ كەزىندە قىزىل يەگىڭىزگە نازار اۋدارىپ قويعانىڭىز ءجون. ينون ۋنيۆەرسيتەتىندەگى تۇرىك عالىمدارى قىزىليەك اۋرۋىنىڭ بەلسىزدىككە سەبەپشى بولاتىنىن ەسكەرتەدى.
عالىمدار ەكى توپتىڭ قاتىسۋىمەن سالىستىرمالى زەرتتەۋ جۇرگىزدى. باقىلاۋداعى ءبىرىنشى توپقا جىنىستىق قىزمەتىندە ەشقانداي اقاۋى جوق 82 ادام، ەكىنشى توپقا بەلسىزدىككە ۇشىراعان 80 ادام ىرىكتەلدى. سىناققا ەرىكتى قاتىسۋشىلاردىڭ ورتاشا جاسى – 36.
ىرىكتەۋدىڭ كەلەسى كەزەڭىندە عالىمدار ەرىكتىلەر تىزىمىنەن ءارتۇرلى سىرقاتتارعا شالدىققان ادامداردى، سونداي-اق تەمەكى شەگەتىندەردى الىپ تاستادى، ويتكەنى تەمەكى شەگۋ دە بەلسىزدىككە الىپ باراتىن فاكتورلاردىڭ ءبىرى.
زەرتتەۋ بارىسىندا جىنىستىق قۋاتى ناشارلاعان ەرلەردىڭ 53 پايىزىندا ءتىس ماڭى ءتىنىنىڭ قابىنعانى (سوزىلمالى پەريودونتيت) انىقتالدى. باقىلاۋ توبىندا بۇل كورسەتكىش 23 پايىزدى قۇرادى.
عالىمدار دەنە سالماعىنىڭ يندەكسى، ءبىلىم جانە تابىس دەڭگەيى سياقتى ءبىرقاتار فاكتورلاردى ەسكەرە وتىرىپ، سوزىلمالى پەريودونتيتكە شالدىققان ەرلەردىڭ، قىزىل يەگى ساۋ ەرلەرگە كاراعاندا بەلسىزدىككە 3،29 ەسە ءجيى ۇشىرايتىندىعىن انىقتادى.
«زەرتتەۋ ناتيجەلەرى سوزىلمالى پەريودونتيت اۋرۋلارىنىڭ تۋىنداۋىنا جۇيەلى قانتامىر سىرقاتتارى سەبەپشى بولسا، ولار ءوز كەزەگىندە بەلسىزدىككە الىپ كەلەدى»- دەيدى دوكتور فايت وگۋز. سونىمەن، زەرتتەۋشىلەر ءتىس دارىگەرىنە قارانۋدى بەلسىزدىكتەن ەمدەلۋدىڭ ءبىر ساتىسى دەپ ەسەپتەيدى.
You Might Also Like
-
وڭتۇستىك قازاقستان وبلىسىنداعى كىتاپحانالاردا كومپيۋتەرلەر جەتىسپەيدى. وڭىردە 427 كىتاپحانا بار بولسا، بۇگىندە ونىڭ 180ء-ى عانا جاڭا تەحنولوگيامەن جابدىقتالعان. بۇل ماسەلە كىتاپحاناشىلارعا ارنالعان ...
-
ەسىڭىزگە ءتۇسىرىڭىزشى،ءومىر ءسۇرۋ تۋرالى سوڭعى رەت قاشان ويلاندىڭىز؟ءومىر ول اعىپ جاتقان وزەن.اعا بەرەدى،العا جىلجي بەرەدى.ال ءومىر تىكەلەي ۋاقىتقا بايلانىستى.ۋاقىت دەگەنىڭ-كوزگە كورىنبەيتىن،قولعا ۇستال...
