ىسقىرۋ ءۇشىن ءتىس كەرەك
قاراتاۋ ەلىنىڭ قاقى دەگەن قارياسى جاس كەزىندە ءتىل المايتىن ەركە بولىپتى. جۇمساعان ادامعا ول ايتەۋىر ءبىر جاۋاپ تاۋىپ ايتادى ەكەن. ءبىر كۇنى اكەسى قاقىنى ات سۋعارىپ كەل دەپ جۇمسايدى.
بالاسى وعان:
— مەن ات سۋعارا المايمىن، — دەيدى. اكەسى:
— نەگە؟ — دەسە:
— مەنىڭ كۇرەك ءتىسىم ءتۇسىپ قالعان، — دەيدى بالاسى.
اكەسى قاقىعا ۇرىسىپ:
— ات سۋعارۋعا ءتىستىڭ نە كەرەگى بار؟ — دەيدى.
سوندا بالاسى:
— ە، ات سۋ ىشكەندە، مەن ىسقىرىپ تۇرۋىم كەرەك ەمەس پە؟ — دەپتى.
You Might Also Like
-
ءبىر قاريا كىسى جولاۋشىلاپ كەلە جاتىپتى. استىندا جاباعىسى دا ءالى تۇسپەگەن قۇنان ءمىنىپ كەلە جاتادى. سودان كەلە جاتسا، ءبىر باي كىسى كەزدەسىپ قالادى، استىندا كەرەمەت تۇلپار، جۇگەنى، ەر توقىمى، قۇيىسقان...
-
ەرتەدە ءبىر كەدەي بايدىڭ ۇيىنە كەلسە، جۇرت جيىلىپ، توي بولىپ جاتادى. مەنمەنسىگەن باي وعان جاسىڭ ۇلكەن ەدى، تورگە شىق دەمەيدى. سوندا كەدەي قاريا تۇرىپ:
