IT جۋرناليستيكادا وقۋدىڭ ەرەكشەلىكتەرى
سيفرلىق تەحنولوگيا كۇن سايىن دامۋ ۇستىندە. بۇل وزگەرىس جۋرناليستيكا سالاسىنا دا اسەر ەتپەي قويمادى. بۇرىنعىداي تەك تەلەديداردان كورىنۋ بىلىكتى مامان ءۇشىن ازدىق ەتەدى. وسى تالاپقا ساي وقۋ ورىندارى دا ءوز تىزىمىنە جاڭا ماماندىقتاردى قوستى. بىر-بىرىنەن ەرەكشەلەنۋ ءۇشىن ءبىلىم جۇيەسىنە ءتۇرلى وزگەرىس ەنگىزىپ جاتىر. ال حاتۋ-دا جۋرناليستيكادا وقۋدىڭ قانداي ەرەكشەلىكتەرى بار؟
ءبىلىم جۇيەسى جاڭا فورماتتا. 2-3 ساعاتتاپ لەكسيانى تىڭداپ، وقىتۋشىنىڭ سوزىنە ىلەسىپ كونسپەكت جازۋ دەگەن تۇسىنىك مۇلدە جوق. ايتىلعان اقپاراتتان كەرەگىن ءتۇرتىپ الۋ ستۋدەنتكە جاقسى. ءبىراق ەشكىم قولجازبالاردى مىندەتتەپ سۇرامايدى.
سونىمەن قاتار، تەوريادان گورى پراكتيكا كوپ. ستۋدەنتتەرگە تەك تەوريانى جاتقا ايتىپ تۇرۋدى ەمەس، دۇرىس باعىت بەرۋ ارقىلى تاجىريبە جيناۋعا مۇمكىندىك بەرەدى. مىسالى، ءبىرىنشى كۋرستىڭ ەكىنشى جارتىسىنان باستاپ قولعا ميكروفون ۇستاتادى. وسىلايشا سيۋجەت ءتۇسىرۋدى، رەپورتاج جاساۋدى ۇيرەنىپ شىعامىز.
ءار ستۋدەنتتىڭ پىكىرىمەن ساناسۋ. وقىتۋشىلار كەز-كەلگەن ءبىلىم الۋشىنىڭ ويىن تىڭداپ، ءوزىن تۇلعا رەتىندە سەزىنۋىنە مۇمكىندىك بەرەدى. اسىرەسە، بولاشاق ءتورتىنشى بيلىك وكىلدەرىنىڭ الەم جانە ەلدەگى جاڭالىقتارعا دەگەن كوزقاراسىن ۇنەمى سۇراپ وتىرادى.
وعان قوسا جۇمىسقا تۇرۋ مۇمكىندىگى دە كوپ. باكالاۆردى بىتىرگەن جۋرناليست زامان تالابىنا ساي، جان-جاقتى مامان بولىپ شىعادى.ءتۇرلى اقپاراتتىق پورتالدار جانە رەسپۋبليكالىق باسىلىمدارمەن ىسكەرلىك كەلىسسوز جاسالعان. وسىنىڭ ناتيجەسىندە، اعا-اپكەلەرىمىز بەدەلدى جۇمىس ورىندارىندا ءوز قىزمەتىن جوعارى دەڭگەيدە اتقارىپ جاتىر.
بۇل مەنىڭ ەكى اي ىشىندە بايقاعان جاڭاشىلدىقتارىم. ءتورت جىلدىڭ ىشىندە ءالى تالاي نارسەگە كوز جەتكىزۋىم ابدەن مۇمكىن. وقىرماننىڭ سۇرانىسىن قاناعاتتاندىرا الاتىن ب ا ق وكىلى بولۋ ءبىزدىڭ مىندەت. كۇندەلىكتى اينالامىزدا بولىپ جاتقان وزگەرىستەرگە ىلەسىپ وتىرۋ ءار سالانىڭ مامانى ءۇشىن ۇيرەنشىكتى نارسەگە اينالعانى ءجون.
بانۋ ابدىعالييەۆا
حاتۋ ستۋدەنتى
You Might Also Like
-
جۋرناليستيكا كەڭ اۋقىمدى سالا. ارنايى قۇرالدار ارقىلى جاپپاي اۋديتورياعا ءمانى بار اقپاراتتى جيناۋ،وڭدەۋ جانە تاراتۋ قىزمەتى. جۋرناليست كەز كەلگەن ماسەلەگە ءوزىنىڭ دەربەس كوزقاراسىن قۇرۋشى. ال ەندى ج...
-
حالىقارالىق اقپاراتتىق تەحنولوگيالار ۋنيۆەرسيتەتىندەگى باكالاۆريات ءبىلىم دەڭگەيىندە جۋرناليستيكانىڭ 4 باعىتى مەن PR (قوعاممەن بايلانىس) وقۋ باعدارلاماسى بار. ءقازىر ۋنيۆەرسيتەتتە تاجىريبەلى ءار...
