InfoHub Logo

فرانسۋز جازۋشىسى بالزاك «ءتورتىنشى بيلىك» دەپ باعا بەرگەن بۇقارالىق اقپارات قۇرالدارى قازىرگى تاڭدا قوعام مەن مادەنيەتتىڭ اجىراماس بولشەگى. ححI عاسىر، قازىرگى زامان - اقپاراتتىق سوعىس ءداۋىرى. سەبەبى، اقپارات - قازىرگى كەزدەگى كۇندى دۇنيە. ال جۋرناليستيكا - سالاسى بارلىق باعىتتىڭ ايالىق ءبىلىمىن تالاپ ەتەتىن قۇندىلىققا تولى ماماندىق. جۋرناليستيكانىڭ دامۋ جولىندا جوعارى وقۋ ورىندارىنىڭ ماڭىزى زور. ويتكەنى ساۋاتتى، جوعارى كۆاليفيكاسيالانعان ماماندار وزدەرىنىڭ وسى جولداعى العاشقى ىرگەتاستارىن ءبىلىم وشاقتارىندا قالايدى.

حاتۋ ۋنيۆەرسيتەتى - مەملەكەت بويىنشا جۋرناليستيكا جانە رەپورتەر ءىسى ماماندىعى بويىنشا الدىنعى قاتارداعى وقۋ ورىندارىنىڭ ءبىرى. ولاي دەۋگە ناقتى دالەلدەر بارشىلىق. حالىقارالىق اقپاراتتىق -تەحنولوگيالار ۋنيۆەرسيتەتى دەپ اتىنىڭ وزىندە ايتىلىپ تۇرعانداي، بۇل ءبىلىم ورداسىندا IT - جۋرناليستيكاعا باستى كوڭىل بولىنگەن. IITU-دا مەدياداعى پراكتيكالىق ساباقتار كوپتەپ جۇرگىزىلەدى. ۋنيۆەرسيتەت قابىرعاسىندا ءجۇرىپ-اق ەلىمىزدىڭ تانىمال ب ا ق رەداكسيالارىنىڭ ىشكى اسحاناسىمەن تولىق تانىسۋ مۇمكىندىگى بار ساناۋلى جوو-نىڭ ءبىرى - وسى حاتۋ.

بۇل ءبىلىم وشاعىندا وقىعانىما كوپ بولماسا دا، وزىمە كوپ جاڭالىق اشتىم دەپ ايتا الامىن. كۇندەلىكتى جاريالانىپ جاتقان اقپاراتتاردى سارالاۋ، باعالاۋدى ۇيرەندىم. سونىمەن قاتار، جۋرناليست، ءتىل مامانى ءۇشىن ماڭىزدى دۇنيە - ساۋاتتىلىعىمدى ارتتىرا باستادىم. مەنىڭ ءدال وسى ءبىلىم ورداسىن تاڭداۋ سەبەبىمنىڭ ءبىرى - ول ۋنيۆەرسيتەتتىڭ ءبىتىرىپ كەتكەن شاكىرتتەردى جۇمىسپەن قامتاماسىز ەتۋ دەڭگەيى. ستاتيستيكا بويىنشا ستۋدەنتتەردىڭ بارلىعى دەرلىك مەديا سالاسىنان ءوز ورىندارىن تاپقان. ستۋدەنتتىك ءومىر جايلى ايتاتىن بولساق، بىردەن ويعا حاتۋ تۇسەدى. ادام ءومىرىنىڭ ىستىعى مەن سۋىعى قاتار جۇرەتىن كەزەڭىڭ ءدال وسى ۋنيۆەرسيتەتتە وتكىزۋدىڭ ءوزى ءبىر باقىت. ستۋدەنتتەر ءۇشىن جۇمىس جاسايتىن مەكەمەلەر، ءار ءتۇرلى تاقىرىپتىق كەشتەر، ءىس-شارالار، تانىمال تەلەجۇرگىزۋشىلەر مەن پروديۋسەرلەرمەن ىسكەرلىك كەزدەسۋلەر - وسىنىڭ ءبارى ستۋدەنتتىك ءومىردىڭ بوياۋلارىن قانىقتاندىرا تۇسپەك. سونىمەن قاتار، ستۋدەنتتەر دە ءبىر - بىرىنەن قامقورلىقتارىن ەش ايامايدى، ءاردايىم كومەك قولىن سوزۋعا دايىن تۇرادى. بولاشاق ارىپتەستەرىممەن تاجىريبيە الماسۋ، رۋحاني تۇرعىدا قولداۋ الۋ العا جىلجۋعا جىگەرلەندىرەرى ءسوزسىز.

وتكەنىمىزبەن سالىستىرعاندا قازىرگى كەزدە جۋرناليستەردىڭ ارقاسىندا ەلدە ورىن الىپ جاتقان جاعدايلار بۇكپەسىز حالىققا جەتكىزىلۋدە. باق-تا جاريا ەتىلگەن اقپارات اۋقىمى الدەقايدا وسكەن، ب ا ق سانى ارتقان. ءقازىر ءبىر وبلىس ەمەس ءار قالا جەرگىلىكتى گازەت باسپاسىنا، تەلەارناعا يە.

جوو-ىندا زامانۋي باق- قا بەت بۇرىپ، تەوريا مەن قوسا پراكتيكالىق تۇرعىدا دا مامانداردى دايارلايدى.  بۇل جۋرناليستيكا سالاسىنا وسى كۇنگە دەيىن سىڭىرىلگەن ەڭبەكتىڭ جەمىسى ەكەنى بەلگىلى. قازىرگى جاستاردىڭ جاساپ جاتقان جۇمىستارىنا قاراپ، بولاشاقتا مەديا باعىتى بۇدان دا بيىك بەلەستەردى باعىندىرا الاتىنىنا سەنىم مول.

قاسىمبەكوۆا اسىلجان

حاتۋ ستۋدەنتى

---