InfoHub Logo

قازاق ادەبيەتى 8 - سىنىپ
ساباقتىڭ تاقىرىبى: ج. جابايەۆ. «سۇرانشى»، «وتەگەن باتىر» داستاندارى
سىلتەمە: كۇنتىزبەلىك جوسپار، ورتا مەرزىمدىك جوسپار، وقۋلىق. مۇعالىمگە ارنالعان نۇسقاۋلىق، ستو ستراتەگياسى
جالپى ماقساتى: ج. جابايەۆتىڭ شىعارماشىلىعىنان العان بىلىمدەرىن جيناقتاۋ، «وتەگەن باتىر»، «سۇرانشى باتىر» داستاندارىنداعى وتەگەننىڭ جانە سۇرانشىنىڭ بەينەسىن تالداۋ، شىعارمانىڭ تاربيەلىك ءمانىن اشۋ.
وقىتۋ ناتيجەسى: ستو - عا ۇيرەتە وتىرىپ، مانەرلەپ وقۋعا، ونى تالقىلاۋعا ۇيرەتۋ
توپپەن بىرلەسە جۇمىس جاساي بىلەدى، تاقىرىپتى اشا الادى، ەرەجەگە باعىنادى، ءبىر - ءبىرىن تىڭداي بىلەدى
وقىتۋ فورماسى: جەكە بالامەن، توپپەن، سىنىپ ۇجىمىمەن جۇمىس جۇرگىزۋ
وقۋدا قولدانىلاتىن مودۋلدەر مەن ءادىس - تاسىلدەر: وقىتۋ مەن وقۋداعى جاڭا تاسىلدەر. سىني تۇرعىدان ويلاۋعا ۇيرەتۋ. وقىتۋ ءۇشىن جانە وقۋدى باعالاۋ. ميعا شابۋىل ءادىسى، توپتىق جۇمىس، ۆەنن دياگرامماسى، بەس جولدى ولەڭ
قۇرال – جابدىقتار: تاقتا، كەسپە قاعازدار

1 كەزەڭ
ۇيىمداستىرۋ
ءۇي تاپسىرماسىن تەكسەرۋ وقۋشىلارمەن امانداسىپ، تۇگەندەۋ
ج. جابايەۆ ءومىرى، شىعارماشىلىعى تۋرالى، ولەڭدەرىنىڭ مازمۇنىن سۇرايمىن.
«ميعا شابۋىل» ءادىسى ارقىلى قوسىمشا سۇراقتار قويامىن. وقۋشىلار ۇيگە تاپسىرمانى ايتادى.
2 كەزەڭ
جاڭا ساباق ماعىنانى تانۋ
جامبىلدىڭ وتانشىل جىرلارىنىڭ ىشىندە داستاندارى ەرەكشە ورىن الادى. «وتەگەن باتىر» مەن «سۇرانشى باتىر» داستاندارى كۇردەلى داستاندار قاتارىنا جاتادى.
اقىن وسى ەكى داستاندى ءبىp جىلدارى قاتار جىرلاسا كەرەك. «سۇرانشى باتىر» داستانىن جامبىل ەڭ العاش رەت سادىرمەك دەگەن بەدەلدى كىسىنىڭ اسى كۇنى تولعاپتى. بۇل جيىن جيرەنايعىر دەگەن وزەننىڭ بويىندا وتەدى. ەرتەدە سۇرانشى باتىر قوقاندىقتارمەن وسى وزەن بويىندا سوعىسىپ جەڭىسكە جەتكەن ەكەن. مىنە وسى وزەن بويىندا جايلاعان شاپىراشتى، دۋلات، ىستى، جانىس اقىندار جامبىلدان «سۇرانشى باتىر» داستانىن جىرلاۋدى ءوتىنىپتى. حالىق تالابىمەن جامبىل «سۇرانشى باتىردى» تاڭ اتقانشا جىرلاعان ەكەن.
سۇرانشى – تاريحتا بولعان ادام، جەتىسۋ حالقىنىڭ مۇددەسىن قورعاعان ناعىز باتىر. جەر ءجانناتى جەتىسۋدى الۋعا بip جاعىنان پاتشانىڭ، ەكىنشى جاعىنان – قوقاندىقتاردىڭ ۇمتىلعانى تاريحتان بەلگىلى. قوقاندىقتاردىڭ وزبىرلىعىنان ءزابىر كورىپ، باستارىنا قارالى كۇن تۋعان حالىق ەندىگى ءۇمىت سۇرانشى باتىردا ەكەندىگىنە توقتاسادى. ءسويتىپ، حابارشى جىبەرىپ، سۇرانشى باتىردى الدىرادى.