ءجاميلا!
مۇنشا نەگە جۇدەدىڭ؟
بەتىندە تامشى قان جوق قوي.
جارالى ما جۇرەگىڭ؟
تەگىندە، تەرەڭ زار كوپ قوي!
ءجاميلا!
سەبەبى نە؟ جالعاندا
سەرپىلىگى، ويناپ-كۇلمەيسىڭ.
تۇندە جۇرت ۇيقتاپ قالعاندا،
تىنشىپ ءبىر ۇيقى كورمەيسىڭ.
ءجاميلا!
كەۋدەڭە وت تولدى ما؟
ۋ ھىلەپ ايعا قارايسىڭ.
ءومىرىڭ ۋ بولدى ما؟
جۇلدىزدار نەگە سانايسىڭ؟
ءجاميلا!
شاپانىڭدى بۇركەنىپ،
تىسقا اقىرىن شىققاندا،
كۇرسىنىپ، اۋىر كۇڭىرەنىپ،
ايتقانىڭ زار ما يا ءان بە؟
ءجاميلا!
جانىنداعى جاۋىزىڭ
ايىردى ما جارىڭنان؟
سارعايماشى، باۋىرىم،
بىتەسىڭ عوي زارىڭنان.
ءجاميلا!
تۇسكەن مىناۋ جۇزىڭە
قاسىرەت پە، ياكي شاشىڭ با؟
قايعىلى قارا كوزىڭدە
مولدىرەگەن جاسىڭ با؟
ءجاميلا!
بەتىندە اناۋ تاڭبا نە؟
اھ... يمانسىز ول حايۋان!
جالىن، جانىم، اللا دە!
بۇدان باسقا نە حايلاڭ؟!
ءجاميلا!
قاسىرەتتى، سورلى قارىنداس،
قايعىعا قالاي شىدايسىڭ؟
جىلا، باۋىرىم، توگىپ جاس،
مەن دە بىرگە جىلايمىن...
ءجاميلا!.. ءجاميلا!.. ءجاميلا!..

---