قايعىلاندىڭ، زارلاندىڭ،
ءىسىڭدى تاستاپ، مۇڭايىپ.
وينامايسىڭ، ويلايسىڭ،
كۇلكىڭە سالدى كىم ايىپ؟
جالعىز قالساڭ ءبىر ۇيدە،
ءوزىڭدى ءوزىڭ جىلاتتىڭ،
مولدىرەگەن كوزىڭدى
قايعىلى جاسپەن شىلاتتىڭ.
كوپ ويلادىڭ تىنشىماي،
تۇندە دە كىرپىك ءبىر قاقپاي.
تالماي كوزىڭ جۇمبايسىڭ،
اعارىپ سۇتتەي تاڭ اتپاي.
جاڭا پىسكەن الماداي
تولىپ ءبىر تۇرعان شاعىڭدا،
جاستىق قىزىعىن كورمەستەي،
Heگe سىندى ساعىد دا؟
قايعىعا سالدى كىم سەنى
تىنىشتىق ءجۇزىن كورمەستەي؟
ءومىر بويى بىتپەستەي،
زارىڭ ماڭگى سونبەستەي.
ەرنىڭدى قوزعاپ قايعىمەن،
قاي جاۋىزدى قارعايسىڭ؟
سەنى بۇيتكەن بەيباقتىڭ
سانادان ءجۇزى سارعايسىن!

---