InfoHub Logo

ارمىسىزدار، ءقادىرلى اتا-انالار، قىمباتتى ۇستازدار، اياۋلى وقۋشىلار!
جاڭا جىل كەشىن اشۋعا رۇقسات ەتىڭىزدەر!
قىزىعىن دا، قيىندىعىن دا كولدەنەڭ تارتقان 2012ء-شى ۇلۋ جىلى اياقتالۋعا دا از ۋاقىت قالدى. ومىرىمىزگە ەنەيىن دەپ تۇرعان 2013-شى جىلان جىلى تابالدىرىقتان اتتايىن دەپ تۇر.
ولاي بولسا، جاڭا جىل بارشاڭىزدىڭ وتباستارىڭىزعا دەنساۋلىق پەن باقىت، بەرەكە مەن بىرلىك، جاقسىلىق پەن قۋانىش اكەلسىن.
ورتامىزعا بۇگىنگى كەشتىڭ يەلەرىن شاقىرايىق. (زالعا 11، 10 سىنىپ وقۋشىلارىن جاي مۋزىكا ىرعاعىمەن قولدارىنا بەنگال وتتارىن ۇستاپ كىرەدى، شىرشانى اينالىپ دوڭگەلەنىپ ۆالس بيلەيدى.)

1-جۇرگىزۋشى: ارمىسىزدار، وقۋشىلار، ۇستازدار،
ءبىلىم ىزدەپ، ينەمەن قۇدىق قازعاندار.
قۇشاق جايا قارسى الامىز سىزدەردى،
بي بيلەنىپ، سىزدەر ءۇشىن ءان دە بۇگىن شىرقالار.

2-جۇرگىزۋشى: حوش كەلىپسىز اق پەيىلدى، اتا-انام،
جۇزدەرىڭنەن مەيىرىم مەن نۇر تامعان.
الدارىڭدا جاۋقازىنداي قۇلپىرعان،
ءبىز الاڭسىز، بالعىن شاقتى ۇل-قىزدار.

1-جۇرگىزۋشى: تاۋسىلماسىن! اعىتىلسىن وي كوشى،
اعايىندار، قىسىلماستان سويلەشى.
اق تىلەكتى اعىتىپ ءبىر باستايىق،
بۇگىنگى كەش-جاڭا جىلدىڭ توي كەشى.

2-جۇرگىزۋشى: جۇزدەرىڭنەن كورەم شاتتىق ارايىن،
بولسىن سولاي ءاربىر كۇنىڭ، ءار ايىڭ.
تاۋسىلماسىن جاڭا جىلدىڭ دۋمانى،
قۇتتى بولسىن جاڭا جىلىڭ، اعايىن.

1-جۇرگىزۋشى: اتالى ءسوز-باتالى ءسوز.
اسقار تاۋدا اسىل كوپ، اتالى سوزدە اقىل كوپ،- دەمەكشى، ءسوز كەزەگىن ۇلكەن كىسىلەرگە بەرمەكپىز.

2-جۇرگىزۋشى: اعالار-اي، اق ءجۇزىن سامال وپكەن،
ەڭبەگىڭ عوي ەلىڭە باعالى ەتكەن.
ايانباي جاساپ جۇرگەن قىزمەتىڭىز
قامقورلىق دەپ بىلەمىز بىزگە ەتكەن،- دەي وتىرىپ، قۇتتىقتاۋ ءسوزدى __________________________________ اعايعا بەرمەكپىز.
ءان-شاشۋ «جاڭا جىل»
1-جۇرگىزۋشى: ءوز پەرزەنتىن اسىلىم مەن التىنىم، جاسىل جەلەك جارقىنىم، اسپانداعى جۇلدىزىم، ماڭدايداعى قۇندىزىم دەپ پەرزەنتىنىڭ تىلەۋىن تىلەيتىن اتا-اناعا بەرەلىك.

2-جۇرگىزۋشى: دۇنيەنىڭ جارىق كۇنى – انامىز،
جارىق كۇننەن قۋات العان سانامىز،- دەي كەلە، 10، 11سىنىپتاردىڭ اتا-انا كوميتەتىنىڭ ءتورايىمدارىنا ءسوز كەزەگىن بەرمەكپىز.
1-جۇرگىزۋشى: سىزدەردىڭ نازارلارىڭىزعا مەكتەپتىڭ كوركەمونەرپازدار ۇيىرمەسىنىڭ مۇشەلەرىنىڭ ورىنداۋىندا «اسىل اجەم».
2-جۇرگىزۋشى: جاڭا جىلدى باستايىق ءان مەن جىرمەن،
جىلان جىلىن اشايىق شاشۋ بيمەن.
ولاي بولسا كەزەكتى بيگە بەرىپ،
قوشەمەتپەن شاقىرايىق بيشىلەردى.
1-جۇرگىزۋشى: بي «قارا جورعا»، ورىندايتىن 10 سىنىپ وقۋشىلارى.
2-جۇرگىزۋشى: ال، كانەكي، تويعا كەلگەن حالايىق،
شالقىتايىق، شاتتىق انگە سالايىق.
ۇستازدار مەن اتا-انا جاراستى،
بالقىتا ءبىر بيلەپ-بيلەپ الايىق.
1-جۇرگىزۋشى: توقتا، توقتا، ءبىز الگى اياز-اتا مەن اقشاقاردى شاقىرىپ الايىق. قانە ءبارىمىز شاقىرايىق ولاردى: اۋ-ۋ-ۋ-ۋ-ۋ-ۋ، اياز-اتا...(اياز-اتا مەن اقشاقار كىرەدى. ولارمەن بىرگە سايقىمازاقتار، جاڭا جىل كەلەدى.)
كورىنىس.( ورىندايتىندار: سايقىمازاقتار، ەسكى جىل، جاڭا جىل، اياز-اتا، اقشاقار.)
2-جۇرگىزۋشى: قۇرمەتتى اياز-اتا، اقشاقار، جاڭا جىل، قوش كەلدىڭىزدەر! سىزدەردى كورمەگەلى ءبىر جىل بولدى، ساعىنىپ تا قالدىق. ءبىزدىڭ ءانشى، ءبيشى ۇل-قىزدارىمىز وزدەرىڭىزگە ونەرلەرىن كورسەتسىن، تورلەتىڭىزدەر.(بالالار ونەرلەرىن كورسەتەدى)
1-جۇرگىزۋشى: ەلدىڭ جىرىن جىرلاعان،
قايعىسىندا تولعاعان.
دومبىراسىز ەشقاشان
جۇرەككە ەم قونباعان.
ءان مەن ولەڭ، ءتاتتى كۇي
ءار جۇرەكتى قوزعاعان،- دەي كەلە، كەزەكتى كونسەرتتىك باعدارلاماعا بەرەلىك:
1. وقۋشىلار ءان، بي، ويىن، كورىنىس، پاروديا، كۇلكى كەرۋەن ورىندايدى.
2. لوتەرەيا ويىنى ويناتىلادى.
3. ديسكو-شوۋ.
2-جۇرگىزۋشى: ءبىز تىلەيمىز جاڭا جىلدا شاتتىقتى!
1-جۇرگىزۋشى: ءبىز تىلەيمىز جاڭا جىلدا باقىتتى!
2-جۇرگىزۋشى: ءبىز تىلەيمىز جاڭا جىلدا دوستىقتى!
1-جۇرگىزۋشى: تىلەيمىز ءبىز بارشاڭىزعا جاقسىلىق،- دەي كەلە، قۇرمەتتى حالايىق، جاسىل شىرشامەن قوشتاسايىق.
2-جۇرگىزۋشى: كورىسكەنشە كۇن جاقسى بولسىن، اعايىن! ساۋ بولىڭىزدار!

جاكاشيەۆا ۋلبال بەيسەنبايەۆنا
الماتى وبلىسى، رايىمبەك اۋدانى، جالاڭاش سەلوسى،
جامال ەرمەگيايەۆ اتىنداعى ورتا مەكتەپ
ورىس ءتىلى ءپانى ءمۇعالىمى تاربيە ءىسى جونىندەگى ورىنباسارى