InfoHub Logo

كلاسى: مەكتەپالدى دايارلىق توبى
تاربيە ساعات تاقىرىبى: «جاڭا جىلدا جاسىل شىرشا جانىندا»

جۇرگىزۋشى: سالەمەتسىزدەر مە، قۇرمەتتى جينالعان قاۋىم، اتا - انالار مەن ۇستازدار! بارشاڭىزعا جاڭا 2013 جىل جىلان جىلى قۇتتى بولسىن. وتباستارىڭىزعا بار جاقسىلىقتى تىلەي كەلە، بۇگىن مىنە، شىرشا جانىنا جينالىپ قالعان ەكەنبىز. بۇگىنگى مەرەكەلەرىڭىزبەن سىزدەردى قۇتتىقتايمىز. سىزدەرگە زور دەنساۋلىق، مول باقىت، اشىق اسپان تىلەيمىز. جاڭا جىلىمىز سىزدەرگە مول قۋانىش اكەلە بەرسىن، وسىلاي كىشكەنتاي بۇلدىرشىندەرىمىزدىڭ قىزىقتارىنا تويماي، كەلە بەرىڭىزدەر. بۇگىن بالالار سىزدەرگە ارناپ شاعىن ولەڭ، بي ءان جىرلارىن دايىندادى، اياز اتاعا دا ارناپ دايىنداعان ولەڭدەرى مەن اندەرى، بيلەرى بار.

جۇرگىزۋشى: بالالار، ءبىزدىڭ اياز اتامىز الىس ساپاردا ءجۇر ەكەن. ولار كەلگەنشە ءبىز ءبارىمىز بىرگە قوسىلىپ «شىرشا جىرىن» ايتايىقشى. سوندا اياز اتا ەستىپ، ءبىزدىڭ ەلدى - مەكەنگە كەلەدى.
ءان: «شىرشا جىرى»
جۇرگىزۋشى: جارايسىڭدار بالالار، الىستان اياز اتا مەن اقشاقار كەلە جاتقان سياقتى. قانە، ءبارىمىز اياز اتانى شاقىرايىقشى.
بالالار: اياز اتا ا - ۋ - ۋ - ۋ. از اتا ا - ۋ - ۋ - ۋ - ۋ. از اتا ا - ۋ - ۋ - ۋ - ۋ.
(اياز اتا مەن اقشاقار كەلەدى)
اياز اتا: اقشاقارىم، ءبىز ءانى مەن ءسانى جاراسقان، ۇل - قىزى ونەرلى، حالقىنىڭ بىرلىگى مول، بەرەكەلى ەلگە كەلگەن ەكەنبىز.
مەن وتە قۋانىشتىمىن.
اق قىراۋعا مالىنعان،
ساقالى دا مۇرتىم دا
اياز اتا ساعىنعان
سالەم بەرەم جۇرتىما.
اقشاقار: ءيا، اياز اتا بۇل ءوزىمىزدىڭ ساعىنا كورۋگە اڭساعان سارات ەلدى مەكەنىندەگى سارات ورتا مەكتەبىنىڭ ءبىلىم ورداسىنىڭ شىرشا تويى ەكەن.

جۇرگىزۋشى: بالالار ءقازىر الەمگە ساياحاتقا شىعامىز. مۇندا ءبىز ءار ەلدىڭ جاڭا جىلدى قارسى الۋ داستۇرىمەن تانىسامىز، جانە بىزدە سول داستۇرلەرى بويىنشا ونەر كورسەتەمىز. كەلىستىكپە بالالار؟!
بالالار: يا، كەلىستىك

جۇرگىزۋشى: ءبىرىنشى ءبىز وزبەك ەلىنە بارامىز. وزبەك ەلىندە تاڭەرتەڭ ەرتە تۇرىپ، وزدەرىن رەتكە كەلتىرىپ، كارناۆالدىق كوستيۋمدەرىن كيىپ، حالىق كوشەگە جينالىپ ءوز ونەرلەرىن كورسەتەدى. مىسالى: اس پىسىرەدى، انشىلەر ءان ايتادى، بيشىلەر بي بيلەيدى ەكەن. ەندەشە بىزدە وزبەك بيىنە كەزەك بەرەيىك.

بي: «وزبەك» (كەسەمەن)
جۇرگىزۋشى: بالالار ال كورشىلەس رەسەيدە جاڭا جىلدا اياز اتا مەن اقشا قاردى كۇتەدى ەكەن. سولارمەن ءان ايتىپ، بي بيلەپ، جارىستار ۇيىمداستىرادى. قانە، ءبىز دە كورشىلەس حالقىمىزدىڭ اۋەنىنە سالىپ، ءبىراز سەرپىلىك الايىق.

بي: «ورىس ءبيى»
جۇرگىزۋشى: ال انگليادا ءارتۇرلى جاستاعى ادامدار تۇندە ۇيدە تۇرعان بيىك زاتتاردىڭ ۇستىنە شىعىپ الىپ، تومەن قاراي سەكىرەدى ەكەن. ولاردا باستى كەيىپكەر سىرنايشى بولادى. سىرنايشىعا كەلىپ، بەتىنە كۇيە جاعۋ كەرەك. سىرنايشى ۇستاتپاي قاشۋ كەرەك، اياز اتا ءۇيدى ارالاپ ءجۇرىپ سىيلىقتار تاراتادى. قايتارىمىنا بالالار ءان ايتىپ، بي بيلەيدى. ەندەشە كەلەسى كەزەكتە ديانا مەن ساعاداتتىڭ اعىلشىن بيىنە كەزەك بەرەيىك.

بي: اعىلشىن ءبيى، عاريفوللا ۇلى ساعادات پەن جونىس قىزى ديانا
جۇرگىزۋشى: تۇركيادا جاڭا جىلدىڭ قارساڭىندا بالانىڭ ويىنشىقتارى سورەدەن جوق بوپ كەتەدى ەكەن. ولاردىڭ سالتىندا، مۋزىكا اسپاپتارىنىڭ ۇنىمەن جاماندىقتى قۋىپ، ۇيگە قۋانىش شاقىرادى ەكەن. ەندەشە، تۇرىك بيىنە كەزەك بەرەمىز.

بي: «تۇرىك ءبيى»
جۇرگىزۋشى: ولەڭ دە ءازىر، ءان دە ءازىر،
ويىن دا ءازىر، ءبارى ءازىر.
كەل، جاڭا جىل بىزدەرگە.
كەل، جاڭا جىل، جاڭا جىل – دەي وتىرا، اتا - انالار اراسىنان 3 اتا - انانى ورتاعا شاقىرىپ، ويىن وينايمىز. ولار: گۇلدانا، قىمبات، التىنسارى دەگەن اپايلار
ويىن «كەل، بي بيلەيىك» (ستولمەن بي) دەپ اتالادى.
ويىن شارتى مىناداي: ورتاعا شىعىپ، ءار ۇلتتىڭ ءبيىن ىرعاعىنا ساي ەتىپ بيلەۋ كەرەك. مۋزىكا اۋەنى توقتاعانشا بيلەۋ كەرەك. مۋزىكا سونگەن كەزدە ستولعا وتىرىپ ۇلگەرۋىمىز كەرەك. ويىنعا اياز اتا تورەلىك ەتەدى. (ورتاعا 4 اتا - انا شىعادى. ويىن وينالادى)

جۇرگىزۋشى: راحمەت، سىزدەرگە كوپ - كوپ. جەڭىمپازىمىزدى قۇتتىقتايمىز.
قۋانىش پەن شاتىققا كەنەلەيىك،
جادىراپ ءان شىرقاپ تەربەلەيىك.
تورلەت، تورلەت حالقىمنىڭ قۇتتى جىلى،
ءبارىمىز دوڭگەلەنە بي بيلەيىك – دەي كەلە، ەندىگى كەزەكتى نۇرداۋلەت پەن اقنيەتتىڭ وزبەك بيىنە بەرەمىز. قارسى الىڭىزدار!

بي: «وزبەك ءبيى»
جۇرگىزۋشى: باستالاردا جاڭا نۇر،
قۇيىلادى جاڭا نۇر.
جۇرەككە ارمان بولەگەن،
قوش كەلىپسىڭ، جاڭا جىل، - دەي كەلە، كەزەكتى انگە بەرەمىز. اليحان قىزى ارۋجان «ەرتەگىلەر» انىمەن ورتادا قارسى الىڭىزدار!
ءان: «ەرتەگىلەر ەلىندە»
جۇرگىزۋشى: بالالار ەندى ءبارىمىز بىرگە شىرشانى اينالىپ اياز اتا ءبيىن بيلەيىك.

بي: «اياز اتا» ءبيى.
ەسكى جىل: (ارۋجان)
ساۋ بولىڭدار، بالالار،
كەلەشەگى حالقىمنىڭ.
اشىق بولسىن اسپانىڭ
امان بولسىن جاس - كارىڭ.
جاڭا جىلىم باقىتتى،
امانات قىپ بارامىن
بالالاردىڭ ءبىر جىلعى
ساۋىق - دۋمان كەشتەرىن.
جاڭا جىل: (ەرسۇلتان)
جاقسىلىققا باعىتتالعان،
بولامىن مەن جاڭا جىل.
جاڭا جىلعا ءبارىڭىز،
جاڭا ۇمىتپەن قاراڭىز.
قابىل الدىم امانات،
جاسامايمىن مەن اركەز.
اماناتقا قيانات.

اياز اتا: بالالار، ەندى ءبىزدىڭ كەتەتىن ۋاقىتىمىز كەلدى. ءبىز سىزدەرمەن قوشتاسامىز. قوش ساۋ بولىڭدار بالالار!
جۇرگىزۋشى: قانە، ەندى بالالار ءبارىمىز كوزىمىزدى جۇمايىق، كوزىمىزدى مەن ايتقانشا اشپايمىز. كەلىستىك پە بالالار؟!
جۇرگىزۋشى: ءبىزدىڭ وقۋشىلارىمىز اياز اتاعا حات جازعان ەدى، سول حاتتارى بويىنشا اياز اتا تىلەكتەرىن ورىنداپ، بىزگە سىيلىق تاستاپ كەتىپتى. قانە تاراتىپ بەرەيىك.
(مۋزىكا وينالادى، شىرشا استىنداعى سىيلىقتار تاراتىلادى).

جۇرگىزۋشى: ەرلەرىم، ەل نامىسىن ءتۇيىپ بەلگە،
كەلەدى قولىم جەتىپ بيىكتەرگە.
تىلەگى قابىل بولىپ ەلباسىنىڭ،
جاڭا جىل قۇت بوپ كەلسىن سۇيىكتى ەلگە! – دەي كەلە، بۇگىنگى مەكتەپ الدى دايارلىق توپ وقۋشىلارىنىڭ دايىنداعان جاڭا جىلدىق كەشىمىز اياقتالدى. قۇرمەتتى كورەرمەندەر كەلگەندەرىڭىزگە كوپ - كوپ راحمەت. ءبىز سىزدەرمەن قوشتاسپايمىز، تەك كەلەسى كەزدەسكەنشە دەيمىز. ساۋ بولىڭىزدار!