جاڭا مەتەورولوگيالىق سپۋتنيك جارتى شاردى تولىقتاي سۋرەتكە تۇسىرە الادى
2017 جىلى جەردەن 36 000 كيلومەتر بيىكتىكتە وربيتادان تۇسىرىلگەن العاشقى سۋرەتتەر. سۋرەتتەردى مۇحيت جانە اتموسفەرالىق زەرتتەۋلەر ۇلتتىق باسقارماسى جاريالاعان.
GOES-16 سپۋتنيگى ءار 15 مينۋت سايىنتۇتاستاي جارتى شاردى جوعارى ساپادا تۇسىرە الادى. ول عالىمدار مەن مەتەورولوگتارعا اۋا رايىن باقىلاپ، تابيعات اپاتىن جوعارى دالدىكپەن الدىن الا بولجاۋعا مۇمكىندىك بەرەدى.
كاريب ارالدارى جانە اقش-تىڭ وڭتۇستىك-شىعىس بولىگى.
GOES-16 سپۋتنيگى سۋرەتتەرىنىڭ ساپاسى ءدال وسى سەريا سپۋتنيكتەرى تۇسىرگەن فوتوسۋرەتتەردەن 4 ەسە جوعارى بولسا، جۇمىس ىستەۋ جىلدامدىعى 5 ەسە ارتىق.
قازىرگى ۋاقىتتا سپۋتنيك جەر بەتىنەن 36 000 كيلومەتر بيىكتىكتە. ءدال وسى سەبەپتى ول ءبىزدىڭ عالامشارىمىزدى بۇتىندەي سۋرەتكە تۇسىرە الادى.
سالىستىرما ءۇشىن، حالىقارالىق عارىش ستانسياسى 400 كيلومەتر بيىكتىكتە ورنالاسقان.
GOES-16 سپۋتنيگى 2016 جىلى قاراشا ايىنىڭ 19 جۇلدىزىندا كاناۆەرال مۇيىسىندەگى عارىش ايلاعىنان ۇشىرىلىپ، ەكى اي كولەمىندە جۇمىسقا جارامدىلىعى تەكسەرىلگەن.
ەندى ول ءبىر جىل بويى سىناق مەرزىمىنەن وتكىزىلمەك. مەجەلى ۋاقىت جەتكەننەن سوڭ، سپۋتنيكتىڭ قاي جەردە اناعۇرلىم ءتيىمدى بولارى انىقتالىپ، جاڭا وربيتاعا اۋىستىرادى.
بۇل 16 پانەلدى سۋرەت اقش-تىڭ كونتينەنتتىك بولىگىن ەكى انىق كانالدا، ءتورت جاقىن ينفراقىزىل وبلىستا جانە نەگىزگى وبلىستىڭ 10 ينفراقىزىل كانالىندا كورسەتەدى. بۇل كانالدار بۇلت اتموسفەراداعى سۋ بۋى، ءتۇتىن، مۇز نەمەسە جانارتاۋ كۇلىن انىقتاۋعا مۇمكىندىك بەرەدى.
You Might Also Like
-
ۇيىمداستىرىلعان وقۋ ىس-ارەكەتىنىڭ تەحنولوگيالىق كارتاسى
-
استانا قالاسىنىڭ اكىمى اسەت يسەكەشيەۆتىڭ تاپسىرماسىمەن قالادا بالاباقشالاردىڭ قىزمەتىن تولىق تەكسەرۋ ماقساتىندا ارنايى كوميسسيا قۇرىلدى، دەپ حابارلايدى استانا اكىمدىگىنىڭ باسپا ءسوز قىزمەتى.
