ەلوردادا بالاباقشالاردىڭ قىزمەتىن تەكسەرۋ ماقساتىندا ارنايى كوميسسيا قۇرىلدى
استانا قالاسىنىڭ اكىمى اسەت يسەكەشيەۆتىڭ تاپسىرماسىمەن قالادا بالاباقشالاردىڭ قىزمەتىن تولىق تەكسەرۋ ماقساتىندا ارنايى كوميسسيا قۇرىلدى، دەپ حابارلايدى استانا اكىمدىگىنىڭ باسپا ءسوز قىزمەتى.
2017 جىلعى 31 قاڭتار كۇنى كەشكە الەۋمەتتىك جەلىلەردى پايدالانۋشى جاننا شاپەنوۆا استانالىق ءبىلىم بەرۋ قىزمەتكەرلەرىنە ءوزىنىڭ بۇيىمتايىن بىلدىرگەن. وندا №77 «قوشاقان» مەملەكەتتىك بالاباقشاسىنىڭ سۋرەتتەرى جۇكتەلگەن.
«قازىرگى كەزدە بارلىق ەسكەرتۋلەر جويىلدى. بۇگىن 2 اقپان كۇنى اتالمىش بالاباقشادا كوميسسيا جۇمىسىنىڭ ناتيجەلەرى بويىنشا جالپى اتا-انالار جينالىسى وتەدى. بالاباقشانىڭ قىزمەتكەرلەرى ءۇشىن بولەك جينالىس ۇيىمداستىرىلادى»، - دەپ اتاپ ءوتتى استانا قالاسى ءبىلىم باسقارماسىنىڭ باسشىسى قاسىمحان سەنعازىيەۆ.
ايتا كەتەيىك، 2016 جىلدىڭ قازان ايىنان بەرى استانادا سەنىم تەلەفوندارى قىزمەت ەتەدى.
ەگەر ءسىز نەمەسە ءسىزدىڭ بالالارىڭىز استانا قالاسىنىڭ ءبىلىم بەرۋ ۇيىمدارىندا اكىمشىلىكتىڭ نەمەسە وقۋشىلاردىڭ تاراپىنان زاڭعا قايشى ارەكەتتەرگە (مەكتەپتىڭ قاجەتتىلىگىنە اقشا جيناۋ، بالاعا مەكتەپتەگى قاتارلاستارىنىڭ كۇش كورسەتۋى، مەكتەپ اۋماعىندا تەمەكى ونىمدەرىن جانە ت.ب. ساتۋ) تاپ بولساڭىز، مۇنداي جاعدايلاردى نازارسىز قالدىرماۋدى سۇرايمىز.
شاعىمداردىڭ كەز كەلگەن فاكتىلەرى (بالاباقشا، مەكتەپ، كوللەدج) بويىنشا استانا قالاسى ءبىلىم باسقارماسىنىڭ «جەدەل جەلى» تەلەفوندارىنا حابارلاسىڭىز: 55-01-62، 8-778-255-01-62.
جۇمىس ۋاقىتى - س 9:00 دو 19:00، تۇسكى ءۇزىلىس 13:00-14:30.
You Might Also Like
-
2017 جىلى جەردەن 36 000 كيلومەتر بيىكتىكتە وربيتادان تۇسىرىلگەن العاشقى سۋرەتتەر. سۋرەتتەردى مۇحيت جانە اتموسفەرالىق زەرتتەۋلەر ۇلتتىق باسقارماسى جاريالاعان.
-
تومەن تەمپەراتۋرادا بۇزىلىپ قانا قويماي، پايدالى قاسيەتتەرىن جوعالتىپ، ءتۇرى مەن ءدامى وزگەرەتىن ونىمدەر بار. بۇل ورايدا توڭازىتقىشتا ساقتاۋعا بولمايتىن ازىق-تۇلىك ءتىزىمىن ۇسىنامىز.
