جاڭا وقۋ جىلىندا استانادا مەكتەپ اۆتوبۋستارى قاتىناي باستايدى
استانا. قازاقپارات - «Astana School Bus» جوباسىن جۇزەگە اسىرۋ اياسىندا 2016-2017 وقۋ جىلىندا استانادا مەكتەپ اۆتوبۋستارى قاتىناي باستايدى.
بۇل تۋرالى «قازاقپارات» حالىقارالىق اقپارات اگەنتتىگىنە بەرگەن رەسمي ساۋالىندا «استانا LRT» اق ءمالىم ەتتى.
ەسكە سالا كەتەيىك، قالا اكىمدىگىنىڭ تاپسىرىسى بويىنشا «Astana School Bus» جوباسىن «استانا LRT» جۇزەگە اسىرۋدا.
«قازىرگى ۋاقىتتا قالادا جالپى ءبىلىم بەرەتىن 94 مەكتەپ جۇمىس جاساۋدا، وندا 117 مىڭنان ارتىق وقۋشى وقيدى، ونىڭ شامامەن 40%-ى جەكە، سونداي-اق قوعامدىق كولىكپەن مەكتەپكە بارادى، بۇل قالا جولىنىڭ تولى بولۋىنا سەبەپ بولىپ تابىلادى. وسىعان بايلانىستى ەلورداعى مەكتەپ تاسىمالدارىن ەنگىزۋ جوباسىن ازىرلەۋ بويىنشا جۇمىس جۇرگىزىلۋدە»، - دەلىنگەن رەسمي جاۋاپتا.
ونىڭ باستى ماقساتى - وقۋشىلاردى تاسىمالداۋ قاۋىپسىزدىگىن قامتاماسىز ەتۋ، قالاداعى كولىك جاعدايىن جاقسارتۋ، مەكتەپتەردەن الىس تۇراتىن وقۋشىلار ءۇشىن جاعداي جاساۋ.
«بۇگىنگى تاڭدا جۇمىس جاساپ جاتقان مەكتەپ تاسىمالدارىنا تالداۋ جاسالدى، وقۋشىلاردىڭ اتا-انالارى اراسىندا ساۋالناما جۇرگىزىلدى، ولاردىڭ مەكتەپ تاسىمالدارىنا جانە جول ءجۇرۋ كوررەسپوندەنسياسىنا دەگەن پىكىرى انىقتالدى، سونداي-اق حالىقارالىق تاجىريبە جان-جاقتى زەرتتەلدى. باعدار تورابىن ازىرلەۋ جانە ۇلتتىق ستاندارتتار مەن كەدەندىك ستاندارتتارعا سايكەس كەلەتىن جىلجىمالى قۇرام سانىن انىقتاۋ بويىنشا جۇمىس جاسالۋدا. بۇل جوبانى ەنگىزۋ 2016 جىلدىڭ قىركۇيەگىنە جوسپارلانعان»، - دەپ جازادى «استانا LRT» كومپانياسى.
You Might Also Like
-
مەكتەپ باسشىسى اقمارال اسقار قىزىنىڭ اياق استىنان كىتابى جوعالىپ كەتتى. ءسىرا، مەكتەپ باسشىلارى ءۇشىن اسا قاجەتتى دۇنيەسىن قويعان جەرىنەن تابا الماي قالسا كەرەك. دەرەۋ جان-جاعىندا تۇرعان مۇعالىمدەرىنەن...
