جاڭا ق ر ءبىلىم جانە عىلىم ۆيسە-مينيسترى تاعايىندالدى
بۇگىن قازاقستان رەسپۋبليكاسى ءبىلىم جانە عىلىم ءمينيسترى ەرلان ساعادييەۆ جاڭا تاعايىندالعان ۆيسە-مينيستر اسلانبەك ءامريندى مينيسترلىك ۇجىمىمەن تانىستىردى، دەپ حابارلادى ۆەدومستۆونىڭ باسپا ءسوز قىزمەتىنەن.
اسلانبەك كەمەڭگەر ۇلى امرين 1982 جىلدىڭ 13 ناۋرىزىندا سولتۇستىك قازاقستان وبلىسى سوۆەت اۋدانىنا قاراستى سميرنوۆ اۋىلىندا دۇنيەگە كەلدى.
م.قوزىبايەۆ اتىنداعى سولتۇستىك قازاقستان مەملەكەتتىك ۋنيۆەرسيتەتىن (2003 ج.، «قارجى جانە اۋديت»)، ل.گۋميليەۆ اتىنداعى ەۋرازيا ۇلتتىق ۋنيۆەرسيتەتىن (2006 ج.، «گەواقپاراتتىق جۇيەلەر»)، «بولاشاق» باعدارلاماسىمەن University of Illinois at Urbana - Champaign، (2012 ج.، «تەحنولوگيالاردى باسقارۋ») وقىپ ءبىتىردى.
2003-2005 جج. «KITEX» ج ش س جەكە يننوۆاسيالىق كومپانياسىندا، «جاڭا تەحنولوگيا مەن ماتەريالداردى ەنگىزۋ ورتالىعى» ج ش س؛ «قازاقستاندىق يننوۆاسيالىق تەحنولوگيا» اق ەڭبەك ەتتى.
2005-2010 جج. ارالىعىندا ق ر پرەمەر-مينيستر كەڭسەسىنىڭ الەۋمەتتىك-مادەني دامۋ ءبولىمىنىڭ ساراپشىسى، يندۋستريالدى-يننوۆاسيالىق دامۋ ءبولىمىنىڭ باس ساراپشىسى جانە مەڭگەرۋشىسىنىڭ ورىنباسارى قىزمەتتەرىن اتقارعان.
2012-2015 جج. - «تەحنولوگيالىق دامۋ جونىندەگى ۇلتتىق اگەنتتىك» اق باسقارما ءتوراعاسىنىڭ ورىنباسارى، 2015-2016 جج. - «TIMWE International» حالىقارالىق تەلەكوممۋنيكاسيالىق كومپانيانىڭ قازاقستان بويىنشا باس مەنەدجەرى.
2016 جىلدىڭ 26 تامىزىندا ق ر ۇكىمەتى قاۋلىسىمەن ق ر ءبىلىم جانە عىلىم ۆيسە-مينيسترى بولىپ تاعايىندالدى.
You Might Also Like
-
كوپ كوپ كۇلىمدە! كۇلىمدەگەنگە شىعىن كەتپەيدى، ءبىراق قۇن جەتپەس جەتىستىكتەرگە جول اشادى.
