نۇرسۇلتان نازاربايەۆ استاناداعى جاڭا مەكتەپ-ليسەيدە بولدى
مەملەكەت باسشىسى نۇرسۇلتان نازاربايەۆ استاناداعى №84 مەكتەپ-ليسەيدە بولدى.
بۇل تۋرالى اقوردانىڭ باسپا ءسوز قىزمەتىنەن حابارلادى.
ەلباسى مەكتەپتىڭ وقۋ سىنىپتارىن ارالاپ، مۇعالىمدەرمەن اڭگىمەلەستى.
نۇرسۇلتان نازاربايەۆ جينالعانداردى جاڭا مەكتەپتىڭ اشىلۋىمەن قۇتتىقتاپ، تاۋەلسىزدىك جىلدارىندا ءبىلىم بەرۋ سالاسىن دامىتۋ جانە قاجەتتى ينفراقۇرىلىمدى قالىپتاستىرۋ ءۇشىن مەملەكەت كوپ كۇش-جىگەر جۇمساعانىن اتاپ ءوتتى.
- كوپتەگەن جاستارىمىز شەت ەلدەردە ءبىلىم الۋدا، بۇل جىلداردا ەلىمىز بويىنشا 1700-دەن استام مەكتەپ، سونىڭ ىشىندە زياتكەرلىك مەكتەپتەر اشىلدى. بيىل 60 جاڭا وقۋ ورنىن اشۋ جوسپارلانۋدا. وسى قادامدار جاس ۇرپاقتىڭ وسىپ-وركەندەۋى مەن ەلىمىزدىڭ بولاشاعى ءۇشىن جاسالىپ وتىر. بۇل مەكتەپ شەيح حاليفپەن كەلىسىم نەگىزىندە سونىڭ قاراجاتى ەسەبىنەن سالىندى. سول ءۇشىن وعان العىس ايتامىن، - دەدى قازاقستان پرەزيدەنتى.
جالپى اۋدانى 14 مىڭ شارشى مەتر بولاتىن، 1200 وقۋشىعا لايىقتالعان جاڭا مەكتەپتىڭ 48 وقۋ كابينەتى بار. ءبىلىم بەرۋ قازاق جانە ورىس تىلدەرىندە ەكى اۋىسىم بويىنشا جۇزەگە اسىرىلادى.
وقۋ ورنىنىڭ ينفراقۇرىلىمى 30 ورىندىق وقۋ زالى بار كىتاپحانانى، 360 ورىندىق ءماجىلىس زالىن، سپورت زالىن، جۇگىرۋ جولاعىن، سونداي-اق فۋتبول، باسكەتبول، ۆولەيبولمەن اينالىسۋعا ارنالعان الاڭداردى قامتيدى.
You Might Also Like
-
وقۋشىلار دەنە ءبىتىمى، زەرەكتىك، سەزىمتالدىق قاسيەتتەرى مەن قابىلەتتەرى جاعىنان بىر-بىرىنەن وزگەشە بولىپ كەلەدى. ءبىر وقۋشىنىڭ ءوز ەركىمەن جانە جىلدام ۇيرەنگەن ءبىر ءدارىسى باسقا وقۋشىعا قيىنعا سوعۋى ءمۇ...
