InfoHub Logo

ءبىلىم بەرۋ جۇيەسىنىڭ باستى مىندەتى – جەكە تۇلعانىڭ ۇلتتىق جانە جالپىادامزاتتىق قۇندىلىقتار نەگىزىندە قالىپتاسۋى مەن دامۋى جانە ونىڭ كاسىبي جەتىلۋى ءۇشىن قاجەتتى جاعداي جاساۋ؛ بالانىڭ تاربيەلەنۋ، ءبىلىم الۋ جانە جان - جاقتى قالىپتاسۋ، انا ءتىلىن، ۇلتتىق سالت داستۇرلەردى ساقتاۋ، اقپاراتتانۋ، دەنساۋلىعىن نىعايتۋ سياقتى قۇقىقتارىن ىسكە اسىرۋ بولىپ تابىلادى.
قازىرگى ءبىلىم بەرۋ ۇدەرىسىندە جەكە تۇلعانىڭ رۋحاني - ادامگەرشىلىك دامۋىنا ۇلكەن ءمان بەرىلۋىنە وراي، ادامگەرشىلىككە تاربيەلەۋ مەن رۋحاني جاعىنان قالىپتاسۋى بارلىق تاربيە ۇدەرىسىنىڭ وزەگى بولىپ وتىر.

قازاقستان رەسپۋبليكاسىندا ءبىلىم بەرۋدى دامىتۋدىڭ 2011 - 2020 جىلدارعا ارنالعان مەملەكەتتىك باعدارلاماسىنداعى باستى مىندەتتەردىڭ ءبىرى – جالپى ءبىلىم بەرەتىن مەكتەپتەردە قازاقستان رەسپۋبليكاسىنىڭ زياتكەرلىك، دەنە ءبىتىمى جانە رۋحاني دامىعان ازاماتىن قالىپتاستىرۋ، تەز وزگەرەتىن الەمدە ونىڭ تابىتسى بولۋىن قامتاماسىز ەتەتىن ءبىلىم الۋداعى قاجەتتىلىگىن قاناعاتتاندىرۋ.

فەنومەنولوگيالىق نەمەسە گۋمانيستتىك پاراديگمادا جەكە تۇلعانىڭ ىشكى دۇنيەسىن دامىتۋ، ونى ەرىكتى، رۋحاني جەكە ادام رەتىندە تانۋ جانە ادامدارمەن ءتىل تابىسۋىندا ەرەكشەلەنۋ قابىلەتتەرىن جەتىلدىرۋ قاراستىرىلادى. ءبىلىمنىڭ گۋمانيتارلىق پاراديگماسىنىڭ دىڭگەگى – وقۋشى ەمەس، دايىن ءبىلىمدى مەڭگەرۋدەگى اقيقاتتى ءتۇسىنۋشى ادام. مۇندا وقۋشى مەن ءمۇعالىم اراسىنداعى قارىم - قاتىناس: ىنتىماقتاستىق، ءوزارا جاۋاپكەرشىلىك، ءوز پوزيسياسىن ەركىن تاڭداۋ جاعدايىندا ديالوگتىك ۇستانىمدا ءوربيدى.

رۋحاني – ادامگەرشىلىك داعدارىس بۇگىن جاھاندىق ماسەلەلەردىڭ ءبىرى بولىپ سانالادى. سوندىقتان، قازىرگى كەزدە بۇكىل الەم جالپىادامزاتتىق قۇندىلىقتار بويىنشا جاڭا ءبىلىم باعدارلامالارىن ىزدەستىرۋ ۇستىندە. جاپونيانىڭ ءبىلىم بەرۋ جۇيەسى نەگىزىندە جوعارى ادامگەرشىلىكتى تۇلعا تاربيەلەۋگە باعىتتالعان كۋرس الىنعان. فرانسيادا «ونەر ارقىلى تاربيەلەۋ» تۇجىرىمداماسى تابىسى جۇزەگە اسىرىلۋدا. ليتۆادا رۋحاني – ادامگەرشىلىك ءبىلىم بەرۋ بويىنشا كۋرس مىندەتتى ءپان بولىپ تابىلادى. فينليانديادا ادامدار اراسىنداعى قارىم – قاتىناستار مەن رۋحانيلىقتى دامىتۋ، قوعامدىق قارىم – قاتىناستار مەن رۋحانيلىقتى دامىتۋ، قوعامدىق قارىم – قاتىناستار مەن ازاماتتىق ادەپ وقىتىلادى.

ءبىزدىڭ ەلىمىزدە «ءوزىن – ءوزى تانۋ» رۋحاني – ادامگەرشىلىك ءبىلىم بەرۋ باعدارلاماسى جۇزەگە اسىرىلۋدا.
«ءوزىن – ءوزى تانۋ» رۋحاني – ادامگەرشىلىك ءبىلىم بەرۋ يدەياسىنىڭ اۆتورى – سارا الپىس قىزى وسىنداي ماڭگىلىك ساۋالدارعا جاۋاپ ىزدەۋدە: «جالپىادامزاتتىق قۇندىلىقتارعا، ءوزىڭىڭ باستاۋىڭا قايتا ورالۋىڭ كەرەك. قازىرگى ءبىلىم بەرۋ جۇيەسىندەگى شەكتەن تىس تالاپتاردى ەمەس، ءومىر ادەبىن قايتا جاڭعىرتۋ كەرەك. حالىق ەرتە زاماننان وسى قۇندىلىقتاردى ءبىلىپ، وسى قۇندىلىقتارمەن ءومىر ءسۇرىپ، رۋحانيلىقتىڭ كاۋسارىمەن سۋسىنداپ كەلدى. ءبىراق، كەيىنگى ونجىلدىقتاعى ءومىردىڭ الاساپىران اعىمىندا ادام ءوزىنىڭ باستاۋىن ۇمىت قالدىردى. وعان اپارار جولدى ىزدەۋ ءار ادامنىڭ مىندەتى ەكەندىگىنە مەن سەنىمدىمىن»، - دەگەن.