InfoHub Logo

ماقساتى: بالالاردىڭ ءۇي جانۋارلارى مەن جابايى اڭدار تۋرالى تۇسىنىكتەرىن تەرەڭدەتۋ. ولاردىڭ تۇرلەرىن ءبىر – بىرىنەن اجىراتۋعا، اڭگىمەنى مۇقيات، زەيىن قويىپ تىڭداۋعا ۇيرەتۋ. ءۇي جانۋارلارىنىڭ بىزگە تيگىزەر پايداسىن ايتۋ جانە ولاردى كۇتىپ باپتاۋعا، قورعاپ قامقورلىق جاساۋعا تاربيەلەۋ. ءۇي جانۋارلارىنا بايلانىستى تاقپاق، ماقال – ماتەلدەردى قايتالاي وتىرىپ، سۇراق – جاۋاپ ارقىلى ءتىل بايلىعىن دامىتۋ. جابايى جانۋارلاردىڭ كەيبىر ەرەكشەلىكتەرىن سالىستىرۋ؛ مەكەنى، قورەكتەنۋى تۋرالى تۇسىنىك بەرۋ، نەلىكتەن جابايى دەپ اتالاتىنىن ءتۇسىندىرۋ. اڭداردىڭ مىنەز قۇلقىن بەينەلەيتىن اڭگىمە ارقىلى بالالاردى انىق سويلەۋگە ۇيرەتۋ.
ءادىس ءتاسىل: ءتۇسىندىرۋ، اڭگىمەلەۋ، ويىن، سۇراق – جاۋاپ، ساحنالاۋ.
كورنەكىلىك: ءۇي جانە جابايى جانۋارلاردىڭ سۋرەتى، ءۇيدىڭ ماكەتى، جانۋارلار كيىمى.

ساباقتىڭ بارىسى:
بالالار، ءقازىر جىلدىڭ قاي مەزگىلى؟ قىس مەزگىلىندە نەشە اي بولادى؟ اي اتتارىن اتايىقشى؟ قىستا نە جاۋادى؟ قاردان نە جاساپ وينايمىز؟
جارايسىڭدار بالالار، ءبىزدىڭ بۇگىنگى تانىساتىن جاڭا تاقىرىبىمىزدىڭ اتى «جانۋارلار تۋرالى جالپى ۇعىم» دەگەن. بالالار، جانۋارلاردى بىلەسىڭدەر ما؟ ولاردىڭ قانداي تۇرلەرىن بىلەسىڭدەر؟
بالالاردىڭ جاۋاپتارى.
بالالار جانۋارلار ەكىگە بولىنەدى؛ ءۇي جانۋارلارى جانە جابايى جانۋارلار بولىپ. ءۇي جانۋارلارىنا قانداي جانۋارلار جاتادى؟
سيىر، قوي، جىلقى، تۇيە، ەشكى، ت. ب.
دۇرىس ايتاسىڭدار، ەندى مىنا تاقتاداعى سۋرەتكە قارايمىز. مىناۋ نەنىڭ سۋرەتى؟ سيىردىڭ.
- دۇرىس ايتاسىڭدار، سيىردىڭ ادامدارعا پايداسى بار ما؟
- بار.
- قانداي پايداسى بار؟
- ءسۇتىن ىشەمىز، ەتىن جەيمىز.
- سۇتىنەن نە جاسالادى؟
- ايران، قۇرت، ىرىمشىك جاسالادى
- دۇرىس ايتاسىڭدار، سيىر قانداي دىبىس شىعارادى؟
- ءمو، ءمو، ءمو دەپ موڭىرەيدى.
- سيىردىڭ بالاسى قالاي اتالادى؟
- بۇزاۋ
- بۇزاۋ تۋرالى كىم تاقپاق ايتادى؟
- اۋكىم، اۋكىم، اۋكەشىم
قاسيىنشى اۋكەسىن
ەنەڭ انە كەلەدى
اق ماماسىن بەرەدى
جارايسىڭدار، ال مىناۋ نەنىڭ سۋرەتى؟
- قويدىڭ.
- قويدىڭ ادامعا پايداسى بار ما؟
- ەتىن جەپ، ءسۇتىن ىشەمىز، جۇنىنەن نەشە ءتۇرلى كيىمدەر توقۋعا بولادى. مىسالى؛ شۇلىق، قولعاپ، شارف، جەمپىر ت. ب.
- قوي قانداي دىبىس شىعارادى؟
- ءما، ءما، ءما
- قويدىڭ بالاسى قالاي اتالادى؟
- قوزى دەپ اتالادى.
- قوزى تۋرالى كىم تاقپاق ايتادى؟
- وزگەشە وڭدە، تاۋ قىرات
سىلق – سىلق كۇلگەن بال – بۇلاق
جاڭا تۋعان اق قوزىم
كوزىن اشتى ماۋجىراپ
ال مىناۋ نەنىڭ سۋرەتى؟
- تۇيەنىڭ
- تۇيەنى كورگەندەرىڭ بار ما؟ كىمنىڭ ۇيىندە تۇيە بار؟
بالالاردىڭ جاۋاپتارى.
تۇيەنىڭ قانداي پايداسى بار؟ بىلەسىڭدەر ما؟
ەتىن جەپ، ءسۇتىن ىشەمىز. ال جۇنىنەن كورپە جاسالادى. تۇيەنىڭ جۇنىنەن جاسالعان كورپە وتە جەڭىل ءارى جەڭىل بولادى.
- تۇيەنىڭ ءسۇتى قالاي اتالادى؟
- شۇبات
- بالالار، شۇبات ادام دەنساۋلىعىنا وتە پايدالى.
- تۇيە قانداي دىبىس شىعارادى؟
- ءباا، ءباا، ءباا.
- تۇيەنىڭ بالاسى قالاي اتالادى؟
- بوتا
- بوتا تۋرالى كىم تاقپاق ايتادى؟
قارا كوزىڭ مولدىرەپ
قىزىقتىرماي قويمايدى
جىبەك ءجۇنىڭ ۇلبىرەپ
قاراسام كوز تويمايدى