جاستار جىلى: ۆۋندەركيند ابزال مىرزاش كومپيۋتەرلىك تەحنيكالار جاسايتىن كاسىپورىن اشپاقشى
بۇگىن استانادا جاستار جىلىنىڭ اشىلۋىنا ارنالعان شارادا قازاقستانداعى ەڭ جاس ستۋدەنت ابزال مىرزاش ق ر پرەزيدەنتى نۇرسۇلتان نازاربايەۆقا الداعى جوسپارلارى تۋرالى ايتىپ بەردى.
«مەن دە ەلىمىزدىڭ شىنايى پاتريوتى رەتىندە قازاقستاننىڭ الدىڭعى قاتارلى وزىق تەحنولوگياسى بار، عىلىمى مەن ەكونوميكاسى دامىعان وركەنيەتتى 30 ەلدىڭ قاتارىندا بولۋىنا ءوز ۇلەسىمدى قوسقىم كەلەدى. سوندىقتان الداعى ۋاقىتتا قازاق-بريتان تەحنيكالىق ۋنيۆەرسيتەتىن بىتىرگەن سوڭ، اقش-تاعى ماسساچۋسەتس تەحنولوگيا ينستيتۋتىنىڭ ماگيستراتۋراسىندا جانە دوكتورانتۋراسىندا وقۋدى جالعاستىرىپ، اقپاراتتىق تەحنولوگيامەن بىرگە، نانوتەحنولوگيانى مەڭگەرىپ، قازاقستاننىڭ عىلىمىنا ءوز ۇلەسىمدى قوسامىن دەگەن ۇلكەن ماقساتىم بار»، - دەدى ابزال مىرزاش.
سونىمەن قاتار ول ەلىمىزدە كومپيۋتەرلىك تەحنيكانى جانە ونى جابدىقتايتىن قۇرالداردى، روبوتوتەحنيكانى، نانوروبوتتاردى جاسايتىن ۇلكەن كاسىپورىن اشۋعا نيەتتى ەكەنىن ايتتى.
«قۇرمەتتى نۇرسۇلتان ءابىش ۇلى! ءسىز ۇنەمى لاتىن قارپىنە كوشۋ تۋرالى ايتىپ كەلەسىز. ويكەنى لاتىن الىپبيىنە كوشۋ - ىت-تەحنولوگيالىق پروگرەستەن قالىس قالماۋعا، ەڭ باستىسى، قازاق ءتىلىن جاڭعىرتۋعا جاعداي تۋعىزادى. سوندىقتان ۇسىناتىن ەكى جوبام بار. ءبىرىنشى جوبامدا كومپيۋتەردىڭ پەرنەتاقتاسىنا ىڭعايلاپ «ابزال الفاۆيت» دەپ اتالاتىن قازاق-لاتىن ءالىپبيىن جاسادىم. وسى نۇسقاما اۆتورلىق كۋالىك الدىم. مەنىڭ بۇل نۇسقام ارقىلى الەمنىڭ كەز كەلگەن جەرىنەن كومپيۋتەردىڭ ستاندارتتى اعىلشىن پەرنەتاقتاسىن پايدالانىپ، قازاقشا جازۋعا بولادى»، - دەدى ا. مىرزاش.
ونىڭ سوزىنە قاراعاندا، ەكىنشى جوبادا كيريلليسادان لاتىن قارپىنە اۋداراتىن كونۆەرتەر باعدارلاما جاسالدى.
«ءقازىر مەنىڭ كونۆەرتەر باعدارلامام ارقىلى كيريلليسادان لاتىن گرافيكاسىنداعى قازاق قارپىنە 1 مينۋتتا 1 200-دەن استام كىتاپ اۋدارۋعا بولادى»، - دەدى ۆۋندەركيند.
قازاقستانداعى ەڭ جاس ستۋدەنت ابزال مىرزاش قازاق-بريتان تەحنيكالىق ۋنيۆەرسيتەتىندە ءبىلىم الىپ جاتىر.
وقۋ ورنىنىڭ باسشىلىعى، بازالىق فاكۋلتەت دەكاناتى، اقپاراتتىق تەحنولوگيالار دەكاناتى جاس ستۋدەنتتى ءجىتى باقىلاۋعا العان.
You Might Also Like
-
قۇرما مايەگىنىڭ قىزعىلت سارى ءتۇسى ونىڭ قۇرامىنداعى بەتاكاروتين مولشەرىنىڭ كوپ ەكەندىگىن بىلدىرەدى. بۇل زات ا دارۋمەنىنىڭ تۋىندىسى، كورۋ قابىلەتىن نىعايتادى، وكپە مەن برونح جاسۋشالارىن جاڭالاندىرادى...
-
كۇلتەگىن (684 - 731 جج.) — ەكىنشى شىعىس تۇرىك قاعاندىعى (قاپاعان جانە بىلگە قاعاندار داۋىرىندەگى) اسكەرىنىڭ باس قولباسشىسى، «كوك تۇركىنىڭ كوك سەمسەرى» اتانعان اتاقتى باتىرى، قۇتلى...
