جاستار - ۇلى كۇش
جاستىقتىڭ وتى، قايداسىڭ،
جۇرەكتى ءتۇرتىپ قوزعاماي؟
ۇرپاق جانە ونىڭ الداعى ءومىرى - قاشان دا حالىقتى مازالايتىن ماڭگىلىك تاقىرىپ. سەبەبى ەلدىڭ ەرتەڭى سول ۇرپاقتىڭ قولىندا بولادى. مەن ەلىمنىڭ ەرتەڭىمىن. مەن جاسپىن.
جاستىقتىڭ وتى جالىنداپ،
تاس جۇرەكتە جانعان شاق.
تالاپتىڭ اتى ارىنداپ،
ءار قيىنعا سالعان شاق، -
دەپ ۇلى اباي ايتقانداي، بويىمدا كۇش-قۋاتىم تاسىپ تۇرعان شاقتامىن. قيال قاناتىندا قالىقتاپ جۇرگەن شاعىم. بۇل كەزەڭدى اباي ادام ءومىرىنىڭ ەڭ ماڭىزدى شاعى دەپ تۇسىندىرەدى. جاستاردان وسى ساتتە البىرتتىق تا، قۇشتارلىق تا، دانالىق تا شىعادى.
جاستىقتىڭ وتى، قايداسىڭ،
جۇرەكتى ءتۇرتىپ قوزعاماي؟
عىلىمنىڭ ءبىلىپ پايداسىن،
دۇنيەنىڭ كوركىن بولجاماي؟-
دەپ تاعى ءبىر ولەڭىندە جاس كەزىڭدە ءبىلىمنىڭ سوڭىنا ءتۇسۋ كەرەكتىگىن ايتىپ وتەدى. ەندەشە، ەرەكشە تالپىنىسپەن جاس شاعىمىزدى دۇرىس وتكىزگەنىمىز ابزال ەمەس پە؟!
جاستىق شاق - ادام ءومىرىنىڭ كوكتەمى. وسى رەتتە مۇحتار شاحانوۆتىڭ 《12 - 3 = ؟》 ولەڭى ەسىمە تۇسەدى. اقىن اڭىزدى بايانداي وتىرىپ ادام ءومىرىن جىل مەزگىلدەرى دەپ ساناپ، كوكتەمدى جاستىق شاققا بالايدى. شىعارما جەلىسى بويىنشا حان ءوزىنىڭ جاستارعا سەنىمسىزدىگىنىڭ كەسىرىنەن قيىندىققا ۇشىرايدى. ونى ولىمنەن قۇتقارعان جاس جىگىتتىڭ دانالىعى، اقىلى، تاپقىرلىعى بولدى.
كوكتەمدە گۇلدەمەسە المالار مەن ورىكتەر
قالعان اناۋ توعىز ايدا
قانداي جەمىس كۇتە الامىز ودان ءبىز؟ - دەپ جاستار مەن ولاردىڭ تاربيەسى جايلى ويىن وتە اسەرلى جەتكىزە العان. ەندەشە، جاستاردىڭ بەرەرى مول ەكەن عوي...
مەن ۋاقىتىمدى بوسقا وتكىزبەۋگە بەل بۋدىم. قازاقستاندا ءبىلىم الۋدىڭ كەرەمەت مۇمكىندىكتەرىن اشىپ قويعان. ءبىلىم الۋدىڭ تاماشا جولدارىن پايدالانىپ، ەلىم ءۇشىن ەڭبەگىمدى اياماسقا بەكىندىم. 《جاستىقتا جيناعان ءبىلىمىڭ - قارتتىقتا جۇمسار مۇلىگىڭ》. مەنىڭشە، كەرەمەت ايتىلعان ءسوز! قازاق نە ايتسا دا، ءدوپ باسىپ ايتاتىن دانا حالىق قوي. 《جاستار - ۇلى كۇش》 دەگەن تاعى ءبىر كەرەمەت ءسوز بار ەكەن. مەنىڭ ويىمشا، ولاردىڭ كۇشتىلىگى ءومىر سۇرۋگە دەگەن قۇشتارلىعى مەن ەلىن سۇيەتىن ءمولدىر سەزىمىندە جاتقان سياقتى. 1986 جىلدىڭ جەلتوقسانىن ەسىڭىزگە ءتۇسىرىڭىزشى. تاۋەلسىزدىگىمىزدىڭ باستاۋى وسى جاستاردىڭ قوزعاۋشى كۇشىنەن باستالعان جوق پا؟!
اباي كەزىندە《تالاپتىڭ ءمىنىپ تۇلپارىن، تاس قياعا ورلەدىڭ》 دەگەن ءسوزىن سۇيىكتى ۇلى ءابدىراحمانعا ارناعان ەدى. ەگەر اباي مەن ءومىر ءسۇرىپ جاتقان XXI عاسىردا بولسا، وندا وسى ءسوزىن بۇكىل قازاق جاستارىنا ارنايتىن ەدى دەپ ويلايمىن. سەبەبى بىلىمدەرى اسقان، ءار سالادا ءتۇرلى جاڭالىقتىڭ يەسى بولىپ جاتقان قانشاما جاستار بار. ولار ەلىنىڭ كوركەيۋىنە ءوز ۇلەستەرىن قوسۋدا. جاستار جىلىنىڭ سالتاناتتى اشىلۋ راسىمىنە "بولاشاق" باعدارلاماسىنىڭ تۇلەكتەرى، "100 جاڭا ەسىم" بايقاۋىنىڭ جەڭىمپازدارى، جاس عالىمدار، دارىندى بالالار قاتىستى. مىنە، حالقىمنىڭ كەلەشەگى وسىنداي ۇرپاعىنىڭ قولىندا. جاستار جىلى اتالعان بيىلعى جىلدا جاستار ەڭبەكتەرى ءوز ناتيجەسىن بەردى. تاعى دا مۇمكىندىك تۋدى، تاعى ءبىر قولداۋ جاسالىپ جاتىر. كەلەر جىل دا مول مۇمكىندىگىمەن قاتار جەتىستىگىن الا كەلەتىنىنە كامىل سەنەمىن. ولاي بولسا، "ەلدىڭ بولاشاعى - ءبىلىمدى جاستار قولىندا" دەگەن ەلباسىنىڭ وسيەت ءسوزىن ءاردايىم جادىمىزدا ۇستاۋىمىز كەرەك. ۇلى اباي ايتقانداي ءبىلىمنىڭ جولىنا ءتۇسىپ، عىلىمنىڭ پايداسىن بىلمەك كەرەك.
مەن ورتا مەكتەپتىڭ وقۋشىسىمىن. مەنىڭ ماقساتىم - ءبىلىم جولىندا جەتىستىكتەرگە جەتۋ، بىلىمدىلەردىڭ قاتارىن كوبەيتۋ. كەزىندە ماعجان اقىن 《مەن جاستارعا سەنەمىن》 دەگەن ولەڭىندە:
《ارىستانداي ايباتتى،
جولبارىستاي قايراتتى،
قىرانداي كۇشتى قاناتتى،
مەن جاستارعا سەنەمىن》، -
دەپ ۇلكەن ءۇمىت ارتقان ەدى. ولەڭ بۇل كۇندە دە ءمانىن، قۋات بەرەر قۇندىلىعىن جويعان جوق. سەنىمنىڭ جۇگىن ارقالاعان، بويىندا جاستىقتىڭ جالىنداعان جالىنى بار ءاربىر ۇرپاق بولاشاققا ءوز ۇلەسىن قوسارى انىق. مەن دە ەش ايانبايمىن.
اۆتورى: سالامات دانا 11 سىنىپ وقۋشىسى
You Might Also Like
-
ۇلىستىڭ ۇلى كۇنى بۇل ناۋرىزدا، دوس تۇگىل، تاتۋلاسار جاۋىڭىز دا. جەر باپتاپ، بۇلاقتاردىڭ كوزىن اشىپ، كوشەت ەك كوشە، باقشا، باۋىڭىزعا.
-
انەبiر جىلى قۇس قاناتى تالىپ ارەڭ جەتەتiن قاراقۇمنىڭ سوناۋ بiر الىس قويناۋىندا شاعىن عانا اقشاڭداق سوردىڭ جيەگiندە كۇزەۋدە وتىرعانبىز. ويپاڭداعى وردىڭ اينالاسىن بۇل ماڭنان مۇلدە كەزiكپەيتiن اق...
