ويلايىنشى، نە بەردى جاستىق ماعان؟
ۇيرەت دەپ اساۋ بەردى باستىقپاعان.
جاستىق ماعان وت بەردى جالىندات دەپ،
جاستىق ماعان وق بەردى جاۋىڭدى ات دەپ.
جاستىق مەنىڭ جانىما جىر بايلادى.
جاستىق مەنى جالتارتپاي شىڭعا ايدادى،
جاستىق مەنى شىندادى، شىنىقتىردى،
جاستىق شىركىن ءومىردى شىن ۇقتىردى.
ريزامىن جاستىققا، تەككە وتپەدى،
ءازىر تۇر گۇل-باعىمدى كوكتەتكەلى.
جاستىق ماعان اقىل-وي، سانا بەردى،
امال نە، جاستىق ءوزى قالادى ەندى.

---