جاۋىر مەن تايلاق
شىعىس قازاقستاندا تەرىستاڭبالى دەگەن ەلدە تايلاق دەگەن اتاقتى قۋ، سوزگە شەشەن ادام بولعان. تايلاق:
— ومىردە مەنى جەڭگەن ادام جوق. ال وتەمىستە جاۋىر دەگەن قۋ بار دەپ ەستيمىن. ونى دا ەشكىم جەڭبەپتى. مەن سونىمەن سويلەسىپ، نە جەڭىپ، نە جەڭىلىپ قايتايىن، — دەپ، ىزدەپ بارىپ جاۋىردىڭ ۇيىنە قونىپ وتىرىپتى. توردە تايلاق وتىر. ءۇي ءىشى كەشكى مالعا شىعىپ كەتكەن، ۇيدە ەكەۋى عانا.
جاۋىر سوزبەن تيىسكىسى كەلىپ، تايلاققا:
— سەنىڭ اتىڭ كىم؟
— اتىم — تايلاق.
جاۋىر: — سەن الدىڭعى جىلى دا تايلاق، بىلتىر دا تايلاق، بيىل دا تايلاق. سەنىڭ قۇنان، دونەن، اتان شىعار جىلىڭ بار ما؟
تايلاق: — سەنىڭ اتىڭ كىم؟ — دەدى.
جاۋىر: — مەنىڭ اتىم — جاۋىر.
تايلاق ورنىنان تۇرىپ، وت باسىنا بارىپ، شوعى ارالاس قولامتانى قوس ۋىسىمەن شەڭگەلدەپ الىپ، جاۋىردىڭ قاسىنا كەلىپ:
— سەن الدىڭعى جىلى دا جاۋىر، بىلتىر دا جاۋىر، بيىل دا جاۋىر. سەنىڭ جاۋىرىڭ ءولى ەتتەنىپ كەتكەن بولار، مەن ىستىق قولامتامەن كۇيدىرەيىن، — دەپ جەلكەسىنە قۇيا سالعان ەكەن.
ءسويتىپ، ومىرىندە جاۋىر قۋدى جەڭگەن تەك تايلاق بولعان ەكەن.
You Might Also Like
-
بىرەۋدىڭ سوعىمعا سويىلعالى وتىرعان تۋ سيىرى جوعالىپ كەتىپتى. ىزدەپ ءجۇرىپ يەسى جەمتىگىنىڭ ۇستىنە ءتۇسىپتى. ۇيىنە كەلگەندە ايەلى:
-
مەنىڭ انا ءتىلىم - شەكسىز باي، شۇرايلى، تەگەۋرىنى مىقتى ءتىل. ويتكەنى ءومىردىڭ الماستاي قىرىن،ابزال سىرىن تۇسىنە بىلۋىمە باستى سەبەپكەر- سول انا ءتىلىم! مىناۋ جارىق دۇنيەگە كەلگەننەن باستاپ، انانىڭ ءالد...
