قازاق ءتىلى - انا ءتىلىم
مەنىڭ انا ءتىلىم - شەكسىز باي، شۇرايلى، تەگەۋرىنى مىقتى ءتىل. ويتكەنى ءومىردىڭ الماستاي قىرىن،ابزال سىرىن تۇسىنە بىلۋىمە باستى سەبەپكەر- سول انا ءتىلىم! مىناۋ جارىق دۇنيەگە كەلگەننەن باستاپ، انانىڭ الديىمەن بويىما ءسىڭىرىپ كەلە جاتقان ءتىلىم مەن ءۇشىن ەڭ قاستەرلى، ەڭ قىمباتتى ءتىل.اقىن س.تورايعىروۆ انا تىلىمدە:
سۇيەمىن تۋعان ءتىلدى- انام ءتىلىن،
بەسىكتە جاتقانىمدا-اق بەرگەن ءبىلىم.
شىر ەتىپ جەرگە تۇسكەن مينۋتىمنان،
قۇلاعىما سىڭىرگەن تانىس ءۇنىن،- دەپ جىرعا قوسقان.
انا ءتىلىم - اتا-بابامىزدان ميراس بولىپ كەلە جاتقان باعا جەتپەس مۇرا. دەمەك، ءار ادام انا ءتىلىن كوزىنىڭ قاراشىعىنداي قورعاۋعا، ونىڭ تازالىعىن ساقتاۋعا ءتيىس.امال نە..، تۋعان ءتىلىمىزدى شۇبارلاپ، باسقا ءتىلدىڭ سوزدەرىمەن ارالاستىرىپ سويلەيتىندەر دە از ەمەس.ءتىپتى، تۋعان تىلىنەن بەزەتىن سوراقىلاردى دا، مەنسىنبەۋشىلىكپەن قاراپ، قازاقشا سويلەۋگە ۇيالاتىندار كورىنگەن كەزدە، بەلگىلى ورىس جازۋشىسى ك.گ.پاۋەتوۆسكييدىڭ "تۋعان تىلىنە جانى اشىماعان ادام- جاندىك"دەگەن ءسوزى ويىما ەرىكسىز ورالادى.
انا ءتىلى - ار ولشەمى. ولاي بولسا، ءتىلدى شۇبارلاۋ، كوڭىل تۇنىعىن مايلاۋ. انا ءتىلدىڭ تەرەڭ يىرىمدەرىنە بويلاي ءبىلۋ- سانالى ادام بولعىسى كەلەتىن جاس ادامنىڭ ءبىرىنشى پارىزى. ول تۋعان جەرىڭدى،ەلىڭدى، سۇيىكتى وتانىڭدى سۇيە ءبىلۋ دەگەن ءسوز. اقيىق اقىن م.ماقاتايەۆ "وتان" اتتى ولەڭىندە:
مەن ونىڭ ءتۇنىن سۇيەم،كۇنىن سۇيەم
اعىندى وزەن،اسقار تاۋ ،گۇلىن سۇيەم.
مەن ونىڭ قاسيەتتى ءتىلىن سۇيەم،
مەن ونىڭ قۇدىرەتتى ءۇنىن سۇيەم،- دەپ وتاندى ءسۇيۋدىڭ ،انا ءتىلىن ءسۇيۋدىڭ قۇدىرەتتى بيىك سەزىم ەكەندىگىن بىلدىرەدى.
قورىتا كەلگەندە، اباي ارلەگەن ءتىل، جامبىل جىرلاعان ءتىل- قازاق ءتىلى ماڭگىلىك ءتىلى بولىپ قالا بەرمەك!
You Might Also Like
-
شىعىس قازاقستاندا تەرىستاڭبالى دەگەن ەلدە تايلاق دەگەن اتاقتى قۋ، سوزگە شەشەن ادام بولعان. تايلاق:
-
ءبىر جولاۋشى كەلە جاتىپ ءبىر ۇيگە تۇسەدى. الگى ءۇي يەسى ماقتانشاقتاۋ ادام بولسا كەرەك. ۇيىنە كىرىپ-شىعىپ جۇرگەن بالالارىنا قايتا-قايتا قوناقتىڭ كوزىنشە:
