InfoHub Logo

جوڭعار شاپقىنشىلىعى كەزىندە اتا- بابامىزدىڭ ازاتتىق ءۇشىن جان بەرىسىپ، جان الىسقان قانمەن جازىلعان تاريحى " جاۋجۇرەك مىڭ بالا" فيلمىندە تولىعىمەن كورىنىس تاپقان. ەسىمىن تەك تاريحي جىرلار مەن اڭىزداردا عانا ەستىپ وسكەن ەرجۇرەك باتىر سارتايدىڭ ءومىرى تۋرالى وسى فيلمنەن بىلدىك. سارتاي باتىردىڭ اكەسى مەن اناسىن جوڭعار اسكەرى كوز الدىندا اياۋسىز ءولتىرىپ، باۋىرلارىمەن جەتىم قالدىرۋى، ونىڭ كەك الۋ ماقساتىندا ەرجەتۋى، دوستىق پەن ساتقىندىق تا وسى فيلمدە كورىنەدى. XVIII  عاسىرداعى باستى وقيعادا قازاق جاستارى بىرىگىپ، باسقىنشىلارعا تويتارىس بەرىپ، جانكەشتىلىكپەن جەڭىسكە جەتىپ وتىردى. 

پاتريوتتىق فيلم كەز كەلگەن كورەرمەنىن كورگەننەن وزىنە باۋراپ الادى. سەبەبى، قاراپايىمدىلىق، شىنايىلىق جانە 99 پايىز ءوز ەلىمىزدىڭ ماماندارى مەن اكتەرلەرى جۇمىس جاساپ، ساپالى دۇنيە شىققانى بايقالادى. سونىمەن قاتار، جاس اكتەرلەردىڭ كەلىستى كەلبەتى، ءساندى كيىمدەرى وتە جاراسىمدى.

XVIII عاسىرداعى قازاق حالقىنىڭ رۋحتى بەينەسىن، ولاردىڭ جاۋجۇرەك، كوزسىز باتىرلىقتارىن ءبىر دەممەن كورىپ، ەرىكسىز كوزىڭە جاس ۇيىرىلەدى. قازاعىمنىڭ وسىنداي باتىرلارىنىڭ ماحابباتقا ادالدىعى، دوستىققا بەرىكتىگى، ساتقىندىق پەن جاۋىزدىقتى كەشىرمەۋى، ءبارى- ءبارى قازىرگى جاستارعا ۇلگى بولۋى ءتيىس. قازىرگى زامانداستارىم، جاسىراتىنى جوق، كىشكەنە قيىنشىلىققا سىنىپ، شىداماي جاتاتىندارى بار. وسىنداي ويعا شومىلتىپ، ادامدى ءبىر سىلكىنتىپ الار، تاۋبەگە تۇسىرەر، قازاق دەگەن حالىقتى الەمگە تانىتقان وسىنداي وتاندىق كينولاردىڭ بارىنا قۋانىمىن. قازاق ەكەنىمە تاعى دا ماقتانامىن.

كينو&مەديا ماماندىعىنىڭ 1 كۋرس ستۋدەنتى ەرباي مەدينا جەتەكشىسى: اعا وقىتۋشى، كۋراتور ن.ب.رۋشانوۆا

---