InfoHub Logo

قازۇۋ – بۇل ستۋدەنتتەردىڭ ارمانى. ءال-فارابي اتىنداعى قازاق ۇلتتىق ۋنيۆەرسيتەتىنىڭ تاريحى عىلىمي-تانىمدىق، قوعامدىق ومىردەگى سان الۋان وقيعالارعا باي. ۋنيۆەرسيتەت جاستاردىڭ ىنتا-جىگەرى مەن تالىمگەرلەردىڭ دانالىعىنا، ءبىلىمنىڭ قۇدىرەتتى قۋاتى مەن عىلىمي وي قۋاتىنا قانىق.

قازۇۋ -دا بارلىق ساباق جوعارى دەڭگەيدە وتەدى دەپ تولىققاندى ايتا الامىن. اسىرەسە، ماعان ۋنيۆەرسيتەتتە وتەتىن اعىلشىن ساباعى وتە قاتتى ۇنايدى. اعىلشىن پانىنەن بەرەتىن جەميليەۆا.م.م وتە بىلىكتى مامان، ءوز ءىسىنىڭ شەبەرى. ءمۇعالىم ءار وتكىزگەن ساباعىندا بىزگە پايدالى اقپاراتتاردى بەرۋگە تىرىسادى. ەڭ الدىمەن، گرامماتيكانى، سويلەسۋدى، تىڭدالىمدى دامىتۋعا كوپ كوڭىل اۋدارادى. ساباق ۋاقىتىندا اعىلشىن ءتىلىنىڭ الەمىن جان-جاقتى اشىپ، ستۋدەنتتەردىڭ ساباققا دەگەن قىزىعۋشىلىعىن ارتتىرادى. اعىلشىن ساباعىندا تەك اعىلشىن تىلىمەن شەكتەلمەي، ماماندىعىمىز بويىنشا اقپاراتتاردى دا كەڭىنەن قاراستىرۋ ءمۇعالىمىمىزدىڭ ساباق بەرۋدەگى باستى ەرەكشەلىگى. ءاربىر وتىلگەن ساباقتاردان مەن وزىمە ءتۇرلى تىڭ اقپاراتتار دى الدىم. 

بىردە ءمۇعالىمىمىز ساباققا ءبىزدىڭ ماماندىعىمىزدىڭ مايتالمان مامانىن دا شاقىردى. ءبىز ول ماماننان بولاشاقتا جاسايتىن جۇمىسىمىز جايلى مالىمەتتەردى بىلدىك. قوناق رەتىندە كەلگەن مامان ماماندىعىمىزدىڭ تىكەلەي نەمەن جۇمىس جاساپ، بايلانىساتىنىن تۇسىنىكتى تۇردە جەتكىزە ءبىلدى. بۇل اقپاراتتاردىڭ بارلىعى تازا اعىلشىن تىلىندە ءتۇسىندىرىلدى. وسىنداي ساباقتار ءبىزدىڭ تىڭدالىم جانە ايتىلىم داعدىلارىمىز دامىپ، ارى قاراي اعىلشىن ءتىلىن ۇيرەنۋگە جاقسى اسەرىن تيگىزدى. 

سونىمەن قاتار، اعىلشىن ساباعى جاڭا زامانعا لايىق پلاتفورمالاردى قولدانۋ دەڭگەيىمىزدى ارتتىرىپ جاتىر. ءبىز google.classroom پلاتفورماسىمەن ساباق وتەمىز. بۇل پلاتفورما وتە ىڭعايلى. ءمۇعالىم پلاتفورماعا ءۇي تاپسىرماسىن جۇكتەپ قويادى. ءۇي تاپسىرماسىنا نە بەرىلگەنىن پلاتفورمادان ەركىن قاراي الامىز. ودان بولەك ءۇي تاپسىرماسىنا بەرىلگەن پرەزەنتاسيالار مەن تاپسىرمالاردى وسى پلاتفورماعا جۇكتەپ تەكسەرتەمىز. 

ماعان ءمۇعالىمىمىزدىڭ بىزگە ساباق بەرۋدە قولداناتىن ءتۇرىل ادىس-تاسىلدەرى مەن ءار ستۋدەنتتىڭ دەڭگەيىنە قاراي ءوز ساباعىن ءتۇسىندىرۋ جولىن تابۋى قاتتى ۇنايدى. 

مەنىڭشە، كەز-كەلگەن ساباققا ستۋدەنتتەردىڭ قىزىعۋشىلىعىن ارتتىرىپ، وقۋعا ىنتالاندىراتىن ءمۇعالىمنىڭ كاسىبي شەبەرلىگى. بىزگە اعىلشىن تىلىنەن ساباق بەرەتىن جەميليەۆا.م.م ءمۇعالىمىمىزدى كاسىبي شەبەرلىگى مول، باسەكەگە قابىلەتتى جاڭا ۇرپاقتى تاربيەلەپ جاتىرعان كەرەمەت مامان دەپ اۋىز تولتىرىپ ايتا الامىن. ءمۇعالىمىمىزدىڭ ءوز ءىسىن ءسۇيىپ جاساپ، ءار ساباعىن ەرەكشە وتكىزۋى بىزگە ۇلكەن موتيۆاسيا بەرىپ، اعىلشىن تىلىنە دەگەن شىنايى قىزىعۋشىلىعىمىزدى اشتى دەپ ايتا الامىن.

يبراگيموۆا ايمان بازاربەك قىزى
ءال-فارابي اتىنداعى قازاق ۇلتتىق ۋنيۆەرسيتەتى  ستۋدەنتى
جەميليەۆا مادينا ماراتوۆنانىڭ جەتەكشىلىگىمەن                

---