InfoHub Logo

قىزىلوردا وبلىسى، قازالى اۋدانى،
قازالى اۋىلى، №100 مەكتەپتىڭ تالىمگەرى
پشانوۆا ايگۇل ابۋباكىر قىزى

تاقىرىبى: «جەڭىسكە رۋح بەرگەن اندەر»
ماقساتى:
ا) وقۋشىلارعا پاتريوتتىق تاربيە بەرۋ. ءوز ەلىن، جەرىن، وتانىن سۇيۋگە، قادىرلەۋگە تاربيەلەۋ.
ب) پاتريوتتىق اندەردى ورىنداۋ شەبەرلىگىن ارتتىرۋ.

كورنەكىلىكتەرى: جەڭىسكە ارنالعان پلاكاتتار، تاقىرىپ جازىلعان بيلبورد.
بابالار مۇرا ەتكەن ەلدىگىنە،
تامساندىق اعالاردىڭ ەرلىگىنە.
قان توگىپ، جان قيىپ جاتقان ۇلى جەڭىس،
بۇگىندە 65 جاسقا تولدى مىنە.

الەمگە توي دەپ بۇگىن جار سالامىز،
قوناقتاردى قۇرمەتپەن قارسى الامىز.
تورلەتىڭدەر دوستارىم تورلەتىڭدەر،
جەڭىس كۇنى ءبىز بۇگىن ءان سالامىز.

ارمىسىزدار، قۇرمەتتى كورەرمەن قاۋىم، اتا - انالار، ۇستازدار جانە وقۋشىلار! 9 مامىر ۇلى جەڭىستىڭ 65 جىلدىق مەرەكەسىنە ارنالعان «جەڭىسكە رۋح بەرگەن اندەر» اتتى پاتريوتتىق ءان بايقاۋىن اشۋعا رۇقسات ەتىڭىزدەر!
سىزدەردى 9 مامىر جەڭىس كۇنى مەرەكەسىمەن قۇتتىقتايمىز. جانۇيالارىڭىزعا قۋانىش، دەندەرىڭىزگە ساۋلىق، ەڭبەكتەرىڭىزگە جەمىس تىلەيمىز.
كەلەسى قۇتتىقتاۋ ءسوزدى مايلىباس اۋىلدىق وكرۋگىنىڭ اكىمى ---------------- اعايعا بەرەمىز.
ارداقتى ەلىم، كەڭ ەلىم،
قۇتتى بولسىن مەرەكەڭ.
ىرىس كوكتەپ جەرىڭدە،
ارتا بەرسىن بەرەكەڭ.

ەندى ءادىل قازىلار القاسىمەن تانىس بولىڭىزدار.
1. 2. 3.
بايقاۋعا ءاننىڭ ورىندالۋ شەبەرلىگى ەسكەرىلەدى جانە ۇپايى بىردەن حابارلانادى.
جوعارعى ۇپايى - 10
تومەنگى ۇپاي – 5
ءى، ءىى، ءىىى ورىن بەلگىلەنەدى.

كوپ سويلەپ ءجون - جوبادان اسپايىق ءبىز،
ءان شىرقاپ، بي - بيلەۋدەن قاشپايىق ءبىز.
ال ەندى سىزدەر رۇقسات ەتسەڭىزدەر،
سونىمەن كەشىمىزدى باستايمىز ءبىز.

تاڭدانايىق ونەرگە تامسانايىق،
ءبيشى – باقنۇر ورتادا قارسى الايىق.
شابىتتانسىن، كوڭىلى كوتەرىلسىن
ونەرلىنى ماداقتاپ جار سالايىق.
بي:

وتانىم مەنىڭ كەڭ بايتاق قازاقستان
امان وتكەن تالاي دۇلەي ازاپتان.
بار الەمدى ءوز اۋزىنا قاراتقان،
كىم بار قانە ارتىق دەيتىن قازاقتان؟!

«وتانىم» ورىندايتىن 5 سىنىپ وقۋشىسى:

جىرلايدى سەنى جەل جۇپار شاشقاندا،
جىرلايدى كوكتەم گۇلدەرىن اشقاندا.
تۇراسىڭ سەن ماڭگى جاس بولىپ جۇرەكتە،
جۇرەسىڭ سەن ماڭگى ءان بولىپ اسپاندا.

«مانشۇك» ورىندايتىن 6ا سىنىپ وقۋشىسى:

سەن نەتكەن وتان - انام، عاجاپ ەدىڭ،
اسپەتتەپ كوركەم تىلمەن جازار ەدىم.
بولاشاق ۇرپاعىنىڭ باقىتى ءۇشىن،
جايناي بەر، ۇلى وتان – قازاق ەلىم؟
«قازاقستان ەلى» ورىندايتىن 9ب سىنىپ وقۋشىسى:

بويدا قىزۋ قانى ويناعان جىگەرلى،
قاھارمانى زامانىمنىڭ بۇل ەندى.
وتان داڭقىن مۇددەسى ءۇشىن قاجەتتىك،
ساربازدار ول – ەلدىگىمنىڭ تىرەگى.
«ساربازدار « ورىندايتىن 7ب سىنىپ وقۋشىسى:

كوك بايراعىم جەلبىرەيدى ەلىمدە،
قالىقتاسىن قىران قۇسى كوگىمدە.
اشىق اسپان بەيبىتشىلىك بەينەسى،
اۋەلەسىن قازاقستان جەرىندە
«اتامەكەن» ورىندايتىن 9اسىنىپ وقۋشىسى:

قىر قىزى ورىندادى، بەرگەن انتتى،
حالقىنا ادال بولۋ ەردىڭ سالتى.
ەلى ءۇشىن قاسىق قانىن اياماعان،
جۇرەكتە ماڭگى وشپەيدى مانشۇك اتى
«مانشۇك تۋرالى جىر» ورىندايتىن 6ا سىنىپ وقۋشىسى:
ساعان جىردان - سىي ارناعام،
قيال قۇسىن قۋعان جەرىم،
تۋعان جەرىن سۇيە الماعان،
سۇيە الار ما تۋعان ەلىن!
10 سىنىپ وقۋشىسى ----------------- ورىنداۋىندا «سارجايلاۋ» ءانى

حالقىم مەنىڭ! ساعان قاراپ جۇبانام،
تاريح بەتى قاتار - قاتار بۇرالاڭ.
تالاي زارداپ قايعى مۇڭنىڭ - سوڭىنان،
ەگەمەندى العانىما قۋانام.
6ب سىنىپ وقۋشىسى ----------------- ورىنداۋىندا
«ەگەمەندى ەل قازاقستان» ءانى

تۋعاندا دۇنيە ەسىگىن اشادى ولەڭ،
ولەڭمەنەن جەر قوينىنا كىرەر دەنەڭ
ومىردەگى قىزىعىڭ ءبارى ولەڭمەن
ويلانساڭشى بوس قاقپاي ەلەڭ - ەلەڭ.
«كاتيۋشا» ورىندايتىن 8ا سىنىپ وقۋشىسى:

قازاقتا جوق ءبىر اۋىز ءان سالماعان،
قاي قازاقتا ءانشىسىن قارسى الماعان.
كەنجەبەكتەي بالامىز ءان شىرقاسا،
جان بار ما ەكەن قىزىعىپ، تامسانباعان.
«قازاق جىگىتتەرى» ورىندايتىن:

اسپاندا كۇن جارقىراپ كۇلىپ تۇردى،
بەيبىت ءومىر شاتتىعى تۇنىپ تۇردى.
سوعىستان سوڭعى ءسابي كۇلكىسىمەن،
قارا كۇندەر قايعىسىن ۇمىتتىردى.
10 سىنىپ وقۋشىسى ----------------- ورىنداۋىندا
«سينيي پلاتوچەك»
ارمىسىڭ اتا - قونىس، اتامەكەن،
كيەلى قاسيەتتى تۋعان ولكەم
ساعان دەگەن سەزىمىم، ساعىنىشىم،
جىر بولىپ توگىلەدى جۇرەگىمنەن.
«اتامەكەن» ورىندايتىن 5 سىنىپ وقۋشىسى:
باتىر بولعان بابالار
ەل باستاعان دانالار
بايتاق جەرگە جاۋ تيگىزبەس،
ساربازدار قازاقتىڭ ساربازدارى
«ساربازدار» ءانى ورىندايتىن 8ب سىنىپ وقۋشىسى:
استانام – نۇرلى استانام،
گۇل جايناعان جاس قالام
ەگەمەندى ەلىمدى
بولاشاققا باستاعان.
«استانا» ورىندايتىن 9ا سىنىپ وقۋشىسى:

كوپتەن كۇتكەن كوك بايراق جەلبىرەدى،
كۇننىڭ كوزى كوكتەمدەي ەلجىرەدى.
مۇنان ىستىق، جالىن - وت بار ما ءسىرا،
وتان - انمەن جۇرەگىم تەربەلەدى.
«قازاق جىگىتتەرى» ورىندايتىن 9ب سىنىپ وقۋشىسى:
بەيبىتشىلىك جانىمىزدىڭ
گۇل ساياسى شەشەك اتقان
ىرعاعى ول ءانىمىزدىڭ
كوگەرشىندەي قانات قاققان
«اق كوگەرشىن» ءانى ورىندايتىن:

كەڭ بايتاق، كوز جەتپەيتىن جەرىم مەنىڭ
تاۋلى ورمان، جاسىل جايلاۋ، كولىم مەنىڭ
بۇگىندە بار الەمگە داڭقىڭ جەتتى
تاۋەلسىز قازاقستان – ەلىم مەنىڭ
«تاۋەلسىز قازاق ەلى» ورىندايتىن:
وسىمەن بايقاۋىمىز ءتامامدالدى. ءادىل قازىلار القاسىنا ءسوز بەرىلەدى.

ۇلى جەڭىستىڭ 65 جىلدىعىنا ارنالعان «جەڭىسكە رۋح بەرگەن اندەر» اتتى پاتريوتتىق اندەر بايقاۋى اياقتالدى.