جەتى اتىم
ءوزى كەدەي، ءوزى سىبىزعىشى دەلدال دەگەن ادام بولىپتى. دەلدالدىڭ بىرىنەن-بىرى وتەتىن جۇيرىك جەتى اتى بولادى. ءبىر كۇنى جەتى ات ۇرى قولىنا تۇسەدى دە، جەتى جۇيرىكتى ۇرىلار الىپ كەتەدى. جەتى اتىن ىزدەپ شىققان دەلدال بۇكىل ەلدى ارالاسا دا، جەتى اتىن تابا المايدى، قاي جاقتان كەلگەن ۇرىلارعا قولدى بولعانىن دا بىلمەي تارىعادى. جۇرە-جۇرە دىمى قۇرىعان دەلدال يەن دالادا جالعىز تورىعىپ وتىرادى دا، بەلىنە قىستىرعان قۋراي سىبىزعىسىن قولىنا الىپ، ءوزىنىڭ وسى وكىنىشتى ءقالىن سىبىزعىعا تۇسىرەدى. تاعى دا ەل ارالاپ اتتارىن ىزدەيدى، ەندى سىبىزعىسىن تارتىپ، جاڭا كۇيىن كوپشىلىككە ەستىرتە ءجۇرىپ ىزدەيدى. ەل ارالاپ بەيساۋات جۇرگەن، سىبىزعىداعى زارلى كۇيىن توقتاتپاي تارتىپ، تورىعىپ جۇرگەن دەلدالدىڭ ارەكەتىنە تاڭ بولعان تورە سىرىن ءبىلۋ ءۇشىن شاقىرتىپ الىپ، جايىن سۇرايدى. دەلدال بارلىق جاعدايدى ايتادى. سىبىزعىشىنىڭ ءمۇساپىر ءحالىن كورىپ جانى اشىعان، ونەرىنە راحمەت ايتقان تورە جان-جاققا كىسى اتتاندىرىپ، ونىڭ اتىن ۇرلاعانداردى تاۋىپ اكەلۋدى بۇيىرادى. جان-جاققا اتتانعاندار ەلدى ارالاپ ءجۇرىپ جەتى اتىن ۇرلاعان ۇرىنى تاۋىپ، اتپەن قوسا الىپ كەلەدى. تورە جەتى اتتى دەلدالعا قايتارىپ بەرەدى. سول دەلدالدىڭ جەتى اتىن ىزدەپ جۇرگەندەگى كۇيى «جەتى اتىم» دەگەن كۇي ەكەن.
You Might Also Like
-
بايدىڭ جىلقىسىن شاۋىپ العان باي كەرى اتتى شىدەرلەپ بولەك باقتىرادى. جىلقى سوڭىنان قۋا كەلگەن جىلقىشىلار جىلقىنى تارتىپ العاننان كەيىن كەر اتتىڭ جوق ەكەنىن بىلەدى. ءسويتىپ، ەكى جىگىتتى بايدىڭ اۋىلىن ...
-
«ادامزات بالاسىنىڭ الدىندا ءۇش ايعاقتى زور مىندەت تۇر: ءبىرى – بەيبىتشىلىكتى، ەكىنشىسى – رۋحانياتتى، ءۇشىنشىسى – تابيعاتتى قورعاۋ hءام ساقتاپ قالۋ. بۇلاردىڭ قاي – قايسى دا...
