جەتىم قىز (ءىى نۇسقا)
ەرتەدە ءبىر بايدىڭ اۋىلىندا وتە سۇلۋ قىز بويجەتىپتى. الگىنى كورگەن ادام كوڭىلى كەتىپ، ۇيلەنۋگە قۇمارتادى ەكەن دە، ءسوز سالادى ەكەن. سوندا قىز:
— مەن — اكە-شەشەسى جوق جەتىم قىزبىن، — دەپ قانا جاۋاپ بەرەدى ەكەن.
مىنا ءسوزدى ەستىگەندەر: «وي، جەتىم ەكەن عوي!» — دەپ ىنتىقتىق رايىنان اينىپ، قايتىپ كەتە بەرەدى ەكەن.
سونداعى قىزدىڭ:
— وۋ، جەتىم قىز، جەتىم قىز،
كورگەن جاندى ىنتىقتىردى بەتىڭ، قىز.
اكەسى جوق جەتىم قىزدىڭ
كادەسى جوق.
شەشەسى جوق جەتىم قىزدىڭ
نەكەسى جوق.
اعاسى جوق جەتىم قىزدىڭ
باعاسى جوق.
ءىنىسى جوق جەتىم قىزدىڭ
تىنىسى جوق.
وز-وزىڭمەن جەتىل، قىز،
سۇيگەنىڭمەن كەتىل، قىز! —
دەپ مۇڭايىپ، ارمان قىپ تارتقانى ەكەن...
You Might Also Like
-
باياعى وتكەن زاماندا ءبىر جارلى كەمپىر ءومىر ءسۇرىپتى. ونىڭ بار بايلىعى — جەتىم سابيلەر — نەمەرە ۇلى مەن نەمەرە قىزى بولىپتى. ونىڭ ويلاعانى سولاردى باعىپ ءوسىرۋ بولعان. كەمپىر كورشى اۋىلدىڭ ...
-
جيرەنشەنىڭ جارى قاراشاش قايتىس بولادى. ءاز جانىبەك حان جيرەنشەگە:
