InfoHub Logo

وقۋ ماقساتى: بارلىق وقۋشىلار: جانۋارلاردىڭ جىل مەزگىلىنىڭ اۋىسۋىنا بەيىم­ دەلۋىن ءتۇسىندىرۋ؛
وقۋشىلاردىڭ باسىم بولىگى: قورشاعان ورتا قۇبىلىستارىنا باقىلاۋ جاساۋ.
كەيبىر وقۋشىلار: جاڭا ساباقتا العان بىلىمدەرىن ومىردە قولدانادى.
ساباقتىڭ ماقساتى: 1. 2. 2. 2 جابايى جانە ءۇي جانۋارلارىن اجىراتۋ؛
1. 2. 2. 3 جىل مەزگىلدەرىنىڭ اۋىسۋىنا جانۋارلاردىڭ بەيىمدەلۋىن دايىندىعىن ءتۇسىندىرۋ

جىلدىڭ ءاربىر مەزگىلى جانۋارلاردىڭ تىرشىلىگىنە وزىنشە اسەر ەتەدى. جازدىڭ سوڭى مەن كۇزدىڭ باسىندا تيىندەر، تىشقاندار، بورشاتىشقاندار، الاماندار قىسقا قورەك دايىندايدى. ايۋلار، سارىشۇناقتار، بورسىقتار، كىرپىلەر قىسقى ۇيقىعا كەتەدى، وعان دەيىن ولار ەسەلەپ قورەكتەنەدى. جانۋارلاردىڭ قىسقى ۇيقىعا كەتۋى — كۇردەلى بيولوگيالىق ۇدەرىس. قىستا سۋىق كەزدە جانە ازىقتىڭ جوق كەزىندە جانۋارلاردىڭ كۇش - قۋات شىعىنىن ازايتۋ ءۇشىن دەنە تەمپەراتۋراسى تومەندەپ،­ جۇرەكتىڭ سوعۋ جيىلىگى باياۋلايدى.
كەيبىر جانۋارلار ورىستەيدى. ورىستەۋ — بۇل جانۋارلاردىڭ الىس قاشىقتىققا ماۋسىمدىق قونىس وزگەرتۋى. البىرت بالىعى ۋىلدىرىق شاشۋ ءۇشىن جىلى سۋعا كەتەدى. نەگىزىنەن، ماۋسىمدىق قونىس وزگەرتۋ قۇستاردا ءجيى كەزدەسەدى. قازاقستان رەسپۋبليكاسىنىڭ اۋماعىندا ميلليونداعان سۋدا جۇزەتىن جانە سۋ ماڭىن مەكەندەيتىن قۇستار، سونداي - اق ۇشىپ وتەتىن قۇستار ۇيا سالادى.
ساباق بارىسىندا وقۋشىلار قۇستاردىڭ بىرنەشە ءتۇرىن بىلەتىن بولادى.
كوكشىمشىق. ادامدار تۇراتىن جەردە تىرشىلىك ەتەدى، قالالاردا، باقشالاردا جانە ساياباقتاردا كەزدەسەدى. ۇساق جاندىكتەرمەن قورەكتەنىپ، تابيعاتقا پايداسىن تيگىزەدى. قىستا قورەك ىزدەپ، كوشىپ جۇرەدى. ونىڭ كەۋدەسىندە قارا جولاق بار. ارقاسى جاسىل، كەۋدەسى مەن قۇرساعى سارى بولادى.
سارىايدار ۇيرەك. سۋدا جۇزەتىن وزەن ۇيرەك­ تەرىنىڭ قاتارىنا جاتادى. سالىستىرمالى تۇردە مويىنى جانە تۇمسىعى قىسقا، شاعىن دەنەلى قۇس. سول­ تۇستىك قازاقستاندى مەكەندەيتىن جىل قۇسى.
بۇلدىرىق. تاماعى، موينى مەن باسىنىڭ ەكى جاعى قىزعىلت سارى. دەنەسىنىڭ ۇستىڭگى جاعى قۇم ءتۇستى. كەۋدەسى سارعىشتاۋ، قارا جولاقتارى بار. قۇرساعى قارا. جىل قۇسى.
شۇبارشىمشىق. تۇرقى تورعايمەن بىردەي. جىل قۇسى. ارقاسى قوڭىر، قۇيرىق ءۇستى سارى جاسىل­. دەنەسىنىڭ تومەنگى جاعى جانە باسىنىڭ ەكى جاعى قوشقىل قىزىل ءتۇستى.
سۇر تىرنا. ءتۇسى كوبىنەسە سۇر. موينىنىڭ استى سۇر. بۇل قۇستاردىڭ سالماعى 3 كگ - دان 6 كگ - عا دەيىن جەتەدى. قىزىل كىتاپقا ەنگىزىلگەن، جىل قۇسى.
ايۋلار، بورسىقتار، كىرپىلەر قىستا ازىق تابا المايدى. سوندىقتان¬ ولار قىستا ۇيقىعا كەتىپ، كوكتەمدە ويانادى.

​ساباقتىڭ تولىق نۇسقاسىن جۇكتەۋ​​​