جىلىنا 5 اي بويى كۇن كورىنبەيتىن قالا
نورۆەگيالىق ريۋكان قالاسىنىڭ تۇرعىندارى شىنىندا دا قىركۇيەكتەن ناۋرىزعا دەيىن — 5 اي — كۇن كوزىن ءبىر كورۋگە زار بولىپ قالادى.
ماسەلە ادامنىڭ فيزيكالىق احۋالىندا عانا ەمەس، مورالدىك كۇيىندە دە — قىسقى مەرزىمدە دەپرەسسياعا شالدىققانداردىڭ سانى ادام نانعىسىز مولشەرگە ارتىپ كەتەدى.
بۇنىڭ بارىنە قالانىڭ ءساتسىز — بارلىق جاعىنان تاۋلار قورشاپ، ويپاڭ جەرگە ورنالاسىپ قالعانى كىنالى.
ءبىراق 1913 جىلى ريۋكان قالاسىنىڭ نەگىزىن قالاعان سام ەيدە ازداپ ەسسىزدەۋ يدەياعا: تاۋلاردىڭ شىڭدارىنا اينالاردى ورناتۋ يدەياسىنا باس ۇرادى.
الايدا، وتكەن عاسىردىڭ باس كەزىندە بۇنداي ءىستى تىندىرۋ وڭاي شارۋا ەمەس ەدى، سوندىقتان بۇل ەكسپەريمەنت ساتسىزدىككە ۇشىرادى.
2005 جىلى سۋرەتشى جانە تۇنەك قالانىڭ تۇرعىنى مارتين اندەرسەننىڭ ارقاسىندا قالا باسشىلىعى بۇل يدەيانى تاعى دا ەسكە الدى.
ەندى مىنە، كۇردەلى ءادىس-امالداردىڭ جانە 5 ملن نورۆەگ كرونىنىڭ (224 250 000 تەڭگە) ارقاسىندا 2013 جىلى ءۇش اينا ورناتىلدى.
ولاردان شاعىلىساتىن جارىق قالانىڭ باستى الاڭىنا تۋرالاندى. جەرگىلىكتى تۇرعىنداردىڭ كوڭىل كۇيى مەن حال-جاعدايى ىلە-شالا جاقسارىپ سالا بەردى.
سونىمەن قاتار قالاعا تۋريستەر دە كوپتەپ كەلە باستادى. ولار ەندى شاڭعى مەن سنوۋبورد تەۋىپ قانا قويماي، ايرىقشا اينالاردى دا كورىپ تاماشالاي الادى.
You Might Also Like
-
ورماندا تۇلكى مەن قويان ءومىر ءسۇرىپتى. تۇلكىنىڭ ۇيشىگى مۇزدان، ال قوياننىڭ ءۇيى اعاشتان بولىپتى. كوكتەم كەلىپ، كۇن جىلىنعاندا تۇلكىنىڭ ۇيشىگى، ارينە بىردەن ەرىپ كەتتى.
