InfoHub Logo

ايۋ
قۇرمەتتى قوناقتار ارمىسىزدار
بارىڭىزدە ەسەن – امان بارمىسىزدار
قوش كەلىپسىز، اتا – اجە، اكە - انا
بىرگە:
باقشامەنەن قوشتاسۋ تويىمىزعا.
قويان
تالاي قىزىق توي وتكىزدىك ءبىراق ورنى بولەكشە
باقشامىزبەن قوشتاساتىن بۇگىنگى توي ەرەكشە.
ايۋ: ال ەندى قويان ورتامىزعا سۇيكىمدى بالالارىمىزدى شاقىرمايمىز با؟
قويان: ءيا، ايۋ. بۇگىنگى تويىمىزدىڭ كۋاگەرلەرى بۇلدىرشىندەرىمىزدى كورەرمەننىڭ قول شاپالاعىمەن ورتاعا الدىرتايىق.
بالالار قولدارىندا سۇيىكتى ويىنشىقتارىن ۇستاپ كوڭىلدى اۋەنمەن ورتاعا شىعادى.
ايۋ: ءبىز ءبارىن شاقىردىق پا مەرەكەگە؟
قويان: ەشكىمدى ۇمىتقان جوقپىز با؟
بالالار: جوق.
ايۋ: ەندەشە اق تىلەكتى اعىتىپ،
قوشتاساتىن كەشىمىزدى باستايىق.!
قويان: جو – جوق ءبىز باستاي المايمىز،
ايۋ، قويان: نەگە؟
مارال: ويتكەنى، ءبىزدىڭ جانىمىزدا ءوزىمىزدىڭ سۇيىكتى تاربيەشىمىز جوق قوي؟
ايۋ:
يا، يا دۇرىس ايتاسىڭ بالاقاي، سەندەردىڭ ورتالارىڭدا تاربيەشى اپايلارىڭ كورىنبەيدى ەكەن.
قويان:
ولاي بولسا سەندەردىڭ قول شاپالاقتارىڭمەن سۇيىكتى اپايلارىڭدى ورتاعا شاقىرايىق!

اۋەنمەن تاربيەشى اپايلاردىڭ كىرۋى. بالالار الدارىنان شىعىپ گۇل شوقتارىن ۇسىنادى.
الميرا
بىزگە ءتارتىپ ۇيرەتكەن،
ءان سالدىرىپ بيلەتكەن،
تانىستىرعان ەڭ العاش،
ارىپتەرمەن سۋرەتپەن
تاربيەشى تاتەمىز.
جاقسىلىققا قۇمارمىز
جاقسى ادام بوپ شىعامىز
تازا ءسابي جۇرەكتەن،
قابىلداڭىز مىڭ العىس.
نۇرراحمان
باۋلىپ، باپتاپ وسىرگەن.
بۇزىقتىق ەتسەك كەشىرگەن
ۇمىتپايمىز ءوزىڭدى.
ۇمىتپايمىز ءسوزىڭدى.
قوڭىرشا اپاي: - راحمەت، بالاپاندارىم، وركەندەرىڭ ءوسسىن. سەندەردىڭ وسى ءتاتتى قىلىقتارىڭدى ساعىناتىن بولامىز.
قانشا جىل تاربيەشى بولىپ جۇمىس ىستەسەم دە، وسىنداي قىزىق ماماندىقتى تاڭداعانىما ەشقاشان وكىنبەيمىن. ويتكەنى - بۇلدىرشىندەرىمىزدىڭ ءتاتتى قىلىعى مەن كىرشىكسىز پاك كۇلكىسىنە جەتەر ەش نارسە جوق. مىنە، بۇگىن سول ءبىر كەزدەگى كىشكەنتاي بۇلدىرشىندەرىمدى بالا - باقشادان ءبىلىمنىڭ العاشقى نارىمەن سۋسىنداتىپ مەكتەپكە شىعارىپ سالىپ تۇرمىز.
ءسانىم اپاي
ءيا، قوڭىرشا اپاي، بۇگىنگى الدىمىزدا تۇرعان بۇلدىرشىندەر ەرتەڭگى ەلىمىزدىڭ بولاشاعى. ولار بالاباقشاداعى كىشكەنتاي سابيلىك قىلىقتان ارىلىپ، ەندى كىشكەنتاي عانا وقۋشى اتانۋعا دايىن تۇر. تەك قاناتىڭنىڭ استىندا جۇرگەن بۇلدىرشىندەردەن اجىراپ كەتۋ، جان دۇنيەڭنىڭ ءبىر جارتىسىن جۇلىپ العانداي سەزىمگە بولەيدى.
قاراقات اپاي:
ءسانىم اپاي، قوڭىرشا اپاي سىزدەر بوساي بەرمەڭىزدەر، ونان دا وسى بۇلدىرشىندەرىمىزدىڭ بالاباقشادا ۇيرەنگەن ونەرلەرىن كورەرمەندەرىمىزگە تارتۋ ەتەيىك..

مەيرامگۇل اپاي: اينالايىن، بالالار،
سەندەردە وي سانا بار
وزدەرىڭنەن وسەدى،
ونەرشىلدەر دانالار.
ءوستى مىنە بويلارىڭ
ءوستى مىنە ويلارىڭ.
قۋانىشقا ورتاقپىن
قۇتتى بولسىن تويلارىڭ. بالاقايلار ەندەشە كەزەكتى وزدەرىڭە بەرەمىز.
1 - زەرە:
ۇرپاقپەن ءومىر جولى جالعانادى
كوڭىلدى كۇندەر تۋسىن الدان ءالى،
اسەم بيمەن، ءتۇرلى ونەر كورسەتەيىك،
بۇگىنگى كۇن سىزدەرگە ارنالادى.
2 - اقىلبەك
ارمىسىزدار ءور تۇلعالى اكەلەر
قىران قۇستاي بالاپانىن ماپەلەر،
بۇگىن مىنە باقشامەنەن قوشتاسادى،
ازامات بوپ، كەشەگى ءسابي ەركەلەر!
3 - ايتجان
ارمىسىزدار اجەلەر مەن انالار
ۇرپاعىڭىز كۇندە وزىڭنەن باتا الار،
ەل ءداستۇرىن ماڭگى سىيلا، وقى دەپ،
ۇيرەتكەن عوي اباي، ىبىراي اتالار.
4 - ءاسانالى
بالا شاققا بولاشاقتى جىرلاتىپ
شاكىرتتەرگە وي تۇزەتكەن سىمباتتى
كۇن نۇرىنداي ساۋلە قۇيعان كوڭىلگە،
ارمىسىزدار ۇستازدارىم قىمباتتى.