شايقالىپ نۇر،
ماۋجىراعان مامىردان ماي تامىپ تۇر.
جايقالىپ قىر،
تاۋعا سوققان بوز ساعىم قايتا اعىپ تۇر.
ايتالىق سىر،
سەرۋەندەپ، ءجۇر قالقام، قايتالىق ءبىر.
سىرلاسايىق،
قىزعالداقتى يىسكەپ، ءبىر جاسايىق،
قىر باسايىق،
ومسە بۇلاي مامىردىڭ تۇرماس ايى.
مۇڭداسايىق.
قوس كوڭىلدىڭ پەرنەسىن ءبىر باسايىق.
تانىسايىق،
سەندە - مامىر، ال مەندە - اعۇس ايى.
تابىسايىق،
سەندە - شىرىن، مەندە - ءدان، اۋىسايىق؟
اۋىسايىق،
شىرىنىن دا، ءدانىن دە تاۋىسايىق.
قۇلاق تالىپ،
مىنا داڭنان كەتتى عوي قۇلاق تالىپ،
جىراق بارىپ،
سەرۋەندەپ قايتايىق سىر اقتارىپ.
...بارا جاتىر جانىمدى ءبىر وت قارىپ،
جاستىعىم با، تىرىلگەن قۇلاپ بارىپ؟..

---