جۇرەگىم مەنىڭ - جانارتاۋ،
جالىن بوپ شىعار وت-دەمىم.
كەلەم دەپ قامسىز، سامارقاۋ،
ورتەنىپ، قالقام، كەتپەگىن.
جولاما ماعان جۋىقتاپ،
ماڭىمنان، قالقام، ءجۇر اۋلاق.
وتىرىك قانا سۋىپ قاپ،
الىستان سەنى تۇر ارباپ.
موماقان بولىپ جاتقاندا،
ويلاما ونى ءسوندى دەپ.
كومەيدەن جالىن اتقاندا،
كونبەيدى مىناۋ ءور جۇرەك.
اتقىلاپ جالىن تۇرعاندا،
قۇدايىڭا دا كونبەيدى.
اياعىن اتتاپ بۇل ماڭدا،
سوندىقتان ەشكىم كەلمەيدى.
جۇرەگىم مەنىڭ - جانارتاۋ،
جانباعان شاقتا كەل، مەيلى!
جانارتاۋ ءقازىر سامارقاۋ،
سامارقاۋ، ءبىراق سونبەيدى...

---