InfoHub Logo

ارمانسىز پەندە بولماسى انىق. سول سەكىلدى ءاربىر جاس جەتكىنشەك بالا شاعىندا بولاشاعىندا كىم بولاتىنىن ارماندايدى. مەن دە ويىن بالاسى شاعىمدا ءار قيالدىڭ جەتەگىندە جۇرەتىنمىن. ارماندا شەك بار ما؟!  ارينە، بولاشاق ماماندىقتى تاڭداۋ وڭاي شارۋا ەمەس. ادام ومىردە ەكى نارسەنى تاڭداعاندا قاتەلىككە جول بەرمەگەنى ءجون: بىرى-ومىرلىك سەرىك بولار جار تاڭداعاندا،ەكىنشىسى- ومىرىنە كورىك بولار ماماندىق تاڭداعاندا. مەن ءوز بولاشاق ماماندىعىم رەتىندە ۇلى كەمەڭگەر، دانا اباي اتامىزدىڭ: «بولماساڭ دا ۇقساپ ب ا ق» -دەگەن ءسوزىن  مايەك ەتىپ، وڭىرىمنەن تۇلەپ شىققان جۋرناليستەردىڭ سالعان سارا جولىمەن ۇلت جاندى، كوزى اشىق، كوكىرەگى وياۋ قازاقتىڭ ازاماتى بولىپ، ەلىمە - ادال قىزمەت ەتىپ ەلدىڭ ۇكىلەگەن ءۇمىتىن اقتار، حالىق ءسوزىن سويلەر جۋرناليست بولۋعا بەكىندىم. جانە دە دۇرىس شەشىم قابىلدىدىم دەگەن ويدامىن. جۋرناليستيكا - قىزىعى مەن قيىندىعى قاتار جۇرەتىن، كوپ ىزدەنىس پەن مول ءبىلىمدى قاجەت ەتەتىن سالا. جازعان ماقالاڭنىڭ مىقتىلىعىنا ارىپتەستەرىڭمەن ۇجىم باسشىلارىنىڭ كوزى جەتۋى ءۇشىن، وقىرماننىڭ ويىنان شىعۋى ءۇشىن جازعان شىعارمالارىڭنىڭ قوزعار وزەكتى تاقىرىبى قانداي بولۋى شارت؟ قالام ۇستاعاننىڭ ءبارى دەرلىك ەل جادىندا قالارلىقتاي جاقسى جۋرناليست اتانا بەرمەيتىنى دە، وسى اتالمىش ماماندىقتىڭ قيىندىعىن ايگىلەرى اقيقات. ەندەشە جاقسى جۋرناليستكە قانداي قاسيەت ءتان؟ نەندەي تالاپتىڭ ۇدەسى قاجەت؟ ەڭ الدىمەن ادالدىق جانە دە «بال تامعان وتىرىكتەن، قان تامعان شىندىق كەرەك»،- دەمەكشى شىنايىلىق كەرەك. قازىرگى زامان تالابىنا ساي قازاق جۋرناليستەرىنە ءتان ەڭ باستى قاسيەتتى عالىم ن.وماشيەۆ «...ەڭ اۋەلى الدىنداعى اق قاعازعا ،قالامعا  ادالدىق كەرەك: قاراقان باسىنىڭ  قامىنان گورى ەل مۇددەسى، حالىق تاعدىرى، وتاننىڭ بۇگىنى مەن كەلەشەگى قاشاندا ءبىرىنشى تۇرۋى باستى تالاپ»،-دەيدى. ەل جۇرتتىڭ جايىن وتكىر شىنشىلدىقپەن ايتا بىلۋدە جەتكىلىكسىز، دەگەنمەن ءجۋرناليستىڭ قايىعىن جاعاعا جەتكىزۋگە ۇشقارلىلىق، ءبىلىمى،ءومىر تاجىرەبيەسى، دارىن كەرەك. وسىنىڭ ءبارى ءبىر ارناعا توعىسقان دا عانا ءجۋرناليستىڭ جازعانى بارشا وقىرماننىڭ نازارىنا ەرىكسىز شالىنادى، وقىلادى. بۇل ماماندىقتى تاڭداۋداعى باستى ماقساتىم: وي ەركىندىگى مەن ءسوز بوستاندىعىنا قول جەتكىزىپ، بۇگىنگىدەي ماڭگۇرتتىك دەرتى سانالاردى ۋلاپ جاتقان قوعامدا، بۇقارا جۇرەگىنە جىلۋ سىيلاپ، جۋرناليستيكانىڭ جىلىگىن شاعىپ، مايىن ىشەتىن ناعىز «ءتورتىنشى بيلىك» يەسى، بىلىكتى مامان بولۋ. سونىمەن قوسا قازاق جۋرناليستيكاسىنىڭ الەمدىك دەڭگەيگە كوتەرىلىپ، وزگەلەرمەن «تەرەزەسى تەڭ دارەجەگە» جەتۋىنە تامشىداي بولسا دا ءوز ۇلەسىمدى قوسۋ. ارينە، قالامى قارىمدى، جان-جاقتى، دارىندى جۋرناليست بولۋ وڭاي ەمەسى انىق. ولاي بولسا شىرىلداپ شىندىقتى ايتىپ، جاقسىلىققا جارشى، حابارشى بولۋ - بۇگىنگى كۇننىڭ ءتىلشىسىنىڭ باستى مىندەتى دەپ پايىمدايمىن.

---