ۋنيۆەرسياداعا بايلانىستى الماتىنىڭ وقۋشىلارى 10 كۇن دەمالاتىن بولدى
الماتىدا وتەتىن 28ء-ىنشى قىسقى ۋنيۆەرسيادا ويىندارىنا بايلانىستى، قالاداعى 218 مىڭ وقۋشى كەزەكتەن تىس دەمالاتىن بولدى، دەپ ءبىلىم جانە عىلىم مينيسترلىگىنىڭ باسپا ءسوز قىزمەتى حابارلايدى.
«الماتىدا ساناۋلى كۇندەردەن كەيىن دۇنيەجۇزىلىك قىسقى وليمپيادا ويىندارى باستالادى. وڭتۇستىك استانا بۇل جارىسقا جان-جاقتى دايىندالىپ جاتىر. دايىندىق ءبىلىم بەرۋ سالاسىن دا سىرت اينالىپ وتپەدى. اتاپ ايتساق، ۋنيۆەرسيادا ويىندارىنا بايلانىستى الماتى قالاسىنىڭ وقۋشىلارى ءۇشىن 30 قاڭتار مەن 8 اقپان ارالىعىندا قوسىمشا دەمالىس بەرىلەدى»، - دەپ حابارلادى ءبىلىم مينيسترلىگىنىڭ باسپا ءسوز قىزمەتى.
ءبىلىم مينيسترلگىنىڭ باسپا ءسوز قىزمەتى حالىقارالىق جارىستار كەزىندە وسىنداي شارالار وزگە ەلدەردە دە قولعا الىنعانىن حابارلاپ وتىر. دەمالىسقا شىققان وقۋشىلار دۇنيەجۇزىلىك ستۋدەنتتەر جارىسىن وزدەرى بارىپ تاماشالاي الادى، دەدى باسپا ءسوز قىزمەتىنىڭ ماماندارى.
«الماتى قالالىق ءبىلىم باسقارماسىنىڭ حابارلاۋىنشا، بۇل قوسىمشا كانيكۋل ناۋرىز مەيرامى كۇندەرىنە اسەر ەتپەيدى. الماتىداعى وقۋشىلار قازاقستاننىڭ باسقا وقۋشىلارىمەن بىردەي 24 ناۋرىز بەن 1 ءساۋىر ارالىعىندا وقۋشىلار وقۋىن جالعاستىرىپ، 1 ساۋىردە ولارعا توقساندىق باعالار قويىلادى. 4 ساۋىردە 4ء-شى توقسان باستالادى»،-دەپ ناقتىلادى دەرەككوز.
حابارلانىپ وتىرعانداي، بۇل وزگەرىس الماتىداعى جوعارى وقۋ ورىندارى مەن كوللەدجدەردىڭ ساباقتار كەستەسىنە اسەر ەتپەيدى. ايتا كەتەيىك، الماتىدا 201 مەكتەپ بار، وندا 218 مىڭ وقۋشى ءبىلىم الىپ جاتىر.
You Might Also Like
-
سوعىس نە؟ سوعىس اپات،سوعىس سوققى ول سوقسا شىعارۋشى بۇرىن جوقتى ول داۋىل، كۇش مۇحيتىن تاسىتادى. ەلەتپەي ازدى-كوپتى،اشتى- توقتى.
-
ارمانسىز پەندە بولماسى انىق. سول سەكىلدى ءاربىر جاس جەتكىنشەك بالا شاعىندا بولاشاعىندا كىم بولاتىنىن ارماندايدى. مەن دە ويىن بالاسى شاعىمدا ءار قيالدىڭ جەتەگىندە جۇرەتىنمىن. ارماندا شەك بار ما؟! &nbs...
