"باس، يەم مەنىڭ.
وزىڭنەن بۇرىن جارالعام.
الدىمەن - مەنمىن،
سونان سون، - سەنسىڭ جارالعان.
باسىڭ مەن ميىڭ، اقىلىڭ، ەسىڭ، قيمىلىڭ،
اياق پەن قولىڭ -
بارلىعى مەنەن ءنار العان.
بالعىن شاعىڭدا، ومىرگە جاڭا اتتانعان،
باعىڭا باستار ادامدىق جولعا اپ بارعام.
كەزىم دە بولدى قايعىرعان ءارى شاتتانعان،
كەزىڭ دە بولدى، قايتەيىن، ماعان داق سالعان.
كەلەدى سەنىڭ كەي-كەيدە مەنى مۇز ەتكىڭ،
بارىنە كوندىم،قاتەلىگىندى تۇزەتتىم.
توسەك تارتقىزىپ، تونگەندە قاتەر باسىڭا،
اينىماي سوقتىم، ايالاپ سەنى كۇزەتتىم.
جالىندىم ساعان جاقىنى بول دەپ بارشانىڭ،
جان-يەم، سەنىڭ جاقسىلىعىڭدى اڭسادىم،
وتكىزدىم سەنى قانشاما قاۋىپ-قاتەردەن
ال ەندى، ماعان، دەمالىس بەرشى، شارشادىم!..
...قاقىڭ جوق سەنىڭ دەم الۋعا دا، سوقپاۋعا،
قارسى بارامىز وقتارعا، ءالى وتتارعا.
قاقىم جوق مەنىڭ دەمالىس ساعان بەرۋگە،
قاقىڭ جوق سەنىڭ قالدىرىپ مەنى توقتاۋعا!!!

---