قارعام مەنىڭ!
قارعام مەنىڭ!
الاسارىپ بارادى ارمان-كوگىم.
جالعان دەسە، دۇنيە جالعان با ەدىڭ؟!
جارالانعان كوڭىلىم دال-دال مەنىڭ.
قاۋىرسىن ەڭ ۇزىلگەن قاناتىمنان،
جانارىمنان شۋاق ەڭ تاراتىلعان.
قارا باسقا ورناتىپ قارا تۇمان،
قايعىم بولدىڭ، ويىمدا دارا تۇرعان.
كۇيزەل جان، كۇڭىرەن جان، كۇنا باسىپ،
ايىعار ءساتىڭ سەنىڭ، ءسىرا، قاشىق.
جابىعىپ جارىعىندا بۇل جالعاننىڭ،
ءبىر ءتۇيىر قانىم مەنىڭ ءجۇر اداسىپ...
مەن ءجۇرمىن باقىت قۋىپ، داڭق قۋىپ،
سايراڭداعان بولامىن ساۋىق قۇرىپ.
كىناسى جوق قارعامدى جابىقتىرىپ،
جولاي الماي قۇرىدىم تانىپ تۇرىپ...
قارعام، سەنى جايىم جوق كەم كورەتىن،
بيماعۇلىم تاعدىرىڭ سەن كورەتىن.
زات بوپ نەگە جۇرەگىم جارالماعان؟!
قارعالارىم، سەندەرگە تەڭ بولەتىن...

---