InfoHub Logo

تاقىرىبى: «جۇرەك جىلۋى»
ماقساتى: بالالاردىڭ بويلارىنداعى ادامگەرشىلىك، قايىرىمدىلىق، سۇيىسپەنشىلىك، ىزگىلىك، يناباتتىلىق، اقىلدىلىق، ادەپتىلىك قاسيەتتەرىن وياتۋ.
مىندەتتەرى: - جاقسى تىلەك، ىزەتتىلىك، ىزگىلىك تۋرالى تۇسىنىكتەرىن قالىپتاستىرۋ؛
- قايىرىمدىلىق قارىم - قاتىناس جاساۋ، ىسكەرلىكتەرىن دامىتۋ؛
- مەيىرىمدىلىككە، ىزگىلىككە تاربيەلەۋ.
كورنەكى قۇرالدار: جاۋقازىن گۇلدەرى، ادەمى جۇرەكشە، ۆيدەوسيۋجەت، پروەكتور، سلايد، بەيدجيكتەر، باياۋ مۋزىكا.

شاتتىق شەڭبەرى:
سالەمەتسىزدەر مە، مەنىڭ قىمباتتى دوستارىم. مەن سەندەردى كورگەنىمە وتە قۋانىشتىمىن.
- ءبىزدىڭ بۇگىنگى ساباعىمىز «جۇرەك جىلۋى» دەپ اتالادى. ولاي بولسا، شاتتىق شەڭبەرىنە تۇرايىق.
- بالالار قولدارىڭىزدى جۇرەك تۇسىنا ءبىر ءسات قويىپ، ءدۇرسىلىن تىڭداپ كورىڭدەرشى. سەندەردىڭ جۇرەكتەرىڭ مەيىرىمگە، قايىرىمعا، ماحابباتقا، جىلى سەزىمگە تولى. ادام بويىنداعى بار جىلۋ مەن مەيىرىم جۇرەكتەن شىعادى. ەندى وسى جۇرەكتەن العان جىلۋىمىزدى اينالامىزعا شاشىپ بولىسەيىك.
-
اڭگىمەلەسۋ.
- تابيعاتقا قامقورلىق جاساعان كەزدەرىڭ بولدى ما؟
- سەندەر ۇلكەندەرگە قانداي كومەك كورسەتتىڭدەر؟
- مەيىرىمدىلىك دەگەندى قالاي تۇسىنەسىڭدەر؟

جاڭا اقپارات.
مەيىرىمدى ادام وزگە ادامعا، تۋعان - تۋىستارىنا، تابيعاتقا دەگەن جاناشىرلىق سەزىمىن، قامقورلىعىن كورسەتۋگە دايىن تۇرادى. ءارقاشاندا ادامدار ءبىر - بىرىنە جىلى سەزىمدەرىن ءبىلدىرىپ، تەك جاقسىلىق ويلاۋ، يگىلىك جاساۋ ارقىلى مەيىرىمدىلىك تانىتا الادى.
ويىن - جاتتىعۋ.«كومەك»
بالاپاندارىنان اداسىپ قالعان تاۋىققا كومەكتەسۋ ءۇشىن بالاپاندار سۋرەتىنىڭ ارتقى بەتىندەگى سۇراقتارعا جاۋاپ بەرىلەدى.

تاپسىرما.
- سەن دوسىڭمەن كولگە شومىلۋعا باردىڭ. كەنەت دوسىڭنىڭ «قۇتقار» دەگەن داۋسىن ەستىدىڭ. سەن نە ىستەر ەدىڭ؟
- سەن جولدا كەلە جاتىرسىڭ. شۇڭقىرعا ءتۇسىپ كەتكەن بالاپاندى كوردىڭ. بالاپان «شيق - شيق» ەتىپ شىعۋدىڭ ارەكەتىن جاسايدى. ءبىراق وعان شاماسى كەلمەيدى. وسى جاعدايدا سەن قانداي ارەكەت ىستەر ەدىڭ؟
- ءار ادامنىڭ جۇرەگى مەيىرىمدى دە قايىرىمدى بولۋ ءۇشىن نە ىستەۋ كەرەك؟
پاراساتتى بولۋ
جاقسىلىق جاساۋ
قامقورلىق كورسەتۋ
كومەك بەرۋ
مەيىرىمدىلىك كورسەتۋ
جاناشىرلىق تانىتۋ
ىزگىلىك
ادامگەرشىلىك ساقتاۋ

دايەك ءسوز.
تابيعاتتاعى بارلىق جىلۋ - كۇننەن،
ومىردەگى بارلىق جىلۋ – ادامنان. م. پريشۆين
ماتىنمەن جۇمىس.
بالالاردى تابيعاتقا قامقورلىق جاساۋعا جەتەلەۋ ماقساتىندا ز. مەيىرحانوۆتىڭ «مارجان مەن جاۋقازىن» اڭگىمەسىن ءمۇعالىم وقىپ بەرەدى. بالالار سۇراق بويىنشا ءوز ويلارىن ايتادى.
- مارجان جاۋقازىنعا قانداي جاقسىلىق جاسادى؟
- مارجانعا باعا بەر.
شىعارماشىلىق جۇمىس.
«جاقسىلىق تامشىسى»
وقۋشىلاردىڭ سانىنا سايكەس الدىن - الا دايىندالعان تامشى ۇلگىسىندە قيىلعان قاعازدار ۇلەستىرىلەدى. ءار بالا تامشىعا ءوزى جاساعان جاقسى ىستەرىن جازادى. تاقتاعا تامشىلاردى ءىلىپ، وزگەلەرگە، اينالاسىنا ءوزى جاساعان جاقسى ىستەرىن جاريا ەتەدى.
- بالالار، ءارقايسىڭنىڭ تامشىداي جاساعان جاقسىلىقتارىڭدى قوسقاندا ۇلكەن دارياعا اينالادى. ياعني ءار ادامنىڭ جۇرەگى جاقسىلىققا تولى بولسا، جەر بەتىندە بەيبىتشىلىك ورناپ، ادامدار باقىتتى ءومىر سۇرەدى.
تاپسىرما.
وقۋشىلاردىڭ العان ءبىلىم - بىلىكتەرىن ناقتىلاۋ ماقساتىندا تاپسىرما بەرىلەدى. تاپسىرما بويىنشا بالالار وقۋلىقتا بەرىلگەن سۋرەتتەرگە قاراپ، وسىنداي جاعدايلاردا قانداي جاقسىلىق جاساۋعا بولاتىندىعىن اڭگىمەلەپ ايتادى. بالالاردىڭ جاۋاپتارى تىڭدالادى.
جۇرەگىندە جىلۋى بار ادامداردىڭ كومەككە مۇقتاج جاندارعا، جان - جانۋارلارعا، تابيعاتقا قامقورلىق جاسايدى. جاقسىلىق جاساۋ – ادام جۇرەگىندەگى ەڭ اسىل قاسيەتتەرىنىڭ ءبىرى. جاقسى ادام قول ۇشىن بەرۋگە، جاردەم ەتۋگە، جاناشىرلىق تانىتۋعا، كومەك كورسەتۋگە، قولداۋ جاساۋعا ءاردايىم دايىن تۇرادى.

تىنىشتىق ءساتى.
- بالالار، ىڭعايلانىپ وتىرىپ، تەرەڭ تىنىس الىڭدار، كوزدەرىڭدى جۇمىڭدار. ەندى كوز الدارىڭا ايتقاندارىمدى ەلەستەتىڭدەر.
- اشىق اسپان، قالىقتاعان قۇس، جايقالعان قىزىل - سارى گۇلدەر، جايناعان ب ا ق، جارقىراپ بار جىلۋىن شاشقان كۇن، بيىكتىگى كوك تىرەگەن عيماراتتار، كۇن شۋاعىنا بولەنگەن باقىتتى بالالار، بالالاردىڭ قۋانىشىنا ءماز بولعان انالار، وقۋشىلاردىڭ بەستىگىن ماقتان تۇتقان ۇستازدار، نەمەرەلەرىنىڭ اقىلدىلىعىنا ريزا بولعان اجەلەر. تۇلا بويلارى جاقسىلىققا، ماحابباتقا، قۋانىشقا تولعان جانداردى كورە وتىرىپ، وسىنداي سەزىممەن كوزىمىزدى اشامىز.

داپتەرمەن جۇمىس.
وقۋشىلارعا داپتەرمەن جۇمىستى ورىنداۋ جولدارىن ءتۇسىندىرۋ.
- سۋرەتتەگى بوس تور كوزدەرگە «انا دەگەن كىم؟»سۇراعىنا جاۋاپتار جازىڭدار. (وقۋشىلار تاپسىرمانى ورىنداپ بولعان سوڭ، جاريا ەتەدى)
- راسىندا دا، ادامنىڭ ادەپتىلىگىمەن، جان دۇنيەسىنىڭ جىلۋلىعى ەڭ الدىمەن بالاعا اق ءسۇت بەرىپ، الپەشتەپ وسىرگەن انا جۇرەگىنىڭ جىلۋىنان باستالادى. انانىڭ نازىك ءۇنى، جۇمساق تا ايالى الاقانى جان جىلۋىمەن ءبىزدى الديلەپ جۇباتادى، كوڭىلىمىزدى سەرگىتەدى.
قۇرمەتتى ۇستاز - انالار الدا كەلە جاتقان مەرەكەلەرىڭىزبەن قۇتتىقتايمىز!(وقۋشىلار جاۋقازىن گۇلىن ۇستازدارعا سىيلايدى)
جۇرەكتەن جۇرەككە.
وقۋشىلار جۇرەگىمىزدى جاقسى تىلەككە تولتىرايىق. (وقۋشىلار جۇرەككە جاقسى تىلەكتەر جازىپ ونى ۇلكەن جۇرەككە ىلەدى)
ەلىمىزدە قايىرىمدىلىق جاساۋدىڭ نەگىزىندە قۇرىلعان «بوبەك» قورى. «بوبەك» قورىنىڭ پرەزيدەنتى سارا الپىس قىزى نازاربايەۆا ەلىمىزدەگى كومەككە مۇقتاج جاندارعا قول ۇشىن بەرىپ، ايالى الاقانىن ۇسىنۋدا. ( وقۋشىلارعا سلايد ارقىلى كورسەتۋ)

باستاۋىش سىنىپ ءمۇعالىمى: شىگىسوۆا گۋلزيا سايلاۋوۆنا