كوپ قۇمارتتىم ومىرگە، كوپ كورمەدىم،
ءۇمىت ەتتىم ۇمتىلدىم، كوپ تەرلەدىم.
اشكوزدەنىپ قايتەيىن، ەي، بولاشاق،
كورمەگەن كۇندەرىمدى وتكەر مەنىڭ.
ساپالاق سان وي مەنى مەزى قىلدى،
سەن ءتۇيسىن، تۇيسىنبەگەن سەزىمىمدى.
اتان جورتسا ارقامنان مىڭق ەتپەگەن،
ايىپتاساڭ ءوزىڭ ءبىل ءتوزىمىمدى.
جىر جورىعىنا اتتاندىم، كەزىپ ءجۇردىم،
مەن ءبىر ءسات دامىلدادىم، كوزىمدى ءىلدىم.
جازىلماعان جىرىمدى جالعايسىڭ با؟
جاڭا جىر باستايسىڭ با، ءوزىڭ بىلگىن.
ءجون بولماس، ءسىرا، ەمىرمەن ۇستاسقانىم،
ءبىر عۇمىر دۇنيەنىڭ قۇشپاس ءبارىن.
كۇنىڭ شىعىپ كەلەدى، ەي، بولاشاق!
بەسىنگە اۋىپ بارادى تۇسكى اسپانىم...
ءومىر - ماڭگى، ۋاقىت - مۇمكىن، ەلەس،
كەل، بولاشاق! ساۋىق قۇر، كۇلكىڭە كوش!
ءبىر كۇن شىقسا، ءبىر كۇننىڭ باتۋى انىق،
ەكى كۇننىڭ تۇرۋى مۇمكىن ەمەس!

---